年宵

室內通宵萬呎市集 年宵精品精選

生活品味

廣告

Text | Pan
Photo | 新傳媒資料室及有關機構提供
Edit | Kingyo

猴年在即,全城賀年活動一籮籮,今次為大家搜羅全城度歲晚熱點,過一個集食買玩於一身的肥年!

全城年宵大檢閱
港人終於一年到晚才一次的年宵,難怪三歲至八十,還是你我他都期待!講返正題,今年食衞署管理的全港、九及新界的年宵市集,將於城內十五個地公共遊樂場舉行,均由2月2日至8月舉行,維園同埋旺角花墟最大規模,相信今年大賣的玩意必定是全城翻炒的「賀年金猴」有關公仔,而記者就為大家搶先報導今年維園及旺角花墟有得賣的特色公仔咕臣,快睇!

Next Page> 室內萬呎通宵市場

城中商場年宵展
拜年買餅必到@奧海城

等唔切室外年宵花市?一於去奧海城呢個搶先開閘的甜品主題的年宵市集,多個烘焙品牌推出各款特色甜點及賀年禮盒,參與包括Éclair、Shoei、Kyoto Bakery SHOEIAN及Ali Oli等。當中著名烘焙品牌Ali Oli更特別推出新春造型馬卡龍及曲奇,睇得又食得,拜年贈親友就最好不過;而PANTRY Bread & Pastries的一口蝴碟酥深受歡迎,更特別推出賀年「恭喜發財」曲奇禮盒,夠晒意頭!

烘焙甜品巡禮
日期︰即日至2月21日
時間︰12pm-8pm
地點︰奧海城2期地下主題中庭
查詢︰2740 4108

城中最大室內花市
將軍澳的東港城每年都會大搞全港最大的室內年宵市場,唔講唔覺原來今年已經係連續第十年舉辦!今年再度同香港年花業界兩大花王合作,包括香港蘭花大王楊小龍先生及香港鮮花盆栽批發商會主席賴榮春先生,由即日至年廿九,去到場內都可以感受到「春光似海,盛世如花」的景況,係室內都可以慢慢揀盆靚花行大運!除了鮮花盆栽外,當然唔少得各式賀年禮品,如拜年的洋酒、禮餅、鮑魚及人蔘等山珍海錯,場內亦一應俱全。

「東港城.第十屆全港最大室內年宵市場」
日期︰即日至2月7日
時間︰11am-9pm
地點︰東港城一樓展覽場
查詢︰2703 9346

劈價食品展暨文創市集
近年興起文創市集,如果年宵花市式的展銷糅合兩者,應運而生出的另類年宵,又會是甚麼樣?今個農曆年,位於元朗的YOHO MALL,聯同一田超市於場內大搞獷年依品展,當中不乏淘人最愛的日式禮盒如「富山牛奶曲奇禮盒」及「信州蘋果批禮盒」而參茸海味等亦有南非花膠、野生牛肝菌麵及松露油禮盒及超值鮑魚養生福袋等;而特色新品和獨家優惠低至五五折,當中包括韓國罐裝天字高麗參折扣達六五折、猴頭菇及舞茸禮盒更低至接近半價!

另一方面,即日至年三十於商場的戶外露天廣場亦有創意市集,售賣應節食品如迷你盆菜、傳統街頭小食如叮叮糖、龍鬚糖、賀年立體揮春、風車、抱枕及擺設等多元化產品,食得唔食得的都包羅萬有!

「YOHO MALL 創意市集」及「一田超市‧猴氣滿滿賀年食品節」
日期︰即日至2月11日(創意市集逢周五至周日開)
時間︰12nn-9pm(食品展)、1pm-9pm(創意市集)
地點︰元朗YOHO MALLⅠ一樓中庭及戶外露天廣場
查詢︰2476 9920

辨年貨必逛雲集老字號
德福廣場今年再接再勵,於這場的一期中庭大搞以專統為題的「猴年新春美食節」,多款經典賀年食品及乾貨一應俱全。即日起至年廿九期間,力邀多間香港老字號及特色食品公司撐場,包括八珍、蓮香老餅家、英記茶莊及鴻星食品等,全部都是新年禮餅及應節食品的老字號,當中上海么鳳的頂級芋蝦、布袋澳六嬸的隱世年糕及上海陸金記瓜子大王的麻辣瓜子都是必搶之選!

