MC張天賦洪嘉豪識於微時 出道前已是戰友 曾齊為800元酒吧騷捱通宵

MC張天賦洪嘉豪識於微時 曾為出騷捱通宵 最後只得$800糧

張天賦與洪嘉豪識於微時，他們在訪問提及過他們原來8年前已經一齊夾Band，亦重提當年在蘭桂坊酒吧表演的辛酸。當年二人兩個月參與8場酒吧騷，為了確保質素更通宵練習過百首歌：「由夜晚10點練到凌晨6、7點，攰啦就搭三張櫈瞓半個鐘，半個鐘之後又踩過。」出身又不是十分富裕的他們，每日早午晚餐更以「炒麵王」醫肚。洪嘉豪更分享至此之後都再沒有出席酒吧騷，因為人工太低：「捱咗好多餐炒麵王，兩個月有8場演出，每晚玩3至4個鐘。兩個月之後出番份糧係得$800定$500，一千蚊左右，我哋隊Crew有8個人。」

洪嘉豪早出道 提議與MC兄弟班

洪嘉豪曾在電台訪問讚嘆MC：「佢值得嘅，佢有佢嘅魅力。」其實嘉豪比MC更早出道，更是作為MC加入華納的重要推手。2018年時嘉豪已經勝出華納的歌唱比賽並簽約正式加入樂壇。而MC則是在2019年完成《全民造星II》後都沒有與任何唱片公司簽約。洪嘉豪便提議找MC合唱，令到公司對MC有更深的認識。合作過後好兄弟MC便加入華納，寓工作於娛樂，MC更分享平時公司近況：「好鍾意好輕佻囂張咁挑釁對方，奚落同嘲笑對方」。

MC張天賦洪嘉豪同行如敵國或是兄弟並肩作戰？

「亦敵亦友」或是「FRENEMY」的確適合形容二人現況。由識於微時，到變成同門，二人同樣曾經得到叱咤樂壇生力軍（金獎）。正所謂同行如敵國，洪嘉豪亦都深知MC「向上爬」得比較快，不過他們亦是Friend又是Enemy亦都會為大家開心。

洪嘉豪在HK01專訪時提到：「我哋真係好friend，但外間好多人將我哋去比較，所以呢個主題真係好好，通常兩兄弟就會咁。又或者有兩個人佢哋小時候已經一齊踢波，長大之後效力唔同嘅球會，當要對決時，其實並不存在任何競爭，因為大家都係全心全意為隊波；而我哋就係為自己嘅事業去打拚，你衝鋒時我高飛，大家都會開心，所謂嘅『敵』係向上爬，雖然你爬得快啲。」二人亦都未問到有沒有類似Frenemy的朋友時便一同表示「我唔係好多朋友」而MC亦補充「未有熟到可以與對方為敵，但你知對方一定唔會傷害自己嘅朋友。」