「點解依家啲男仔唔肯主動追女仔」引熱議＋4千點讚！網民分析5大原因：追女仔成本高、港男主動被視狗公
近日討論區有人以「點解依家啲男仔越嚟越唔肯主動追女仔」為題引發網民激烈討論，有人表示現時男生都愛做自己的事多於追女仔，更有網民認為「依家啲仔仔真係懶散好多」。該貼文引起不少迴響，更有多達4000多人點讚，大家即看看網民分享「男仔不再主動追女仔」的5大原因吧！
撰文：Eunice.C｜圖片來源：IG@keung_show、IG@edanlui、IG@ansonlht、LIHKG討論區截圖
「點解依家啲男仔唔肯主動追女仔」掀網民激烈討論！
連登討論區近日有貼文以「點解依家啲男仔越嚟越唔肯主動追女仔」為題掀起網民討論，樓主表示現時男生都愛做自己的事多於追女仔，更認為「依家啲仔仔真係懶散好多」，更問其他人有沒有同感，眾多網民紛紛留言，各持己見。
有網民表示：呢一刻唔想姐，唔代表之後唔想
有網民似乎不認同樓主的說法，並稱：「呢一刻唔想姐，唔代表之後唔想，同埋互有好感自然就會行得埋，格硬追就晒左自己時間」。
樓主對此亦有附和，但就認為幾年前的男仔相對主動很多，非常積極識女仔，但是現時的男仔都感覺很隨緣，即使鍾意可能只是考慮，不一定會行動。
網民分析5大原因「男仔不再主動追女仔」
網民們都化身成柯南與樓主一起分析研究為何現時的男生比起以前變得不會主動追求女生，以下總結了5點「男仔不再主動追女仔」的原因！
1. 追女仔成本高
有網民就笑言現時男生追女仔的成本越來越貴，認為追女仔成本大過效益，不一定會有回報，亦不一定會令自己開心。亦有人表示不少女生只會收男生為兵，當然需要付出相對的成本去取悅女生。更有人表示：「出咗社會做嘢，有好多嘢要兼顧。如果有埋個另一半，個人會頂唔到，索性隨緣」
2. 誰說愛情一定要男生開口？
有網民解釋過去是男仔把自己賤賣頂爛市，現時深明這樣做只會助長港女歪風：「因為啲狗公做爛市？我都唔知個風氣係咁」，同時覺得現時為男女平等的社會，戀愛關係上不應只是男追女，同樣女也可以追男：「點解一定要係男開口做主動？」
亦有人分享自己對於追女生的想法，認為如果自己主動追女仔又會被認為 cheap 或狗公，即使落力追女生，有些女生最後更只會揀渣男。早幾年更曾因同事一句「冇女我唔會死」，令他重新反思愛情，更自豪稱：「唔溝女咪做單身狗囉，有咩問題？我自在我舒服」
3. 男生學會投資在自己身上
有網民更表示一般好的男生都不會去追女仔，反而是會吸引女仔。同時亦稱男生只要做好自己，內在價值提高，到時就會吸引女人而不是去追女仔，即表示男生到時有主導權挑選女生。
同時也有不少男網民都贊同投資在自己身上，認為這樣令自己整個人更提升，無論怎樣都不會蝕底。更有網友表示：「投資金錢精神時間喺自己身上，永遠唔會背叛你嘅人得你自己，感情好脆弱，話散就散，同埋無人陪到你一世，最後都係自己一個入棺材」
4.追女仔很攰更要花很多時間
有網民表示平日返工已經感到很累，追女仔只會令自己感到更加累！累便是一個最大誘因使各位男士現時不主動追女生。
同時他們亦認為現時女生都嬌生慣養，不少女生都有公主病，有時追成功更要花時間心思去「湊女」，因此令男生卻步。大家都表示想追到一個互相理解的人感到很難。
5. 怕遇到拜金港女 寧願自己一個單身
有男網民便認為近年多了拜金的港女，有些女生更會「收兵」或「周圍派帽」（出軌），因此不想浪費時間在港女身上。
同時有人覺得有部分女生很麻煩，總會為了雞毛蒜皮的事而發脾氣，因此覺得每天跟她分享生活會很累。
各位女生又有甚麼看法呢？
