馬鞍颱風｜香港天文台取消所有熱帶氣旋警告信號！

馬鞍颱風｜香港天文台取消熱帶氣旋警告信號。

香港天文台下午4時10分取消所有熱帶氣旋警告信號。

• 九巴龍運巴士城巴新巴930起陸續恢復服務
• 港鐵及輕鐵陸續加強班次及恢復港鐵巴士服務
• 新渡輪中環往返長洲+中環往返梅窩+港內航線11時後逐步恢復

馬鞍颱風｜明早（25日）最接近香港！西面登陸將增強破壞力度

天文台預料「馬鞍」將在8月25日（周四）最接近本港，預料海有巨浪及湧浪；將有狂風大驟雨及雷暴，原本預測它在本港東面一帶登陸（東登），惟現時已改為西面登陸（西登），風勢及破壞力度變得更強。由於熱帶氣旋在東面登陸時，主要吹偏北或偏西北風，有山勢阻隔而減低風力；相反，熱帶氣旋在西面登陸，普遍會吹東或東南風，地勢無遮擋，風力變得更強，同時把海水推向岸邊，可造成嚴重的風暴潮。遇上潮漲時，低窪地區或有機會嚴重水浸。

不過有網民對於「東登」及「西登」的字眼表示從未聽過，指「又作個新詞出嚟」、「講完都無人明」、「係咪學內地講法」。而事實是，天文台早在2017年時已於《氣象冷知識》中解釋此用語及氣象資訊，所以亦有人留言指「自己學得少嘢就唔好出聲」。

馬鞍颱風｜網民希望唔好打得成風

今次「個風貌似打正香港」，網上已引起「掛8號風球」的熱議，雖然有網民指單看路線圖已「掛硬」8號風球，不過今次大家的反應未如以往一樣集氣求打風，而是集氣「打唔成」。原因是以往掛8號風球大家可以順理成章放假一天，但自從WFH出現後，再沒有風假的待遇。

另外亦有網民指，從以往經驗所見，每逢打風落雨流浪動物一定更慘，指「橫風橫雨浪浪好陰公，打到正有咩事佢哋無地方匿」、「收留流浪動物嘅地方打親8號波都好易有事發生，又水浸又驚到走失」、「大家要畀個瓦遮頭佢哋避雨，唔好趕佢哋走」、「我寧願返工都唔想浪浪經歷暴風雨」。

不過最離奇的是，有人表示「唔該個風星期五先打，唔好星期四嚟啦，我想要連續三日假」，其後即被人留言反擊指「有得打都偷笑啦，仲咁多要求？」；亦有網民指「還掂都唔會打全日，晏晝落波仲麻煩啦搭車返工，逼都逼死，不如唔好掛」、「唔打全日就唔好掛，唔該，又要一早起身睇消息，攰過返工。」