藍橘子 藍橘子

【 藍橘子 】《男仔鍾意打機就係原罪?》

網絡熱話

【 藍橘子 】《男仔鍾意打機就係原罪?》

text-藍橘子 photo-電視劇截圖、電影截圖、Youtube截圖

部分內容由博客提供及授權轉載,不代表本刊立場!

男仔打機係原罪?

有個朋友佢叫阿達,因為太沉迷 打機 而同女朋友分手,就咁聽落佢好犯賤,為一隻虛擬嘅遊戲,放棄真實世界嘅女朋友。

藍橘子,打機

所以阿達呢排心情非常低落。佢失落,並唔係因為無咗個女朋友…而係因為佢被周圍嘅朋友、以及(前)女友嘅閨密視為賤男人。

藍橘子,打機

根據阿達所講:「我都想有番少少娛樂啫,點解佢放工返到屋企鍾意煲韓劇就得,我放工返到屋企,就一定要陪佢煲劇先叫好男友啊?!」

藍橘子,打機

阿達由細到大都好鍾意打機,記得我讀中學時,幾乎每日放學都會去佢屋企做Project…(實際上係 打機 )。

【 藍橘子 】《男仔鍾意打機就係原罪?》

佢每一部家庭主機都會買,雖然唔識日文,但會自製攻略返學校派畀同學。到畢業出嚟做嘢,識咗個女朋友之後,就開始管制住阿達打機。

以下係女朋友指出阿達嘅三大罪行:

1)男人 打機 唔上進

「喂!想點啊大佬?唔通我返到屋企仲要讀書進修咩?!」
有次阿達約我出嚟飲酒訴苦,話女朋友覺得佢返到屋企 打機 唔夠上進。

【 藍橘子 】《男仔鍾意打機就係原罪?》

打機 嘅男人除咗畀人感覺唔夠上進,有時仲忽略咗身邊個伴侶。女朋友想阿達陪佢多啲,但阿達放工只想頹廢地坐喺梳化,全神貫注進入遊戲世界。

2)掛住打機唔陪女朋友

「X!好似以前細個咁囉,你睇十五分鐘電視,阿媽就會鬧你唔肯溫書,淨係掛住睇電視!」

【 藍橘子 】《男仔鍾意打機就係原罪?》

阿達返工好大壓力,佢只係要求每日打一個鐘頭畀佢放鬆心情就足夠。正如女仔鍾意煲韓劇,一睇就全日唔離開個熒幕,但點解睇劇就係興趣, 打機 就變到好似吸毒咁?!

3)打機太投入會發脾氣

「癡線!我唔投入咁玩嚟有咩意思?發脾氣都係對住個熒幕鬧啫。佢自己夠幻想韓星係老公啦!」

男人 打機 永遠都好投入,大聲吼叫,拍枱拍凳講粗口呢啲一定要做。因為 打機 最開心,就係全情投入。

【 藍橘子 】《男仔鍾意打機就係原罪?》

但阿達女朋友,就永遠唔想佢太投入,只想阿達專心對住佢一個人。

其實阿達每次向我訴苦,幾乎都係同女朋友為咗「 打機 」而鬧交。最近唔知邊個頂唔順邊個,兩人終於分手。

阿達亦開始承受分手後遺症,有一大堆八卦傳出嚟鬧佢,話佢係賤男。阿達真係好唔明白,究竟鍾意 打機 ,有咩得罪到人?

【 藍橘子 】《男仔鍾意打機就係原罪?》

「點解唔肯為咗我放棄 打機 ?到底我重要!定係 打機 重要?」呢句係阿達女朋友嘅口頭禪。

【 藍橘子 】《男仔鍾意打機就係原罪?》

有啲女仔,好鍾意將自己放喺天秤上問伴侶邊樣重要啲,亦即係間接逼男朋友放棄所有嘢。

女朋友同 打機 邊樣重要?咁梗係伴侶重要啦!
不過,一個唔重視自己興趣嘅女朋友…點樣同佢白頭到老啊?

【 藍橘子 】《男仔鍾意打機就係原罪?》

我覺得每個人都可以擁有自己興趣,只要識得分配時間,又或者你陪我 打機 ,我陪番妳睇劇,都可以係情侶之間嘅一種樂趣嚟~

 

你可能也喜歡

Recommended