【至八會聖誕交換禮物】鄭裕玲爆林建明最Cheap！曾送M巾、簽名照「收到O晒嘴 冇人用到」

撰文：SIX｜圖片來源：鄭裕玲/汪明荃/林建明/鍾慧冰微博、IG

聖誕交換禮物 鄭裕玲爆林建明最Cheap

早前Do姐在《口水多過浪花》節目提到交換禮物的經驗，更大爆姊妹林建明的禮物沒有心思，是每個人最不想抽到的對象，據述「之前『至八會』都會交換吓禮物，但最初都冇講明有條件限制，但沙姐明就最cheap，求其送對襪」各成員見獎，為免有同類型事件，才訂下價格上限，「我哋最怕就收到佢禮物，之後先講明價錢要2至3百蚊」。

不過林建明對於交換禮物的上下限金額一於懶理，有一次「朋友們送香水、化妝品、mask，但佢就送一張自己嘅親筆簽名相囉，仲話點止值2百蚊，簡直就係天價啦！」收到的人都覺得「O晒嘴」完全沒有實際用途，而且沒有心思。

但原來除了簽名相，林建明還送過一些女人必備的二寶「價值2百蚊嘅廁紙、衛生巾做禮物」雖然是每個女人都必備。

但Do姐直言「我哋嗰班人冇乜人用到」，暗示「至八會」成員已到收經的年齡，所以林建明送出的禮物完全沒有用武之地。

中伏禮物還未爆完，有一次Do姐還收過林建明的奶粉袋，完全是哭笑不得。

不過最經典之舉不得不提汪明荃（Lisa姐）原來都是一個相當「鬼馬」的人，曾經送贈每個成員一條不同花款的大紅色底褲，「至八會」成員更拿著禮物跟Lisa姐合照，相面相當盞鬼搞笑，連Lisa姐本人都忍不住在照片上tag「紅噹噹」。