加人工

所有打工仔的願望!7個要求加人工的方法

網絡熱話

廣告

香港地生活物價樣樣高,唯獨人工沒有太大的加幅,想提高生活水平的最佳方法就是希望老闆加人工,但是到底是怎樣才能令老闆心甘情願加你人工,不妨透過以下7個的小方法,向老闆暗示加人工吧!

撰文:Smart ED編採|編輯:Fion Yu|圖片來源:劇照|原文:經濟一週

7個要求加人工的方法

1.為自己整一份PORTFOLIO

將平時自己做得好、老闆讚你的文件儲起整理好,到時到候就拿出來同老闆傾,作為你要求加人工有力理據。這方法不單止嗌加人工適合,甚至要求升職、或者搵下份工都非常適用,可以深深impress對方,留下好印象。

2.用數據證明你UNDERPAID

到底出邊公司出怎麼條件請同你同一個職位的打工仔呢?不妨做多功課,上各大求職網了解一下行內的趨勢,摘錄低一些數據資料,整理一下再展示給老闆,以數字證明你是underpaid,須要加人工,否則遠走高飛。

3.直接同老闆講你想加人工

其實你都心知肚明你老闆是一個怎樣的人,與其旁敲側擊,不如直接出擊。加人工的事其實只要你夠膽就可以提出。不過需要注意的是,你夠膽都好你都要有自知之明,如果你一向返工不準時、又不是100%有交帶、成績又不是特別好,不如閉門磨練一段日子先啦……

4.俾說話你老闆聽

有時講開買乜乜的時候,可以輕輕帶句物價好貴、生活艱難的話題,令你老闆知道你想加人工。不過這方法只適用於大方的老闆,而大部份的老闆其實都好縮骨,九成九即刻側側膊扮聽唔到就算。

5.問老細加人工要求係咩

不過,有一些老闆就好好耐性,同你耍足個幾鐘太極都唔肯加。這個時候你再糾纏下去都沒有用,不如開宗明義問佢到底要達到甚麼條件才會加人工。不過記得企硬問清問楚,唔好隨意給老闆蒙混過去,否則下次都只會又有其他原因耍走你。而如果你老細同你提出一些無理的要求,你就要想清楚是否到時候轉工。

6.唔好咁易耳仔軟

老闆當然想節省成本,他永遠有一萬個理由唔加人工給你:市道差、生意差、上面唔開心、佢唔開心…… 總之點都係想耍走你,佢耍走你的時候你更要強調自己加人工的理據。

怯,你就輸了。

7.加唔到人工都要老細應承你的要求

放假又好、加津貼都好,總之加唔到人工都要得到其他補償!如果你可以無條件投降的話,老闆自自然覺得你易恰,繼續要你無條件應承佢苛刻的要求。為自己爭取bargaining power,不要輕易屈服,你要記住你是來make a deal,而不是plead他的!

你可能也喜歡