【日本便利店】夏天新登場雪糕 7仔限定!超夢幻糖果色馬卡龍雪糕

【日本便利店】夏天新登場雪糕 7仔限定!超夢幻糖果色馬卡龍雪糕

生活品味

去日本少不了要去便利店買下零食、宵夜甜品,款式多到試不完!特別站在雪糕櫃前,總不由得要沉思幾分鐘,想一下試哪款好。夏日限定新產品都陸續登場,即睇今期有咩新搞作,mark低佢試試啦!

撰文:Carmen|圖片來源:相關機構|編輯:Kathy(原文刊於新假期

日本便利店夏天新登場雪糕

1. SUIKA FRAPPE西瓜冰

這款新產品使用了甜味非常突出的「黑美人」種類的西瓜果汁製成,而且這西瓜冰仲可以「連核食」!「西瓜核」是有一定咬口嘅朱古力粒,味道同咬口都能同時滿足!包裝仲用上西瓜嘅形象設計而成,夏天感滿滿。

發售日期:2018年6月17日起

出售地點:全國FamilyMart、CircleK・Sunkus(不包括沖繩)

價錢:250円(連稅)

2. 糖果色馬卡龍雪糕

由7-11發售嘅「糖果色馬卡龍雪糕」共有2款味道,分別為「薄荷朱古力」及「雜莓」味,馬卡龍使用在冷凍情況下都唔會變硬的製法,中間再夾厚厚一層雪糕,口感新穎特別。

發售日期:2018年6月12日起

出售地點:全國7-11數量限定發售

價錢:248円(連稅)

3. Häagen-Dazs 白桃紅茶撻味雪糕

雪糕有淡淡的白桃味,再加埋鮮甜白桃醬,最後再配合味道清爽的紅茶雪糕,變成清爽鮮甜嘅白桃紅茶撻風味。

發售日期:2018年6月26日起

出售地點:全國Lawson

價錢:300円(參考價格)

4. Häagen-Dazs 夏日柑橘味雪糕

又有柑橘的淡雅甜味,又有牛奶香的柑橘味雪糕。活用了柑橘獨有的清爽香味,再加埋帶微苦的柑橘醬,味道既濃厚又清新。

發售日期:2018年6月26日起

出售地點:全國Lawson

價錢:272円(參考價格)

5. 牧場しぼり藏王高原特選新鮮牛奶雪糕

使用榨擠後3日內的新鮮牛奶,不添加任何香料或安定劑,令你品嘗到牛奶本來嘅鮮味!為了保存全牛奶的鮮度,而故意用包裝袋封好。奶味超濃郁!牛奶雪糕迷必試呀!

發售日期:2018年6月12日起

出售地點:全國7-11數量限定發售

價錢:173円(連稅)

6. 不二家牛奶妹x赤城乳業

Milky ice bar 雪糕棒的原料同樣用上煉奶,再加上北海道產的鮮忌廉,味道更加深厚濃郁。最特別是,發售的雪糕棒在冷凍程序中「做咗啲手腳」,再現不二家獨有的柔滑口感。不二家牛奶糖fans一定要試啦!

發售日期:2018年6月5日起

出售地點:全國便利店

價錢:140円(連稅)

7. 赤城乳業 Purin ice bar

主打「可用單手食嘅布甸」,使用了北海道產牛奶製作,味道似吉士布甸。而且中間仲填入咗焦糖醬!十足十平時食開的布甸!

發售日期:2018年6月18日起

出售地點:全國便利店

價錢:130円(參考價格)

8. LOTTE 桃味雪糕杯

大大隻「爽」字嘅雪糕杯都推的桃味版,而且還是白桃+黃桃!質感似雪葩,中間混有微細冰粒,有咬口之餘味道清爽,裡面還加了超多量細粒果肉!抵食到爆!

發售日期:2018年6月11日起

出售地點:全國便利店

價錢:130円(參考價格)

9. Häagen-Dazs 咖啡曲奇雪糕雪條

用甜味適中的牛奶朱古力包住帶有微苦的咖啡雪糕,表層粒粒曲奇非常有咬口!但包裝沒甚麼特別,望落普普通通,大家記得仔細搵啦!

發售日期:2018年6月5日起

出售地點:全國便利店

價錢:272円(參考價格)

10.Häagen-Dazs Juicy Bar 白桃&莓

用甘甜柔滑的白桃果肉同鮮色的雜莓果蓉組成嘅2層coating,包住淡淡香味的白桃雪糕。果汁感超濃厚,但味道食起來又非常之清爽!日本人都大讚好好味!

發售日期:2018年6月5日起

出售地點:全國便利店

價錢:272円(參考價格)

7-8月超高期待值Häagen-Dazs雪糕

1. 雙重紅豆雪糕

發售預定日:2018年7月3日

紅豆雪糕,配混有紅豆粒的鹽煉奶冰果子露,用不同形式品嘗紅豆風味。中間更夾了甘香黃豆粉,有興趣試和式創作甜品嘅你就mark實啦!

2. 黑蜜黃豆粉雪糕

發售預定日:2018年7月24日

由黑蜜冰果子露及黃豆粉雪糕組成的新口味,味道濃厚又帶清涼,食住雪糕過一個和式夏日。

3. 濃厚牛奶味雪糕

發售預定日:2018年8月7日

由牧草開始,嚴格並徹底管理一頭頭乳牛,由此生出味道濃厚豐富的美味牛奶,再用簡樸的食譜製成口感柔滑的雪糕。由2002年至2010年發售的超人氣商品,再度在超高呼聲下登場!

有什麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!

有什麼拍拖好去處推介?

情侶約會可以去這拍拖好去處,既玩味又能滿足女生愛打卡的要求。在特別日子到影相好去處拍照留念都是很好的選擇!另外也可到Art JammingTufting,最後可以去按摩店放鬆身心。

你可能也喜歡

Recommended