真理褲vs瑜珈褲！網民熱議心動＋區分年齡款式：呢款後生女先會著

真理褲、瑜珈褲成2大最讓男生心動褲子惹網民熱議

香港近年多咗唔少人做運動，特別係行山、做gym，因此運動裝變成女士們居家必備衣物！近呢1、2年唔少女士都將運動裝當時尚休閒裝著，又或者用嚟襯高跟鞋。而女士運動裝就不得不提瑜珈褲及「真理褲」，基本上喺街或不少名人社交網站都會見到。因此近日網民發起咗一個「真理褲vs瑜珈褲」的討論。

真理褲vs瑜珈褲

• 真理褲，其實就係指運動短褲。
• 瑜珈褲的設計以功能性、彈性大、無束縛感、貼膚透氣、高腰、包覆腰部同小腹為主。

真理褲名字由來

真理褲名字的由來源自一講到「真理」自然會聯想到「邪教」，而每次講到呢種運動短褲網民就會問「真理定邪教」，網民都會留言答真理，雖然無咩邏輯可言，但久而久之，運動短褲就又被名為「真理褲」。真理褲的設計通常都較短，側邊常有一條白色線條裝飾，唔會有特別的功能性，而且因為太短容易讓男性產生遐想。

真理褲大勝、網民：好pure好true！

瑜珈褲較早前已被網民大肆討論，基本上都不太討好網民，仲有唔少網民質疑：「點解咁多女仔鍾意著瑜珈褲？」「點解要著會露妹妹形狀嘅瑜珈褲出街啊？」認為唔好睇之餘仲覺得核突！今次同真理褲一比之下，完全係真理褲大勝。

網民認為「真理褲好pure好true！」、「真理褲先至有真理」、「我只覺得女生穿這個很方便這就是真理」、「瑜珈褲除咗就無咗pat型」、「太貼身太蝦人着」、「瑜珈褲見得太多喇﹐物以罕為貴﹐所以真理褲」、「瑜珈褲=俗，真理褲=美感」。亦有人將2種褲以年齡區分：「後生女著真理褲曬白滑肌」。

早前亦有台灣youtuber拍片講真理褲，認為真的好暴露，好容易走光，通常係用嚟打底用，有唔少女網民都表示真理褲通常用嚟當睡褲。各位女生又怎麼看呢？

原文刊於：新Monday