無時差！ 網店直送 日韓台藥妝
OK網店快靚正掃妝品！10大日、韓、台藥妝推介
Source| 新假期 – 時尚美容
去日、韓、台旅行，必定會掃一大堆藥妝，一來款式多，二來價錢平過於香港買，最近畀Hello Pinkey發 現OK便利店旗下網站「Fingershopping指點」，有大量妝品，當中不乏Hit item，包括台灣必買的Sofina Primavista Ange底霜和韓國大熱的Perfect Skin智孝粉底。雖然價錢比當地貴點，但勝在唔駛山長水遠搭飛機可以掃齊三地藥妝，仲要送到你屋企門口或者於就近的OK取貨，今次就揀出了10大必買畀 大家參考下！
到底是咩網站？
Text: Kingyo
「Finger Shopping指點」是OK便利店開設的網店，最近主力售賣護膚及化妝品，品牌大概超過1,000個，裡面很多大熱品牌，包括日本的Sofina、Jill Stuart，韓國的Etude House和台灣的寶藝等，Hello Pinkey第1次Click入去，睇呀睇，唔小心睇咗成個鐘！
日本藥妝推介
1. KANEBO酵素潔面粉
此潔面粉是Cosme大賞的No.1，賣點是清潔力強，有效消除黑頭、毛孔粗大，改善粗糙不平，潔面後皮膚不會覺得繃緊，不少港人去日本都會狂掃貨。
2. 花王蒸氣眼膜
都市人成日睇電腦，眼好攰，好易眉頭繃緊搞到瞓唔著，呢個近期大熱的眼膜應該幫到手，微暖蒸一蒸對眼，眼部放鬆咗，好快入睡。
3. 肩膊紓緩微波爐加熱式紅豆袋
肩膊痛是香港人通病，既然無辦法每日去按摩，買個豆豆袋，叮熱後放於肩膊鬆一鬆，ok舒服㗎，Hello Pinkey早排去日本人都買咗個，而家每晚都會用下。
4. 日本長期大熱暗瘡膏
呢支暗瘡膏應該都唔駛多介紹，很多香港人去日本都會掃幾支回來，而家網上有得賣，以後暗瘡有救 xp。
5. 公主Style Jill Stuart化妝品
日本的Jill Stuart跟香港專門店價錢差不多，所以遊日都未必會去掃貨，但部分產品在Finger Shopping竟然賣得平喎，例如好多讚又靚又好用的Lip Blossom唇膏，香港專門店$210，網購則$180！
韓國化妝品推介
6. 智孝粉底 最新第3代
此智孝代言的粉底已經賣咗幾年，今年出到第3代，依然是搶手貨，它是粉底之餘，中間有保補精華，Keep住粉底貼面。
7. GET IT BEAUTY推介 – J. ONE保濕Mask
J. ONE是韓國藝人河智苑的自家品牌，此保濕Mask不但是GET IT BEAUTY的推介品，在韓國開售75分鐘即賣出超過7000支，相信有留意韓妝的朋友，一定識得呢支保濕Mask。它是透明質地，塗上面後易吸收，清 爽，除了可用作普通面膜之外，還可用作妝前精華及睡眠面膜。香港水貨店賣約$240/支，呢度$163 /支咋！
8. DutyFree熱賣 Etude House髮膜
此髮膜用金盞花萃取物混合荷荷芭油而成，深層滋潤髮絲，先將護髮精華均勻塗於頭髮，然後戴上內附浴帽，焗起碼15分鐘，然後沖水，Hello Pinkey用過，頭髮滑好多，難怪於韓國Dutyfree，勁多人一大Pack 30塊咁買。香港專門店賣$40/塊，呢度$22/塊，平勁多！
9. 台灣必買！Sofina Primavista底霜
呢支底霜大sell 8 小時不脫妝，拿過Cosme大賞，好多sis都讚好用，去台灣一定要幫朋友買幾支返來，呢支Ange系列是台灣版，Hello Pinkey用過，同香港版無咩分別。在專門店買香港版要約$280，台灣版平好多呀！
10. 寶藝去黑頭酵素面膜
寶藝是台灣護膚品牌，不但受當地人歡迎，好多遊客都唔怕重，托幾盒回來，皆因佢保濕度好高，經常敷黑頭會浮出來，價錢又唔貴，抵用！
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
