法國私房菜鵝肝全包宴

Q: 有甚麼餐廳適合慶祝生日或週年紀念？

香港其實有很多特色餐廳，即睇： 打卡餐廳Cafe推介 ／ 海景餐廳推介 ／ 香港酒吧高質推介 ，適合打卡，又是情侶拍拖、慶祝生日、紀念日，甚至閨蜜聚會的好去處！除了食飯，在特別日子到 影相好去處 拍照留念都是很好的選擇！

Q: 有甚麼週末好去處推介？

近年香港多了很多展覽及博物館， 故宮文化博物館 和 科學館恐龍展 ，都是不錯的週末好去處選擇！情侶約會可以去這 52大拍拖好去處 ，既玩味又能滿足女生愛打卡的要求。最後可以去 按摩店 放鬆身心。

Oct 1 2015

Text|Carrie

鵝肝傳統上係秋冬季食材，既然食貴嘢，當然唔想是是旦旦，同大閘蟹一樣，每年都係食三兩個月嘅話，就搵間有水準嘅食，La Table de Patrick法籍老闆兼主廚Patrick Goubier被譽為鵝肝達人，對不同種類的鵝肝特性暸如指掌，對於煎煮時嘅溫度控制近乎完美，佢十年前創作的「鵝肝三重奏」，到今時今日仲有好多食客捧場。十月推出的鵝肝餐牌，特意設計了五道菜的tasting menu，每位$788，鵝肝唔會成日食，食貴啲又何妨！

前菜「鵝肝雪糕泡芙伴熱朱古力」是Patrick的招牌菜式，鵝肝雪糕將鹹香味與甜味完美結合，伴以黑醋、橙及朱古力製成的醬汁，中和了油膩感之餘亦提升了鵝肝的味道。

「大蝦濃湯伴鵝肝泡沫」，湯頭的蝦味濃郁，口感滑如奶油，Patrick以特別的手法把鵝肝混合干邑打成泡沫，令兩者相得益彰，更能帶出濃湯的鮮味。

「自家製煙熏鵝肝凍批伴鴨凍啫喱」，鵝肝凍批帶有淡淡的煙熏味，令味道更有層次感。鴨凍啫是將肉桂、小豆蔻、小茴香子與烤鴨熬湯，放涼後變成骨膠原啫喱，配以麵包同吃，令人回味。

主菜係「香煎鵝肝及鴿胸伴洋蔥煙肉批」，鵝肝煎得金黃香脆，內裏綿滑細嫩，入口即溶，鴿胸肉質鮮嫩，香味撲鼻。

連甜品都係鵝肝帶來驚喜。「鵝肝焦糖燉蛋」的甘脆糖衣下是香甜軟滑的燉蛋，雲喱拿籽的味道配合淡淡的鵝肝甘香，加一件烤無花果，果香與蛋香的滋味令人無法抗拒。

La Table de Patrick

地址：中環閣麟街37-43號祥興商業大廈6樓

電話：2541 1401

營業時間：星期一至五中午12時至3時、下午6時30分至11時

星期六下午6時至11時，星期日休息