明星 脾氣差 明星 脾氣差

10位明星分別被控「脾氣差」台柱花旦當街鬧喊人、天王巨星投訴校學!

網絡熱話

繼鍾嘉欣黑面事件後,不少民網都紛紛分享自己私下遇到明星的經歷,揭穿藝人真面目,當中亦有網民留言更多真人真事惹來熱討!其中有七位明星分別在不同網民指控脾氣大。

10位明星被被控「脾氣差」揭藝人真面目

1. 宣萱

有讀者是宣萱的鄰居,他指她很寸爆;「成日亂咁投訴隔籬鄰舍(我地果度屬於平房,得幾幢),佢出親門口驚人哋要同佢簽名咁,有鬼人搵佢簽咩。」又有人同同事吃完晚飯經停車場返公司,結果同事因為她受傷:「佢轉彎唔收油,差少少就撞到我同事,我同事跌低咗之後,佢仲要眼超超無落車慰問,停一停就揸車走咗,我真係會記X住佢。(佢撞到嘅仲要係佢自己老細個秘書呀,不過佢應該唔知)」

另外有讀者曾不約而同撞見過她拍劇,同樣感覺她沒有禮貌:「N年前見過佢喺染布房街拍嘢,全程超多粗口。」、「當年我去校巴站接阿仔放學, 碰上宣萱同陳錦鴻正在拍戲剛準備收工, 我拎住本教科書想搵陳錦鴻簽名,陳錦鴻好Nice,笑住口幫我哋簽,宣萱就黑起口面,幾乎想阻止陳錦鴻親民…」

明星 脾氣差 藝人 明星 真面目
(圖片來源:微博@魯豫有約)

2. 劉佩玥

幾年前,有讀者見過劉佩玥真人,跟她搭同一架升降機:「一望到佢,眼神勁寸,一副睇唔起人嘅樣,以為自己好紅,簡直鏡頭前後兩個樣。」又有讀者說她阻住自然收工:「我之前招呼過佢一次,全程以為自己大支嘢咁,唔係有同事會睇電視,我都唔知你係邊個呀大姐,仲要已經睇住我地關門,佢:『我仲可以繼續行㗎嘛?』仲係度扮大牌慢慢行,真係好討厭。」

明星 脾氣差 藝人 明星 真面目
(圖片來源:《美麗戰場》劇照)

3. 汪明荃

有讀者指汪明荃說話太過直接,不顧當事人感受。 有人指曾經見過汪明荃當街罵到人哭:「其實這樣唔好, 至少認得尊重人,顧吓維護當事人的尊嚴。」也有人曾經跟她合作唱粵劇:「佢唱大戲都係唔顧人感受,有次做神功戲,唔夠一分鐘嚇到我走咗!」都有讀者一位從事音樂工作的叔叔負責幫香港不同歌手錄音,亦會演唱會上做一啲類似監製上的工作,直言汪明荃很兇:「我叔話阿姐係超級惡,當阿姐發火時無人咁出聲駁嘴的,無法…佢真係大姐大來的。」

另外有位女讀者曾經在中環一間連鎖咖啡店上班, 遇到汪明荃約老公羅家英哥在某個地方等,入來買東西吃同問路,結果因為答不出汪明荃,被對方鬧爆:「佢問我:『你知唔知舊嘅連卡佛點樣去?』之後我上網查過先知道嗰座嘢改咗名做卡佛大廈,鬼知咩…我嗰陣啱啱出社會做part time咋嘛,莫名其妙畀佢X到一面都係屁,呆X咗。答唔到佢就鬧X我:『 今時今日喺附近返工就應該知道附近嘅地標,尤其是呢度算係遊客區。人哋問你少少嘢都唔知?有無搞錯!之類。網民事後表示「喺度返工又唔係喺度住,我有咩責任同埋義務要知附近有啲咩?

明星 脾氣差 藝人 明星 真面目
(圖片來源:IG@wang_liza)

4. 梁嘉琪

有讀者指好幾年前在將軍澳商場見過前《學是學非》主持梁嘉琪別米線,她顧住講電話,點餐時不太清楚,店員聽不到,結果她對店員拍台破口大罵,令讀者為店員感到不忿:「大牌到呢,我坐佢對面枱睇到都火!」另外有讀者和應,指:「佢出咗名對各行各業嘅服務員無品,都唔係新聞,唔意外,出晒名。」

明星 脾氣差 藝人 明星 真面目
(圖片來源:TVB《學是學非》截圖)

5. 莊思明 莊思敏

有讀者曾經在街上見過過莊思明、莊思敏,批評她們經常黑面:「嘴藐藐,以為自己係大明星。 佢家姐仲臭寸,扮哂嘢當正自己大紅人上等人。」有人話好多年前在銅鑼灣一間商場有活動,但目擊莊思敏面口不太好:「我同屋企人飲茶,見到佢同…兩件茄哩啡鬥黑面。」

明星 脾氣差 藝人 明星 真面目
(圖片來源:IG@lisa_chng)

