嫌老公月入得1萬要住元朗唐樓 遇港島男荀盤埋身 港媽：想離婚但有個2歲女

撰文：Ella ｜圖片來源：親子王國截圖、電影劇劇照

嫌老公月入得1萬要住元朗唐樓 遇港島男荀盤埋身 港媽：想離婚但有個2歲女

一名港媽在社交平台「親子王國」上訴苦，並以「有荀盤埋身，好想同老公離婚…但個女得2歲」為題發帖文，向網民披露心聲，引起一眾網民嘩然！

女事主：「結左婚4年乜感情都淡曬」

該明事主指現時自己與丈夫結婚已4年，「乜感情都淡曬」，嫌棄老公每月收入僅1萬多元，學歷不高，一家3口需居於元朗唐樓單位，平時開支都是各自付一半，令她覺得老公未有能力照顧家庭，大感無奈，遇到荀盤埋身，更加令她心立不穩。

婚禮遇居跑馬地荀盤埋身

事主續指，早前她赴朋友婚禮時遇到荀盤埋身，指對方居於跑馬地，並跟對方更互相交換了聯絡方法，數月後發現「大家都好情投意合」，但礙於有名2歲囡囡，但她不知如何決擇，直言：「有冇人明白我」，但網民未見同情，反批評樓主「同男人拋妻棄女冇分別」，但事主回應直指「我有話過要掉低個女咩?!」、「 個男人住跑馬地唔係cheap區，想帶個女生活好D都錯咩」。

網民：「唔係感情淡晒，而係你嫌你老公窮」

帖文一出引起網上熱烈討論，有不少網民認為一有荀盤埋身就想離婚如同「男人拋妻棄女」，並希望罵醒事主，提醒事主「你揀人，人揀你」，要考慮清楚，有荀盤埋身不代表對方願意娶你：「憑咩認為人地會揀你？」、「最怕你一廂情願，兩頭唔到岸。」、「同時有人批評事主對婚姻愛情想得兒戲，「吓，咁化學咁兒戲？」、「唔係感情淡晒，而係你嫌你老公窮」、「你老公搵幾多咩學歷呢啲你婚前唔知？」

向右劃看網民留言！