心機女 小三 心機女 小三

心機女分享9招心得成功由小三上位!被轟「做第三者好羞恥」

網絡熱話

一段感情中會出現第三者可能是因為其中一方的感情不夠深所導致,但原來也有可能是因為第三者的刻意!台灣討論區就有女生發文分享自己當第三者並順利迫走正印上位的心得,過程不但非常燒腦,更需要許多耐性,連網民都忍不住驚歎:「現在當小三的都要像特務一樣!」

心機女9招心得分享!成功從小三上位變正宮

版主表示自己27歲,順利搶走人地嘅未婚夫!因此開Post教導一眾心機女如何由第三者成功上位變大婆!即管睇吓呢位板主嘅出位言論啦!佢理直氣壯嘅態度,認真睇到令人為之則目!

心機女 小三 第三者 版主表示自己27歲,順利搶走人地嘅未婚夫!
版主表示自己27歲,順利搶走人地嘅未婚夫!(圖片來源:JTBC《夫妻的世界》劇照)
心機女 小三
(圖片來源:dcard)

第1招:滿足男人理想型 激發新鮮感

版主表示第一步係要營造到自己形象與目標老婆不一樣,滿足男人對不同理想型的期待。簡單嚟講,就係要畀到男人新鮮感!始終一開始幾愛都好,對得耐都厭㗎嘛,差異化強大嘅外表同性格,可以令男人有一種強烈刺激和新鮮感。

心機女 小三 第三者 各位男人,記得唔好畀一時嘅新鮮感累事,放棄一段值得珍惜嘅感情啊!
各位男人,記得唔好畀一時嘅新鮮感累事,放棄一段值得珍惜嘅感情啊!(圖片來源:tvN《金秘書為何那樣》劇照)

第2招:無害人設 令男人產生好感

相信大家都唔難發現,第三者人設通常都好「善良」。呢個係好多男人出軌嘅原因之一!因為感覺呢位女仔睇起嚟「無害」,開始產生好感。其實呢種咁有機心嘅人設,會隨住時間而露出真面目!通常當第三者正式坐正之後,善良人設就會消失,男人就會惦掛前任,後悔莫及啦!

心機女 小三 第三者 感覺呢位女仔睇起嚟「無害」,開始產生好感。
感覺呢位女仔睇起嚟「無害」,開始產生好感。(圖片來源:SBS《《社內相親》劇照)

第3招:製造時機落手

版主表示最關鍵嘅一步係製造時機落手!只要係男人猶豫、糾結時候,製造一個藉口畀佢跨出最後底線,你離成功就邁進一大步啦!版主仲大膽表示,大婆在明,第三者在暗,係比較會有優勢。要令男人係不知情情況下,跌入你精心策劃嘅陷阱,先可以令男人自願離棄大婆。無論如何都要保持溫柔體貼咁話喎!各位男人遇到呢種心機女,記得避之則吉啦~同呢種人發展,往往都唔會有好結果㗎!

心機女 小三 第三者 要令男人係不知情情況下,跌入你精心策劃嘅陷阱,先可以令男人自願離棄大婆。
要令男人係不知情情況下,跌入你精心策劃嘅陷阱,先可以令男人自願離棄大婆。(圖片來源:JTBC《《無法抗拒的他》截圖)

第4招:永遠包容、接納

即使男人喺第三者面前犯錯,或者做咗傷害第三者嘅事,第三者都應該要包容、理解及接納。絕對唔可以發脾氣,咁就可以造成反差,令佢地係正室面前,感受到束縛、責任等壓力。正所謂,忠言逆耳,真正愛你嘅人係會想你進步,而唔係不斷付和。各位男人記得睇清楚,到底邊個先係對自己好啦!

心機女 小三 第三者 絕對唔可以發脾氣,咁就可以造成反差。
絕對唔可以發脾氣,咁就可以造成反差。(圖片來源:JTBC《Run On》劇照)

第5招:展現弱態捉住男人保護欲!

版主更教路,做人第三者一定要識展現弱態。點解男人成日同大婆講:「佢比你更加需要我。」,並唔係因為大婆有幾堅強,而係第三者識得展示脆弱,捉住男人好強心態。呢招相信係好多男人都抵擋不了,但心水清嘅你,又點會唔知面前呢位心機心玩緊咩技倆呢?

心機女 小三 第三者 做人第三者一定要識展現弱態。
做人第三者一定要識展現弱態。(圖片來源:tvN《我的室友是九尾狐》截圖)

第6招:扮與世無爭不求回報

呢個世界上,最偉大嘅愛係「不求回報,沒有目的的愛」。所以當大婆斤斤計較時,第三者就要表現出「我愛你,沒有原因,只要可以偶爾見你,見到你開心,我就滿足啦!」版主仲教路,呢個時候應該要勸男人返大婆身邊,令佢更離唔開你!扮哂與世無爭,唔想同任何人爭,只係想靜靜地咁愛你。其實根本最想搶人嘢果個就係佢!唔好畀佢呃到啊!