德福廣場「猴年新春美食節」
日期︰即日至2月7日
時間︰11am-9pm、11am-7pm(2月7日)
地點︰德福廣場一期中庭
查詢︰2750 0877

勁多優惠室內年宵

今年荃新天地都有搞年宵,一共請來十六個商戶駐場,包括香港名牌慶輝堂鮑魚王、Hokkaido Food日本四狐發光特別版名酒、歐洲Mio Miko比利時朱古力及各國海鮮珍饈。此外,場內亦會搞唔少優惠益街坊,如於「慶輝堂」購物滿$500即送花菇,每日亦有$1紅燒鮑魚吸引大家;「Cheers乾一杯」購物滿$100,送250毫升西班牙初榨橄欖油1支,亦可以加$1送意大利粉一包;「小樽屋Hokkaido Food」就用$1價來做噱頭賣法國玫瑰花酒,其法國白酒亦買一送一,不論拜年送禮或者自用都好抵!
荃新天地「心滿意足」賀年食品節

日期︰即日至2月7日
時間︰11am-9pm
地點︰荃新天地1期高層地下中庭
查詢︰3926 5708

萬呎市集 年廿九通宵

今年apm的室內年宵,面積逾一萬平方呎,分為五大主題分別有潮流設計區、學生創業場、搞笑賀年精品及應節賀年美食等,貨品種類過千五種,值得一提的是,場內年於年廿八及年廿九兩日更通宵營業,絕對適合夜鬼!今年年宵首次引入韓國人氣爆谷Sweet Monster pop up store, 以彩色繽紛的人物包裝售賣各款人氣爆燈的爆谷及果仁,等大家過個甜蜜猴年。今年亦新增「新春賀年潮貨即時搶」網站,場內多款創意賀年精品低至1折超級震撼價發售,當中不乏超筍產品包括應節賀年美食、搞笑賀年揮春、利事封、潮流小家電、國際彩妝、時款配飾等,密切留意!

apm創意潮人年宵市集攤位
日期︰即日至2月7日(2月5及2月6日通宵)
時間︰12nn-2am
地點︰apm大堂及大堂高層
查詢︰3148 1200

Next Page> 城中賞煙花兩大靚位

初二煙花耀維港

今年的煙花匯演活動名為「欣賞香港璀璨展關懷」,由廠商會贊助了八百多萬聯同民政事務局一同籌備!歷時廿三分鐘的煙花匯演,於年初二晚上八點於維港夜空上演,大家要一早到沿岸霸定靚位觀賞。屆時匯演將由三艘躉船向維港夜空發放兩萬三千多枚煙花,前後合共八幕,食正「發」字意頭!當中最具代表性,就在第二幕的「靈猴獻歲」中,多個「猴子臉」在維港上空發笑,喻意大家今個猴年行大運,「猴運當頭」;而壓軸的第八幕「欣賞香港」,絕對是全晚的高潮所在,密集式煙花在半分鐘內一次過盛放,火樹銀花般燦爛奪目,最後以大禮炮為匯演來個完美落幕!

欣賞香港璀璨展關懷
日期︰2016年2月9日
時間︰8pm
地點︰維港兩岸

初三始動3D映畫Show

睇完初煙花,雖然未夠喉的話,年初三於尖沙咀文化中心就有新搞作,屆時有農曆年版本的「閃躍維港3D光雕匯演」,每晚八點二十分開始免費放送,每晚四場,每場八分鐘,萬勿錯過!這糅合3D 投影技術、音樂與燈光效果的多媒體匯演,將以香港文化中心及鐘樓外牆作為銀幕,投射出「香港新春節慶」的畫作,是為集聲畫及光於一身的國際水準表演,精彩絕倫!

