32歲港媽兩度意外懷孕「財政上得0蚊」不想離婚網上求助 反被力數3宗罪！

兩度意外懷孕 「我財政上真係得0蚊。」

一名32歲的港媽於Facebook專頁「我的極品四大長老」投稿，訴說窘境，望網民提供意見。她指自己有兩個女兒，兩次都是意外懷孕。

誕女後，她成為全職媽媽，與老爺、奶奶同住。結婚五年來，沒有工作的她一直零收入，但老公也未有給過她真正的家用或零用錢，只給家用予父母，所以她只能靠老爺、奶奶養活，她無奈地說：「我財政上真係得0蚊。」不過她表示每當自己主動做一件家務，老公就會給她20港元作為獎勵。

這位港媽仲話，結婚多年從來沒有收過一份禮物，平時也好少同老公外出吃飯，因為老公覺得開支太大。老公刻薄她與兩個女兒，令她擔心能否湊大女兒，但她未曾有過離婚念頭：「佢表面上好愛我、在乎我，我32歲啦，我又唔捨得兩個女畀其他人湊，可以點？」如今她非常迷茫，不知道該怎樣做，故希望聽取網民意見。

網民狂數港媽三宗罪

帖文引來很多網民留言，大家都紛紛指出港媽幾個問題。

第一，網民質疑港媽與老公經濟環境如此差，第一次已經意外懷孕，為甚麼第二次都沒有做足避孕安全措施：「連買condom嘅錢都無⋯⋯其實都算好彩，只係兩次⋯⋯」、「咩年代仲有意外懷孕？要呃人先要呃自己」、「驗咗腦未？咁都仲生第二個？」、「生第一個可以話係意外，生第二個只可以話你自己蠢」。

第二，網民覺得港媽應該主動向老公拿取家用，而不是逐次做家務計錢，繼續受侮辱：「你老公真係好精，咁好過請工人」、「其實點解做人要做到咁卑微？」、「做人做到咁冇骨氣咁冇尊嚴，點樣教好兩個女？」

第三，網民認為如果港媽老公真的愛她們三母女，不會如此刻薄她們。他們建議港媽盡早認真事實，跟老公離婚，再出去打工，或者拿綜援：「我睇唔到愛在哪裡」、「一定要搵工，part time都照殺！為自己，為兩個女！」、「嫁著個咁廢嘅老公，一係就抱埋兩個女走，一係你就的起心肝出去打工啦，成世人都攤大手板問人攞，真係攞綜援都有尊嚴過你！」