心機女 小三 第三者 唔想同任何人爭,只係想靜靜地咁愛你,其實根本最想搶人嘢果個就係佢!
唔想同任何人爭,只係想靜靜地咁愛你,其實根本最想搶人嘢果個就係佢!(圖片來源:tvN《二十五,二十一》劇照)

第7招:令男人產生虧欠感

第三者最核心價值係滿足男人嘅存在價值,令佢感到開心舒服,咁就可以令男人不知不覺間企係你呢邊啦。例如:「都怪我,如果唔係我,你們都唔會行到呢一步。」、「是我沒有控制好自己感情,唔可以怪你。」要令男人係大婆度受嘅氣,能夠係第三者身上釋放,咁就可以令男人產生對第三者嘅虧欠感。扮哂所有錯都係自己問題,唔關任何人事,其實心底裡係想男人覺得自己好慘好善良!各位男士唔好咁傻啦!

心機女 小三 第三者 扮哂所有錯都係自己問題,唔關任何人事。
扮哂所有錯都係自己問題,唔關任何人事。(圖片來源:JTBC《氣象廳的人們:社內戀愛殘酷史篇》截圖)

第8招:製造舒服氣氛

嚟到第8招,相信你都成功介入咗人地段關係㗎啦!版主表示,之後就係換位思考,要繼續拉開自己同大婆嘅,令男人覺得同自己一齊先係最舒服。講真,呢種扮出嚟嘅性格,又可以維持幾耐呢?一個本質咁差,鐘意搶人嘢嘅人,試問脾氣又會好得去邊?

心機女 小三 第三者 要繼續拉開自己同大婆嘅距離,令男人覺得同自己一齊先係最舒服。
要繼續拉開自己同大婆嘅距離,令男人覺得同自己一齊先係最舒服。(圖片來源:JTBC《三十九》截圖)

第9招:演分手戲碼,迫男人做選擇!

最後一招,亦係最妙嘅一招,你要同男人玩心理攻防戰。時機到,你就要主動提出「退出」,當然唔係真係退出啦,而係迫個男人做出最後選擇。版主表示,先發制人永遠對男人有用,因為男人天生係狩獵嘅動物,佢地更喜歡會隨時失去嘅嘢!各位男人,同呢種女人一齊,隨時變咗係你戴綠帽,仲要唔知幾多頂!遇到呢種女人,記得走啦!

心機女 小三 第三者 時機到,你就要主動提出「退出」,當然唔係真係退出啦,而係迫個男人做出最後選擇。
時機到,你就要主動提出「退出」,當然唔係真係退出啦,而係迫個男人做出最後選擇。(圖片來源:Pexels@rodnae-productions)

最後板主更發表超大膽言論,表示大婆總係企係道德高地去約束男人,其實只是將男人一步步推向自己。記者睇完就表示側目啦~咁樣日日夜夜咁機心生活,實在係太攰啦,絕對唔建議啊!

網民鬧爆:版主遲早做下一個受害者!

一眾網民睇完當然清一色表示驚訝啦!點解做人第三者都可以咁大條道理?!不禁紛紛留言問板主,到底佢有無羞恥心。更有網民表示,愛情點嚟就會點走,板主遲早做下一個受害者咁話喎~唔知你又點睇呢?

心機女 小三 第三者 網民指當小三好像當特務。
網民指當小三好像當特務。(圖片來源:Dcard截圖)
心機女 小三 第三者 幸福怎麼來怎麼去。
幸福怎麼來怎麼去。(圖片來源:Dcard)
心機女 小三 第三者 不止小三,男人也有問題。
不止小三,男人也有問題。(圖片來源:Dcard)
心機女 小三 第三者 網民指大開眼界。
網民指大開眼界。(圖片來源:Dcard)
心機女 小三 第三者 網民問板主,到底有無羞恥心!
網民問板主,到底有無羞恥心!(圖片來源:Dcard)

雖則話感情係控制唔到,無分對與錯,但愛一個人又唔一定要將佢私有化嘅。你都唔想心愛嘅人承受住「出軌」、「第三者」罪名啦!用呢種旁門左道搶人男朋友,感情都好難維持長久!

資料來源:Dcard

圖片來源:JTBC《夫妻的世界》劇照、tvN《金秘書為何那樣》劇照、SBS《《社內相親》劇照、JTBC《《無法抗拒的他》截圖、JTBC《Run On》劇照、tvN《我的室友是九尾狐》截圖、tvN《二十五,二十一》劇照、JTBC《氣象廳的人們:社內戀愛殘酷史篇》截圖、JTBC《三十九》截圖、Pexels、《Guilty這個戀愛有罪嗎?》劇照、tvb《幕後玩家》劇照、電影《撒嬌女人最好命》劇照

你可能也喜歡

Recommended