空姐教路 長途機 使乜驚！有 5 大法寶就得啦
成日都會有朋友走嚟問我，如何搭 長途機 不失霸氣而又舒服。我通常第一句都會講笑答佢，坐頭等囉。如果你唔似早排Youtube熱爆果位人兄好彩地被人upgrade坐頭等，以下小貼士就啱晒你啦！
01 | 長途機 頸枕無得輸
第一樣一定一定要帶嘅，絕對係頸枕！咁多個鐘，唔用嘅話，真係會瞓到頸痛！大家千其唔好帶我呢款，我完全因為個頸枕外觀而買，其實唔太好枕，太扁啦，無咩乘托力，用咗好似無用咁樣。另外試過MUJI有款，平時喺飛機上都見到幾多人用，太軟身，亦唔建議買！屋企人買咗一款，高身、硬度高，好用好多！因為咁樣先可以托到你條頸：
02 | 私家SCARF最衛生
你可能會問，機上都有毯，點解仲要自己拎呢？我知，拎多樣嘢麻煩又佔行李空間。不過自己做呢行，明知機上面啲毯用過嚟抹尿尿屎屎嘔吐物，實在用唔落手。另一原因係， 長途機 坐係度十幾個鐘唔郁動，體溫會因低運動量而下降，就算平時唔怕凍，都係帶定外套或頸巾以備不時之需，總好過想要嘅時候無得拎，大家又唔係唔知機上一毯難求！
03 | 長短途都啱用！花王蒸氣眼罩
大家有睇開我嘅，係之前一篇關於旅遊必帶寶物有提及過！我係不論長途機 短途機 都會帶埋呢個花王眼罩，價錢唔貴，就算香港買都係幾十蚊一盒，一盒又可以同友人一齊share用！仲要用完一次就可以唔要（想當眼罩當然可以再用），一啲都唔會佔空間！除咗可以幫助入眠，對抗時差外，仲可以當普通眼罩用！個人經驗係，用咗之後，真係容易啲入眠！
04 | 機上熱水好污糟，必備暖水壼
呢個特別推介俾女仔同埋老人家。機上面有冷熱水無錯，不過，如果你有睇過VIUTV晚吹「空姐爆料」嗰集都知，機上熱水係極度污糟！（凍水我會用枝裝水裝俾客）如果你係一個無熱不歡嘅人，建議自己帶熱水，有時凍果陣飲幾啖，又或者瞓醒果陣暖下胃，真係好過去問人拎水～我要重申，機上熱水真係好污糟！同行有老人家嘅強力建議要帶！（編按：好多讀者都留言問點樣自己帶熱水，其實好多機場入咗禁區後都會有飲水機，凍水熱水都有，自備水壺就OK啦！）
05 | 保濕用品、防曬唔怕多
嚟到作為貪靚鬼最著重嘅一個環節，美容！機上溫度咁乾，要俾平時更注重保濕！長途機我係一定會敷面膜！之後要瞓啦，仲要厚搽一層Sleeping mask先瞓，我嘅心水係雪花秀，佢簡直係我嘅捱夜神器！以前我會帶保濕噴霧，最近發現就算加咗油嘅，鎖水能力都唔好，倒不如直接用鎖水能力好嘅面霜！重點！千其唔好忘記防曬！機上紫外線係好強DER～
早 CHECK IN 有著數！
最後，再醒多少少俾大家知，坐長途機，可以嘅話早啲check in，事關今次我轉機嘅關係，於是變相最早check in，地勤姐姐俾咗第一排我坐啊！十幾個鐘可以伸直對腳同屈住，真係好大分別架！！
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
