疑似UNIQLO前員工爆5大秘聞：人工過50K、客人試身室親熱
UNIQLO在香港應該無人不知，它的價錢貼地不時都會聯同不同品牌合作，而且款式多、質料舒服，深受不少港人喜愛，最近有UNIQLO前員工在討論區大爆料，更提及了不少街外人好奇的話題，例如人工、員工優惠、試身室奇聞等！
疑似前Uniqlo員工大爆5大不為人知秘聞
1.Uniqlo人工好低？
講到返工，就當然是為了人工啦！網民一開始便提問UNIQLO工作人工，樓主店內一般Sales薪金大約有多少，樓主便解答Full Time員工未過試用期大約$13,000，過了試用期大約為$15,000，而Part time方面為$65/小時。同時也有網民好奇店長人工有多少，樓主就提到平均月薪超過50K（底薪連Bonus）。
2.返工OT情況如何？
返工OT在所難免，被問到UNIQLO OT情況，樓主直言「基本上返得夜你都預左要ot架啦，唔想ot咪唔好報返夜囉」。除此之外有不少網民都過聽過曾在U記工作的朋友抱怨，指出店舖內的工作繁多，直言「做到仆X」同多多規矩，仲勸世大家不要入行。
3.買衫有無員工優惠？
返工當然最好就有埋員工福利啦！有人問樓主員工有無買衫優惠，樓主就表示只要是U記員工，買衫就有七折優惠，間唔中也有朋友會搵自己「𢯎折」，樓主指熟就無所謂，不過唔熟就咪搞咁話，睇嚟大家身邊都總有幾個扮熟𢯎折的「朋友」呢！
4.最西是哪種客人？有人會偷衫？
有人好奇樓主在UNIQLO有沒有遇到西客，樓主直言「大把」，更表明當中最西的一定是香港人＋女人這個組合，強調「大陸人都有禮貌過啲香港人，香港人真係好L 難服侍，尤其係女人呀，我係女人都咁話呀」。另外，樓主大爆不時都有客人試圖偷衫，但大多都會當場人贓並獲，並且會報警處理。
5.有無遇過客人在試身室親熱？
不少網民都好奇有沒有客人會在UNIQLO的試身室偷偷做愛做的事，畢竟有些動作片情節深入民心，樓主就表示「唔會比佢地兩人一間fitting，除非趁我冇留意偷走入去」、「不過如果我發現嘅話，會拍門叫佢地其中個出返黎」。
原文連結：按此
Tag
網絡熱話
圖片來源：電影《最愛女人購物狂》劇照、ViuTV《IT狗》劇照、韓劇《愛上變身情人》劇照、電影《閨密》劇照、UNIQLO、連登討論區截圖
