夏日清爽美髮私心分享 Mirror+Error御用髮型師大爆老公們笑料！

Aug 13 2021

香港嘅夏天濕熱又翳焗，美編最煩惱就係頭髮護理，因為面對猛烈陽光嘅侵襲，仲加埋外來環境嘅污染，頭髮好易扁塌又容易出頭油，頭髮造型捱唔到半日就會扁塌，仲有可能散發出難聞嘅異味，真係令人好尷尬呀~

早前Mirror+Error御用髮型師Denny就響直播分享咗私家貼士佢平時點樣幫明星Model響炎炎夏日保持頭髮清爽輕盈，除左示範左用直髮夾簡易打造豐盈蓬鬆髮型之外，仲教大家揀頭髮用品嘅訣竅！Denny仲忍唔住大爆兩大天團老公們嘅整頭趣事，睇下佢地平時有咩笑料啦！

Mirror同Error御用髮型師爆趣事

美編聽兩大天團嘅御用髮型師Denny講，16子每個人都有自己獨特個性，髮型上都唔會似大家。要數到最百厭係阿Jer，佢整頭時最鐘意唱歌，成日唱到忘晒形高音尖叫嚇親身邊嘅人！姜B頭髮軟淋淋，平時都唔係好識自己set頭，相反教主好有自己一套嘅護髮心得，平時仲會用焗油代替護髮素！而最爆笑係193因為太高竟然喺2層高Studio都撞到頭，仲要等左好耐佢個頭都未消腫，唯有即刻幫佢改變髮型，整個齊蔭遮住佢額頭腫左嘅部分！

另外原來Denny同佢眼中好貪靚嘅Error顏值擔當193都有同一秘密武器對付夏日油頭扁塌煩惱，就係佢地一試愛上嘅The Body Shop全新茶樹淨化控油洗護系列！

茶樹油X純素絲蛋白淨化控油頭皮秀髮全日清爽！

一推出即成熱話嘅人氣The Body Shop茶樹淨化控油洗護系列有皇牌非洲肯亞茶樹油成份，嚴選非洲有機茶樹葉，以全人手採集，喺12小時內進行高壓蒸餾，純淨高效！可以消炎抗菌，強效淨化控油，疏通毛孔，洗走多餘皮脂！咁樣頭髮唔會因為夏天出油而變得扁塌，set頭都可以hold得住全日，仲係社群公平貿易成分，確保生產者得到合理回報唔會被壓榨，好有意義架！

另外呢個系列更加入嶄新生物科技 – 純素絲蛋白，可以填滿髮絲表皮層和髮質層之間的空隙形成保護薄膜，醫學實證有效內外修復髮絲，幫助修復受損髮絲、抗氧化、強韌髮絲減低斷裂風險等，令秀髮看起來更光滑、更閃亮、更健康！