謝安琪報警4年外傭盗取其6千元 落選港男梁裕恆批：沒人情味

撰文：Rain｜圖片來源：謝安琪IG、梁裕恆IG、梁裕恆Facebook、張繼聰IG

謝安琪僱用4年外傭盗取其6千元

本月14日時，謝安琪發現原本放有2萬元的銀包突然少了6000元。她指出銀包本來是放在寓所二樓的一個電視櫃內的，家傭進行偷竊後於翌日已立即逃逸，心感事有蹺蹊，於是立刻報警。到了本月16日，警方在重慶大廈的一個單位內尋回外傭並找回失款。印傭認罪並承認自己是因為貪心，抵抗不了引誘，結果被判囚6個星期。

落選港男暗串謝安琪不近人情 與網民展開討論

而落選港男梁裕恆（Flow）就今次事件在Facebook發表千字文，暗串謝安琪太絕情以及沒有人情味：

「一件法律上正確不過的事反映好多嘢。一個貧窮國家嘅女人，上有高堂，下有兒女，離鄉別井嚟香港同你打工，收你4000幾蚊個月，幾乎做足30日，根本就係現代奴隸制度，長期剝削。6000蚊使唔使報警拉人坐監，炒佢魷魚。唔使補錢，一世無得再嚟香港做工人，這懲罰夠啦。做人要懂得施予和感恩，要對低下階層好。拍戲都有，有個阿婆偷麵包，你使唔使拉佢坐監？人哋喺印尼過咩生活，呢啲人做咩慈善都係假，謝姨姨法律上絕對是正確的。」

Flow感到不平，特意出post為涉案印傭發聲。但也有網民表示不同意， 並留言:「吓… 就係咁？工人姐姐偷嘢好普遍，做乜衰嘢，飛一轉又返嚟，無record點保障香港僱主嘅家人？包食住行、保險，淨袋$5000，其實係拍得住fresh grad…佢地偷錢係為養家，只係一廂情願浪漫嘅幻想。幻想佢偷嚟吸毒呢？又會點？香港人嘅錢都唔係天跌落嚟。」呢位網民指出Flow話姐姐偷錢只為養家是他自己一廂情願幻想出來的，感嘆香港人賺錢從來並不容易。

Flow再開Post發表意見：「不如學大陸，偷嘢直接當場打死，免得佢又害下一個。甚麼是法律？法律包括法、理、情。包括情，係因為我哋係人。情，係香港最無嗰樣！」

理直氣壯的Flow今日再次出千字文post，回應網民留言：「當然你仍然可以諗邊個叫佢唔識投胎出生印尼？佢天生就係咁低賤，邊個叫佢無書讀？但亦不妨多點同理心，香港人不要窮到只剩下錢。」諷刺謝安琪的處理方法不近人情，希望看畢他的言論後會有多一個人醒覺，多一個人關心弱勢社群。

慎防外傭偷竊建議

想防止外傭偷錢事件發生，僱主必須有所防範。記謹以下3招：

1.切勿讓外傭隨意到主人房。僱主外出時應關好房門，及看管好鎖匙。

2.在家中設置保險箱，並且小心不要在外傭面前打開。

3.外傭的財務狀況要多加留意，如欠債等。

曾為黃心穎發聲

許志安背妻鄭秀文出軌馬國明女友黃心穎轟動全城，4位當事人各自就事件作出回應，望事件盡快平息，但仍有2016年落選港男梁裕恆在網上爆內幕，稱心穎跟他說過男友太忙少見令感情出現問題，然後愛上自稱要準備離婚的天后老公，撐心穎只是追求愛情，罪不至死！被網民圍插的Flow否認博出位,只是將知道的真相說出來。

梁裕恆之前試過發表千字文呻爆被網民網絡欺凌，又表示今次是最後一次提及「安心事件」。Flow重申黃心穎係有錯，但同時都係受害人，今次自己因出Post而受盡網絡欺凌，仲話好多人用假Account留言惡意攻擊佢：「講番句公道少少嘅說話已經要被攻擊，其中一個原因是，人是不願意接受自己一直相信嘅事係假、錯的，我一直無意挑釁所謂嘅網民，錯在我不知道香港是無言論自由的，我出post後大量是假ac來言語攻擊，大約比例是7成假ac ，2成fans，1成無聊人。」不過佢又帶出咗一件事，指有男藝人曾想夾一位女藝人上房，對方指摘佢抽水之餘，對方又倒轉頭抽番Flow嘅水：「今日又有另一條契弟出嚟話我抽水，我需要抽水？我需要搏出位？呢條契弟喺娛圈圈壞事做盡，曾經想夾一個女藝人上房，最後傾唔掂數，對人講咗句『你以後無運行』自己周身屎嘅人，做咩要提及我啲小人物，抽我水呢，人人都想抽水，但水並唔係咁抽。」但不少網民依然不滿意Flow的解釋，又認為他繼續「抽水」質疑說話的可信性。