「閃躍維港」3D光雕匯演
日期︰2016年2月10日至29日
時間︰8:20pm、8:45pm、9:15pm及9:45pm
地點︰尖沙咀香港文化中心及前九廣鐵路鐘樓

城中觀賞兩大靚位

停車場獨享靚景@海港城
海港城的停車場,面向廣闊維港,坐擁無敵靚景,所以向來都係大家欣賞「煙」花名所,而今年亦唔例外,會開放海運大廈露天停車場。雖然唔使入場費,但就要當日於場內用電子貨幣消費滿一千蚊或以上,憑單即場捐款$30予「香港血癌基金」,即可換領賀歲煙花匯演入場券,每人每次最多可換領四張入場券,一舉兩得,特別有意義!
農曆年初二維港賀歲煙花匯演
日期︰2016年2月9日
時間︰12nn-6pm(換領)
地點︰海港城海運大廈三階(近OT313號舖–Ralph Lauren)
收費︰當日於場內用電子貨幣消費滿$1,000或以上(包括EPS、信用卡及八達通)

查詢︰2118 8666
網址:www.harbourcity.com.hk
備註︰於最多於2間不同商戶消費、每張單據消息金額最少$100

高居臨下俯瞰全海@Sky 100

想係全港最高點睇煙花?唔使坐飛機,去Sky 100就得!新一年登上海拔393米的百層高樓高,在舒適的環境欣賞欣賞,飽覽毫無遮擋的壯麗夜空,三百六十度鳥瞰全城景致的地標睇煙花,絕對係錦上添「花」。Sky 100的「2016農曆新年煙花匯演門票」即日起於網站發售,每位$268的收費除入場劵外更有猴年開運福袋一個,憑袋內幸運號碼更有機會玩遊戲贏取「天際新春幸運獎」獎品價值超過$8,888! 同場仲有三個由著名堪輿學家雲文子師傅設計的新春福運擺設,一於同另一半上嚟睇醉人煙花,順手一沾旺氣就最好不過!

2016農曆新年煙花匯演門票

日期︰2016年2月9日
時間︰6pm-9pm(最後進場時間為8pm)
地點︰九龍站環球貿易廣場100樓天際100香港觀景台
收費︰$268/位(包猴年開運福袋一個)
查詢︰2613 3888

Next Page>今年有星戰、Hello Kitty 、史諾比花車!

中外花車巡遊嘉年華
今年第廿一屆新春花車巡遊匯演,主題為「環球樂園‧新春派對」,大年初一晚上八時將會有十三架主題花車於尖沙咀一帶出巡,包括國泰航空、建設銀行、迪士尼及海洋公園等,更會聯同廿二支中外表演隊伍一同參加。屆時將沿廣東道、海防道、彌敦道及梳士巴利道前行,以香港喜來登酒店外為終點,而大家早於六點已經可於巡遊路線兩旁免費欣賞,由旅發局特別安排的暖身活動!單是暖場活動就已請來三十個不同演出單位,如流行樂團、舞蹈團、魔術、街頭表演及互動遊戲等;除了在廣東道及彌敦道上亦設有表演區外,巡遊路線沿途設有十個定點音樂地帶,安排本地年青音樂人即場獻唱,保證行到邊都有好節目。

緊接花車而來的國際表演隊伍亦有睇頭,當中包括殿堂級電影及卡通人物,如《星戰》的白兵和黑武士、Hello Kitty及布甸狗等,將同大家零距離互動。提提大家,在彌敦道的太空館旁,將有一個接近三層樓高,穿上賀年服飾的巨型充氣「史諾比」等大家打卡影相,萬勿錯過呢!

國泰航空新春國際匯演之夜
日期︰2016年2月8日
時間︰8pm-9:45pm
地點︰免費,另有收費觀眾席設於香港文化中心廣場,票價每位港幣$480、$450、$300。
查詢︰2508 1234
網址︰www.discoverhongkong.com

延伸閱讀:

▲韓版 IKEA登港! Modern House 掃貨着數攻略 http://goo.gl/UGQqVj
▲Shoopen 59蚊一雙鞋 韓版 ABC Mart 8大優惠
http://goo.gl/lgyyjH

常見問題

有甚麼餐廳適合慶祝生日或週年紀念?

香港其實有很多特色餐廳,即睇:打卡餐廳Cafe推介海景餐廳推介香港酒吧高質推介,適合打卡,又是情侶拍拖、慶祝生日、紀念日,甚至閨蜜聚會的好去處!除了食飯,在特別日子到影相好去處拍照留念都是很好的選擇!

有甚麼週末好去處推介?

近年香港多了很多展覽及博物館,故宮文化博物館科學館恐龍展,都是不錯的週末好去處選擇!情侶約會可以去這52大拍拖好去處,既玩味又能滿足女生愛打卡的要求。最後可以去按摩店放鬆身心。

你可能也喜歡