謝影雪擬置業 被批用公帑賺名氣做KOL 網民力挺9字霸氣回應！

撰文：Ella｜圖片來源：Facebook@公務員secrets、IG@tseyingsuet

謝影雪現身售樓處擬置業 被批用公帑賺名氣做KOL 網民力挺「靠自己有咩問題 」

香港羽毛球隊在東京奧運表現亮眼，由其謝影雪與鄧俊文這對混雙組合「鄧謝配」，博到盡的表現打動不少網民，這令他們的人氣急升，廣告、節目邀約不斷，每個舉動都受到關注！

不過近日就有網民於「公務員secrets」中分享於樓盤「星凱．堤岸」的售樓處碰到謝影雪，質疑她是用納稅人金錢買樓，批用公帑賺名氣接廣告，笑指「你地成班傻仔又幫左其他人買樓鞏固樓價」帖文一出隨即引熱議！

樓主：「香港人運動員可以賺到咁多公帑去買樓架？」

該網民於「公務員secrets」中以「嘜（乜）香港人運動員可以賺到咁多公帑去買樓架？」為題，並附上一張謝影雪現身項目的售樓處，似乎有意認購，不過這位疑似做公務員的網民就似乎大感不滿，直指：「用納稅人既錢去打奧運，番黎就接咁多廣告做全職Kol運動員唔係要挑戰自己，尊重奧林匹克精神？」

網民：「隔住個mon都聞到酸味」

帖文一出隨即引起熱論，不少網民反而質疑樓主是因買不起樓所以眼紅她人，狠批樓主內容是毫無邏輯及理據：「酸到」、「隔住個mon都聞到酸味」、「人地努力左幾耐唔通又話你知？」、「人地起碼為港爭光 你為自己份糧」、「運動員用佢努力贏取既運動成績，換來金錢回報後買樓有咩問題？你打工係義務，老細唔洗出糧俾你？定係你覺得運動員要乞食咁先有風骨？」、「佢哋犧牲左嘅嘢又唔提？人哋打到周身傷又唔講？憎人富貴厭人貧就係樓主呢種人。」

東奧獲62萬獎金

不過事實上，謝影雪與拍檔鄧俊文在東京奧運表現出色，為港勇奪第4名，二人合共獲得恒基送出 的125萬元獎金，每人約有62萬。

加上有網民指謝影雪本來家底就不錯，要置業絕對不是難事！從謝影雪的IG可見，她不時上傳愛犬及居家照，環境相當闊落！