6. 王菀之

有讀者批評王菀之:「對眼生喺額頭,目中無人,又無禮貌,同電視見到既感覺係兩個人。」、「超串..成日以為自己大明星。」、「好多年前佢都算出道無耐,真是寸爆,黑口黑面,驚人會煩佢咁。」、「見到佢即擰轉面,以為自己係巨星,搵佢簽名,不屑目光射吓我。」有人曾經在工作上接觸過她,指她是頭三甲最麻煩的人:「佢仲要唔會覺得阻你時間,但阻咗我大半日,唔係講笑。我無作嘢,總之希望我呢一世都唔好再有機會接觸佢。佢可以同一樣嘢問19幾次,佢又要自己明到透嗰隻,好執著,亦好孤寒。」

有人曾經在一間鋪頭見過她想插隊:「佢曾經去一間鋪頭買嘢,人哋叫佢排隊,佢話:『我都要排隊?』佢以為自己係大人物。」另外有女讀者曾經跟男朋友見到沒有化妝的王菀之,想請求合照,之後王菀之跟他講:「嘩…我未化妝喎…影相?」跟住之後她好敷衍地講:「影啦…影啦…」女讀者心諗:「咁敷衍…咪X影啦XX…無人逼你…又唔係好靚女」

明星 脾氣差 藝人 明星 真面目
(圖片來源:《飯戲攻心》劇照)

7. 陳啟泰

有讀者於2012年在電視台工作,見到陳啟泰,即時很開心跟他講:「我好鍾意你做《我和殭屍有個約會》!」但他指陳啟泰目無表情望他一眼,話:「其實你可以睇啲新啲㗎囉。」當時他好尷尬、好不開心。

明星 脾氣差 藝人 明星 真面目
(圖片來源:《蝕日風暴》劇照)

8.陳奕迅

有網民表示:「我小學個陣E嚟我哋學校附近拍電影。有幾個同學好中意佢,所以佢哋去問E可唔可以影相。E話可以,仲企到好埋笑面迎人咁同佢哋合照。結果轉個頭就打左去我學校度X校長老師唔識教學生 (真係爆晒粗個種) ,然後要求學校記佢哋「大過」。第二日校長特登在早會講,同我哋學生講個社會就係咁,最後學校當然采佢老X,而本身忠粉嘅同學都即刻脫飯。」

該名網民續說:「嗰時係冇智能手機,同學係用即影即有。後來我哋估因為E同助手唔會認得套校服,所以要睇相去認校徽,先可以打去投訴,所以先應承合照。所以都好好奇點解佢咁有心機時間去投訴人。」又解釋:「即影即有影出嚟嘅就直接係一張相,當時話E有要求一張佢keep,所以班同學都勁開心,以為係重視fans嘅表現。係事件發生後先估係咪咁先搵到學校,因為校服上面係有校徽。校長嗰時都有同我哋全校講話:『唔可以着校服喺街度流連』呢條校規其實都係保障大家,換咗套衫係冇人搵到你學校。」

這位網民對「E神」的爆料引來眾多網民熱烈討論,有網民指:「小學生咋喎…佢都要咁?」、「真係好陰濕!」不過亦有不少網民力撐「E神」私下係好Nice同好「吹得」。

明星 脾氣差 鍾嘉欣 雙面人 鍾嘉欣 有網民話「E神」好Nice,亦有網民爆料,指「E神」曾經同粉絲合照後,去對方學校投訴。
有網民話「E神」好Nice,亦有網民爆料,指「E神」曾經同粉絲合照後,去對方學校投訴。(圖片來源:FB@文人多說話)

9. 楊茜堯(楊怡)

有網民就話:「以前做Sales遇過木偶怡,佢真係好冇禮貌同好臭串,嗰時佢仲要係二線姐仔,我到而家都好憎佢!重點佢個鼻堅大。」亦有網民指「周國腎」好飄忽:「一時好nice一時好難頂,仲有啲band同rapper都係」。

但亦有網民表示:「一個藝人沒可能24小時咁好精神狀態,將心比己,如果是私人時間面口不好,不一定是臭串,特別是在公眾場合,你一nice可滿足fans,但阻到別的人便不好,便是另一種乞人憎,千期唔好用個人對ariltist的期望去衡量藝人的品格,會過份不平。」

10.金城武

一名自稱前空姐的內地網紅,拍片透露有兩名前空姐同事在工作時,曾遇到搭乘飛機的金城武,即興奮上前向對方要簽名,當時金城武非常客氣地簽了名,但在下機前,他卻用日文向乘務長投訴,指控該兩名空姐打擾到他休息。

明星 脾氣差 鍾嘉欣 雙面人 金城武 現年48歲的金城武作風一向低調。
現年48歲的日台混血男神金城武作風一向低調。(圖片來源:新傳媒照片庫)
明星 脾氣差 鍾嘉欣 雙面人 金城武 自稱目睹事情發生的前空姐,表示不解既然金城武願意給簽名,為何轉身卻馬上投訴。
自稱目睹事情發生的前空姐,拍片爆料指不解既然金城武願意給簽名,為何轉身卻馬上投訴。(圖片來源:抖音影片截圖)
明星 脾氣差 鍾嘉欣 雙面人 金城武 前空姐指她當時的兩名同事原本是金城武的粉絲,事發後因為心寒決定脫粉。
前空姐指她當時的兩名同事原本是金城武的粉絲,事發後感到心寒決定脫粉。(圖片來源:抖音影片截圖)

圖片來源:《蝕日風暴》劇照、《飯戲攻心》劇照、微博@魯豫有約、《美麗戰場》劇照、IG@wang_liza、TVB《學是學非》截圖、IG@lisa_chng、

你可能也喜歡

Recommended