玉子燒

罐頭玉子燒 整愛心便當話咁易

生活品味

Text |Carrie Photo |Clay Lam

唔好睇少「玉子燒」(雞蛋卷 )只係一件味道帶甜的蛋,好多人都好鍾意食,但因為工序之多,連日本太太都好少自己做,情願買急凍「玉子燒」頂包,不過食之前要解凍都好煩。最近行City’super見到新登場日本罐頭玉子燒,仲聲稱京都老舖之味,索價$45一罐,貴就貴啲,不過都值得買嚟一試!

 
罐上招紙寫名Hand Made Canned Food,又話京都老舖之味,但望均成個罐都唔見有教點整,心諗,玉子燒都凍食都得,照計打開個罐就可以食。

傳統日式玉子燒做法是用加了鰹魚汁同味醂等調味的蛋漿,邊煎邊逐層卷起,然後再用木版壓實,工序多而且難度高。



手拉蓋開罐確實方便,一開蓋只係聞到一陣貓糧味,倒晒啲鰹魚湯先見到兩件半圓形的玉子燒蛋卷,唔想整爛卷形要慢慢筷子挑出嚟!



一罐四件,每件7cm (底) x 3cm (高) x 2cm (厚),份量算ok!

從外型睇,明顯見到卷狀紋,但實在沒有蛋味,因為浸在鰹魚上湯太久,加埋潺潺質感,熱愛玉子燒壽司的試食同事話:「唔係唔好食,不過似舊未煎午餐肉多啲!」

係唔係覺得我中咗伏?解伏原來好簡單,睇埋下一頁就知!

開中火預熱易潔鑊,輕輕煎吓四邊,等佢變金黃色同少少燶,一來可以收乾番啲鰹魚湯,二來可以有火炙效果。

賣相味道即刻有七成似街買嘅玉子燒,好在唔太甜,最適合做愛心飯盒,呃到人!

City’super查詢電話:2506 2888

 

延伸閱讀

▲FINDS半自助午餐 任食五款北歐式沙律

http://goo.gl/nXTlUz

▲紙藝雪糕贏賣相吳若希同JANICE MAN都LIKE

HTTP://GOO.GL/F5RF7D

如欲率先接收資訊,請讚好我們的FB專頁並於「已讚好」選單設定「搶先看」,多謝支持。
More Facebook :https://www.facebook.com/morehk.hk

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended