雪姨「盆菜風波」不斷發酵再三道歉求原諒 黑料大爆發:疑已婚、用錢撻人!宣布向市集檔主退全額租金

網絡熱話

雪姨「盆菜風波」一事連日來一直備受熱議,暫時仍未能平息下來。「富貴KOL」雪姨早前發表盆菜食評影片,被指貶低茶餐廳、讚好五星級酒店出品而引爆「公關災難」。事件不斷發酵,盆菜風波更直接影響她有份籌辦的「大乾爹」新年市集,引發退租潮。雪姨昨日(25/1)在IG再次發文向基隆茶餐廳道歉,同時承諾給市集的檔主退還全額租金。

雪姨「盆菜風波」再三道歉黑料大爆發

有「富貴KOL」之稱的雪姨日前發表盆菜食評影片,節目以3間食肆的迷你盆菜比併,分別是兩間大酒店及一間茶餐廳的出品。雪姨大讚兩間大酒店的盆菜,卻大彈茶餐廳盆菜的水準,又嫌少髮菜,同時借機會宣傳生髮水產品,事件引起網民炮轟。雖然雪姨已刪片及發文道歉,但事件連日來不斷發酵,除了雪姨的YouTube頻道由32.4萬訂閱人數,到今日下跌至31.5萬外,涉事茶餐廳掦言追究、連五星級酒店亦與她劃清界線。

盆菜風波︱雪姨向市集檔主退全額租金 IG再三道歉求原諒
雪姨日前發表盆菜食評影片,節目以3間食肆的迷你盆菜比併,分別是兩間大酒店及一間茶餐廳的出品。(圖片來源:YouTube@Snow E)
盆菜風波︱雪姨向市集檔主退全額租金 IG再三道歉求原諒
雪姨讚兩間大酒店的盆菜有水準,卻大彈茶餐廳盆菜。(圖片來源:YouTube@Snow E)
盆菜風波︱雪姨向市集檔主退全額租金 IG再三道歉求原諒
又嫌茶餐廳盆菜少髮菜。(圖片來源:YouTube@Snow E)
盆菜風波︱雪姨向市集檔主退全額租金 IG再三道歉求原諒
原來借機會宣傳生髮水產品。(圖片來源:YouTube@Snow E)

雪姨再三道歉求原諒

雪姨的盆菜風波更直接影響她有份籌辦的「大乾爹」新年市集,更引發退租潮,有網友揚言會杯葛市集。雪姨就事件,於1月25日在IG再三公開道歉:

「就近日影片引起之風波,我再次向基隆茶餐廳因本人疏忽而造成之影響,致萬分歉意。以及後影響到大乾爹市集檔主,本人在此亦向各位用最真誠、最謙卑的心道歉。連日來經過不斷的沉思和反省,本人作出以下的決定:
1)明白檔主連日來受到風波影響,所有大乾爹市集檔主將獲退還全額租金。
2)了解到各小店為市集努力和籌備多時,卻因為本人言論問題而造成影響,蒙受損失。為將影響減到最低,檔主有權利選擇是否繼續參與市集,本人在此再向各位檔主致歉。
3)為表歉意,本人會將自己檔內全部收益捐到有需要團體。受助單位,容後公佈。希望可以幫到更多有需要人士。

我深深感受到作為一個創作者,需要為自己的創作內容及大眾負責任。再次向受影響檔主及各單位人士深表歉意。

請大家接受我最真誠的道歉,並給予改過機會。」

盆菜風波︱雪姨向市集檔主退全額租金 IG再三道歉求原諒
雪姨的盆菜風波更直接影響她有份籌辦的「大乾爹」新年市集。(圖片來源:IG@iamsnowwhitewhite)
盆菜風波︱雪姨向市集檔主退全額租金 IG再三道歉求原諒
雪姨昨日在IG發出特別通告,再三公開道歉。(圖片來源:IG@iamsnowwhitewhite)
盆菜風波︱雪姨向市集檔主退全額租金 IG再三道歉求原諒
雪姨留言。(圖片來源:IG@iamsnowwhitewhite)

基隆茶餐廳出面回應:考慮告你誹謗

而基隆茶餐廳亦曾就「盆菜風波」一事作出回應:「大家好,我係小小編,本人實在睇唔過眼有大口KOL 詆毀本餐廳聲譽,雖然我哋唔係四五星級酒店,但係問心真係無你講到咁難食,藐嘴藐舌仲要帶住不肖樣詆毀我哋嘅一人盤菜,你要做生意唔係咁做既,我為咗我地舖頭上上下下所有員工每日辛勞工作付出而出聲,由其是依家生意難做,我會考慮告你誹謗架,做個KOL 噏得出就噏,真心唔明點解會有牌子搵你做廣告,咁樣嘅所謂廣告完全無質素!
另外,多謝大家支持,見到客人回圖話好食,好抵食,我地真係好感恩㗎!我地雖然只係一間茶餐廳,但係你憑乜睇唔起我哋呢,我老細都係白手興家服務社會,呢個世界係咪真係人善被人欺呢?」

(圖片來源:Facebook@基隆茶餐廳)
(圖片來源:Facebook@基隆茶餐廳)

人氣Youtuber情侶疑影射雪姨:好「富貴」嘅「人」、想用錢撻我

另外,更有人氣Youtuber情侶Sunny及Creamy疑似大爆料,指:「其實我另一個咁想攪嘅原因係,聽講有一個好『富貴』嘅『人』好想同我爭個場,想用錢撻我之類,咁我又唔輸得,冇理由俾人遲嚟先上岸,我地做咁多嘢creamy 日日通宵寫嘅嘢咪白費,所以我就好想頂硬上,蝕就蝕賭埋身家。點知係同零碳天地簽約個一刻,幫手聯絡嘅朋友同我講:『零碳個邊話要收番20萬場租!』我收到個消息之後即刻晴天霹靂乜火都熄,經過商量,決定斬欖唔做,心諗你XXXX啦,阿XX你咁想攪我俾你攪喇,生意興隆呀!(不過佢最後都攪唔到零碳,反而去左個死場唔知點解。)」網友紛紛猜測Sunny所指的好「富貴」嘅「人」就係雪姨!

(圖片來源:IG@arhosunny)
(圖片來源:IG@arhosunny)
(圖片來源:IG@arhosunny)
(圖片來源:IG@arhosunny)

網民質疑雪姨扮單身 非雲英未嫁

由於雪姨影片的片頭常強調自己「雲英未嫁」,而她的年齡一直以來也成謎,所以不少粉絲認為雪姨一直單身從未嫁人。不過日前卻有網友爆料指雪姨曾嫁人後離婚,網上也流傳了疑似她與另一半的親密合照,不過一切皆網友匿名發言,並未被證實,因此也有網友表示不相信!

(圖片來源:IG@iamsnowwhitewhite)
(圖片來源:IG@iamsnowwhitewhite)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)
(圖片來源:LIHKG討論區截圖)

雪姨「大乾爹」新年市集食水深?

有網友以「雪姨食水深到」為題發文指雪姨的「大乾爹」新年市集租金過份,十多日便穩賺幾十萬租金:「雪姨攪個市集2.0 出黎(嚟)係(喺)YouTube 入面口口聲聲話幫小店清重貨,點知租11日收人地(哋)8,000蚊一張1.8*1.4米既(嘅)位出黎(嚟),新聞話成個市集有115間小店,咁預計收取租金大約係92萬以下。

一google search 睇下w square而家每個月幾錢租,大約租金係30幾蚊平方尺。

而個市集幾千呎,粗略估計短租十幾日先兩萬一日,而家攪個市集出黎(嚟)有冇生意都好,十幾日已經穩賺水魚小店幾十萬既(嘅)租金」

不過有網民則表示「明買明賣」、「用自己號召力同知名度吸客,小店就出貨,壇野互惠互利合作得好好wor,有咩問題?」等

「百億富三代」力撐雪姨遭圍攻

而「百億富三代」鍾培生亦有在IG留言支持雪姨:「Take care all the best」,不過他似乎越幫越忙,更引來大批網友圍攻。

「百億富三代」鍾培生。(圖片來源:IG@khdcheung)
「百億富三代」鍾培生。(圖片來源:IG@khdcheung)
鍾培生在IG留言支持雪姨。(圖片來源:IG@iamsnowwhitewhite)
鍾培生在IG留言支持雪姨。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)
網民留言。(圖片來源:IG@iamsnowwhitewhite)

撰文:東方新地圖片來源:IG@iamsnowwhitewhite、YouTube@Snow E

你可能也喜歡

Recommended