日本入境 新玩法 3款快速入境懶人包

無論你去過幾多次日本 ，總有同行者會話唔識填張 日本入境 表 ！其實自從4月換了新的入境表 ，需要填的資料簡化了不少，填起來好簡單，不過最棘手的是住民宿/Airbnb係咪應該誠實填報？而為了縮短入境時間，日本關西、沖繩及高松3個機場將會 推出新 日本入境 手續，旅客需以機器自助套取指紋及拍照。睇完 日本入境 懶人包，包你快人一步， 入境無難度！

Source：新假期 – 旅遊 | Edit：Kingyo

第一招︰熟讀入境新玩法

日本錄得破紀錄的入境旅客，塞爆機場，關西空港閒閒地要等最少38分鐘！為了縮短入境時間，今個秋天起，關西、沖繩那霸及高松空港會實施新 日本入境 方法。將原本在入境櫃位由關員負責套指紋及影相的程序分拆出來，改由81部「バイオカート」驗証機負責，旅客要自行跟程序套指紋+影大頭相（同以前一樣套 指紋係要用力壓！），做完先去見關員交表格，官方樂觀地預計可縮短排隊時間，及後將會推展至全日本的機場。

第二招︰入境表報真住址

新表格唔使再填性別、職業、護照號碼及攜帶日元金額，相對填少好多，最麻煩的是「日本連絡方法」欄，通常我會寫首日住宿的酒店，但記緊要填清楚酒店 名、地址及電話，否則填漏一樣都會被關員彈番轉頭。依家好多人都會揀住Airbnb或者民宿，奉勸大家都係老老實實填寫真地址 （反正網絡大世界，人人都係朋友，去住朋友屋企又無犯法嘅﹗），亂填畀人查到，有機會禁止入境5-10年，無得去日本，梗係博唔過﹗

第三招︰一人一張報關表

入境時隨了要填入境記錄卡外，大家係要填多一張黃色的「攜帶品申告書」來報關。除非同行者係家人，否則呢張表格係要一人填一張（空姐成日老點話一團 人填一張﹗），基本上你係清白的話，所有問題都只需填「否」，而去到關口交表格時，一家人是可以一齊交，否則大家都係要自己顧自己，分開檢查。

延伸閱讀：

▲遊日必買！日本內銷少女 內衣

▲2016 日本藥妝店 敗家分享 [護理品+藥品篇]