女友露營帶電熱水煲 男友：冇常識有冇得救？

撰文：CY｜圖片來源：香港討論區、Unsplash｜原文刊於：GOtrip

港男上網爆怨女友露營帶電熱水煲

該港男於香港討論區以「我女友去露營帶電熱水煲 佢咩料」為題，指日前與女友孖住去露營時，竟然發現她帶了個電熱水煲，「大佬！佢係真係帶咗嗰啲屋企要插電源，然後啪制嘅嗰種電熱水煲」。

當時港男問女友「邊度搵個電制俾你插」，女友竟然回應「咁大個平地，點會冇啊！唔係人哋去露營點煲水啊？」，實在令港男「翻白眼反到去後面」，對網友呼叫：「冇常識有冇得救？」

網民恥笑港男咎由自取：去酒店或者露營車啦

網民瘋狂笑爆炸港男，笑稱是港男的錯，「係你無帶汽油發電機」，又指「你女朋友係咪唔記得帶拖板？」，亦有網民恥笑港男咎由自取，笑稱「搞到咁為乜，去住酒店好過啦」，或者「改租露營車啦」。

營友話帶電熱水煲好正常：帶發電機咪得

不過有幾位網民留言話自己去灣仔營地露營時，見到的確有人帶發電機或者手提儲電器，更帶備雪櫃、電視、冷氣機，相當大陣仗！該網民再表示，在澳洲露營時，電水煲其實算是必需品，幫口解釋講可能女友「鬼仔性格」，以為香港營地好似外國營地一樣設備齊全，而非大家口中所講——「低低地」。