偽素顏

男神咁近望到實 偽素顏 妝會唔會出事?

美妝髮型

Text| Mabel

Photo Source: Pinterest

一套<<太陽的後裔>>令雙宋CP人氣急升,人人爭住揀宋仲基為男神,而宋慧喬亦以仙氣爆燈的 偽素顏 look 連任女神寶座!似有還無的 偽素顏 妝,你以為真係可以單靠BB Cushion就可以keep到零瑕疵妝感?

其實上妝後遇到的難題會有一大堆~

男神也有偷望時!

Q:被偷望時塊面竟出現卡粉或者甩皮

A: 唔夠瞓或者膚質乾都會出現唔上粉的情況,想有效控油就必先要保濕,上妝前可以敷片面膜救缺水,趕出門的話可以保濕及軟化皮膚的化妝水,用化妝棉局部敷,亦可以保濕水作快速救乾之用,上好妝後噴上保濕水可以令粉粒及貼面,粉感都無咁重。 怕乾的話,上粉時可混合滋潤面霜一齊用都得!

Q: 面頸唔同色?

A: 選粉底要貼近膚色,特別是夏天,外露的皮膚會更多,即使化埋條頸都好易穿崩!試色可以試上手,其實試上腮位或前額都會比較貼近本身的膚色。 韓國愛用BB Cushion,但顏色選擇比起粉底液相對較少,自問無超白好膚質的話,就唔好勉強化多幾層來變白兼遮瑕,妝感厚重更唔自然。

Q: 近望發現個妝浮粉

A: 夏天推的粉底以oil-free或控油成分居多,而呢類粉底一般都比較清爽,如果屬乾性皮膚、面部有甩皮就未必啱用,因為會好容易出現浮粉情況。掃上過多碎粉做定妝,除了令妝感厚重之餘,亦好易會浮粉!

Q: 近望發現你油光滿面,毛孔盡現?

A: 上粉時要順著毛孔的生長方向上妝,就係遮蓋毛孔瑕疵小秘技。當出現油光滿面的情況,補妝時可用修飾毛孔控油棒幫手,三角形棒型設計更可以針對最容易泛油的鼻翼、額頭及下巴等位置,方便過印幾張吸油紙!

Q: 粉底點解會變色

A: 粉底經過陽光照射,再加上皮膚分泌的油份,令不穩定的色素產生氧化而變得深色,所以揀粉底一定要注意要有較高效的抗氧化功效。

到底一個心機偽素顏最簡單可以點化先可以keep得持久?

 

無論係宋慧喬定金智媛都化偽素顏妝,妝感貼薄無瑕,眼妝簡潔!如果唔用Bb Cushion又可唔可以做到呢個妝感?

上妝小恩物:

(1) 自然亮肌粉底液

偽素顏妝注重妝感水潤亮澤,要揀有防曬及護膚成為的粉底液打個靚底,粉底液比一般Cushion更持久、貼薄兼遮瑕度亦出色!

(2) 重點遮瑕

蘊含多種護膚成分的遮瑕液,可以重點點塗黑眼圈及面上小瑕疵,保濕兼可填平眼紋。

(3) 粉餅定妝

用掃薄塗一層蜜粉作定妝,容易出油的T字位可掃多一層,提亮妝感!

(4) 保濕噴霧

上好底妝噴上紓敏的保濕噴霧有定妝作用,補妝時亦可噴一噴救乾,再上妝會更清爽貼服!

心機小妝品

(1) 眼線液

極纖細筆毛,能輕易勾勒出極纖細眼線,最重要係防水防油,化全日都唔會暈染。

(2) 眉妝

眉粉蘊含獨有的 Eyebrow Fitting Powder,高效防水防汗,一盒有齊5色兼有4款mini專業眉掃,帶出街補妝都好方便。

(3) 花瓣唇妝

雙色唇膏一筆過夠方便!而最近新推的貓貓唇膏同樣可以畫出漸變唇效!

清透果漾唇膏芯再加cute爆貓貓樣,修護雙唇兼好上色。

以上只係化一個基本偽素顏的小妝品,所以話似有還無的背後絕對是心機之作!

延伸閱讀:
▲春夏轉季底妝 都要轉 戒 BB Cushion 的4大理由 http://goo.gl/OR9FGP

▲人氣 扮靚神器 識得用梗係咁用! http://goo.gl/mrua5N

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

More Facebook :https://www.facebook.com/morehk.hk

有什麼好用底妝產品推薦?

化妝時必定要用底霜做好妝前打底,避免皮膚直接接觸化妝品及令肌膚變得更光澤。之後就可以塗上粉底液氣墊粉底;亦可使用遮瑕膏/遮瑕液加強修飾臉上瑕疵。有化妝師教路使用粉底刮棒就可以4步化出原生膚,再用上三文治定妝法即可使整個底妝變得持久不脫妝。如果想營造偽素顏效果,潤澤膚色,則可改用素顏霜

有沒有價廉物美的面部保濕產品推介?

保濕產品有多個種類,在眼霜方面,消委會3款高分眼霜推薦,當中百元眼霜媲美千元品牌!保濕面膜方面,比較了10款面膜,貼服度極高,有效急救轉季泛紅問題;保濕面霜方面,比較了10好用平價保濕面霜,冬天、夏天轉季都啱用。

你可能也喜歡

Recommended