【日日媽媽聲】90歲許碧姬為腦中風女兒入行 歷喪女之痛學懂豁達面對生死

撰文：Ella｜圖片來源：節目截圖

90歲許碧姬為腦中風女兒入行 歷喪女之痛仍豁達面對生死

年屆90歲的許碧姬，育有四名子女，自1946年跟隨父母從汕頭落香港，不過礙於當時已經超齡，所以沒有書讀，只好報讀英文夜校。其後18歲的許碧姬早就投身社會工作，起初她主要從事配音工作，包括早期不少的潮州話版邵氏電影；直到60歲退休後，於91年正式加入TVB，加入無綫的原因除了自身怕退休生活變得沉悶，另外一個原因卻是與大女兒息息相關。

為腦中風女兒做演員

許碧姬就曾透露，自己會在無綫應徵當演員是全因大女兒喜歡看劇集及見明星。不過就在許碧姬在加入TVB的5年，大女便於96年不幸中風至四肢癱瘓，她在節目中解釋：「佢（女兒）36歲嗰年得到大病，醫生話佢腦中風，但醫院床位緊絀，叫我一定要搵地方讓她療養，但我睇到療養院個門口已經唔鍾意，我同醫生講︰『我等政府嘅』，醫生問我幾歲，我話65歲，我一邊照顧佢，一邊等。」

全因女兒一句話堅持拍戲

許碧姬續指，雖然要邊照顧女兒，有時拍劇時間又日夜癲倒，不過依然會繼續堅持拍：「無論對白多定少我都去做，咁係為咗我個女。我大女不嬲都鍾意睇電視，又好鍾意明星，咁我去做下戲，返嚟就可以有好多明星相畀佢睇，等佢開心下。」

許碧姬在演藝生涯中，曾與不少的天王巨星合作並留下合照，例如：梅艷芳、周星馳、葉德嫻等，她更指有次跟劉德華講好簽名給女兒，令臥床的大女兒感到十分高興。

豁達面對生死

6年後大女兒終於等到元朗區的療養院，而當時居住在沙田的許碧姬，除了要在閒暇時候就拍戲，每日都堅持坐巴士去探女兒：「成個鐘去，成個鐘返，去到夜晚至走。要拍戲得半個鐘都去，盡量去，佢習慣見我，一陣都好，拍戲有好多嘢同佢講，影相畀佢睇吓。」

大女兒於幾年前不敵病魔離世，不過許碧姬豁達面對生死，表示有時雖會感到寂寞，但對於女兒得到解脫而安心：「佢（女兒）離開咗我好多年，但我時不時都掛念佢，雖然好寂寞，但唔緊要，我同佢去旅行影咗好多相，我成日攞出嚟睇，咁樣個心會舒服啲。佢病咗19年，佢辛苦我又辛苦，我都希望佢早啲得到安息。」