麗英取代吳海昕拍洗頭水廣告惹民怨網民反擊：佢唔係賣樣

Q: 麗英憑2點深受觀眾喜愛？

麗英身高不到150cm，自知無靚樣，但憑住... 詳情請看

網絡熱話

冬冬

Nov 4 2022

麗英（鄧麗英）為YouTube Channel「小薯茄」成員之一，因搞怪個性人氣爆登，更跳出YouTube界成為歌手，曾經客串過不少MV及電影，近日仲取代女神吳海昕拍洗頭水廣告，但就惹來唔少網民惡言相對成為爭議。

小薯茄麗英麗英吳海昕同姜濤一齊拍電影《阿媽有咗第二個》 — 同姜濤一齊拍電影《阿媽有咗第二個》（圖片來源：IG@laiyingdesu截圖）

小薯茄麗英麗英吳海昕網民鬧麗英好樣衰 — 網民鬧麗英好樣衰（圖片來源：連登討論區）

麗英人氣不輸童童阿冰憑2點深受觀眾喜愛

麗英身高不到150cm，自知無靚樣，但憑住個人搞笑、無包袱嘅形象，深受觀眾喜愛，喺「小薯茄」人氣不輸童童、阿冰。麗英IG追蹤人數接近23萬，童童則接近27萬，雖然較遲加入「小薯茄」，但人氣已經直逼童童、阿冰兩位台柱！

小薯茄麗英麗英吳海昕麗英IG追蹤人數接近23萬 — 麗英IG追蹤人數接近23萬（圖片來源：IG@laiyingdesu截圖）

小薯茄麗英麗英吳海昕身高只有150cm — 身高只有150cm（圖片來源：IG@laiyingdesu截圖）

小薯茄麗英麗英吳海昕麗英同童童一樣咁受歡迎 — 麗英同童童一樣咁受歡迎（圖片來源：IG@laiyingdesu截圖）

麗英拍洗頭水廣告惹民怨

大學修讀電影系的麗英，直言好有表演慾。近排幫大品牌拍攝洗頭水廣告，在鏡頭前大騷柔潤秀髮﹐網民群起在該品牌社交網留言狂踩麗英樣衰，要求換代言人。

小薯茄麗英麗英吳海昕之前代言人吳海昕 — 之前代言人吳海昕（圖片來源：FB@Dove截圖）

麗英拍廣告被網民狂踩：全死角美少女

麗英廣告post在FB狂吸負評，網民留言：「佢真係好樣衰」、「搵佢拍廣告真係好癲，咩女會想用完呢支洗頭水似麗英？」、「洗完變咗麗英，唔好喇掛」、「點解唔傳統搵個靚女拍？」、「正呀，全死角美少女」、「放上微博會唔會被人鬧玉華架？」、「係咪走暗黑marketing」、「睇完個廣告我有ptsd」、「我要抵制呢個牌子」。

小薯茄麗英麗英吳海昕麗英喺廣告入面話自己啲頭髮好乾！ — 麗英喺廣告入面話自己啲頭髮好乾！（圖片來源：FB@Dove截圖）

小薯茄麗英麗英吳海昕用完洗頭水之後頭髮就變靚靚啦 — 用完洗頭水之後頭髮就變靚靚啦（圖片來源：FB@Dove截圖）

小薯茄麗英麗英吳海昕平時都無乜形象，但好得鐘意 — 平時無乜形象同包袱，好得網民鍾意！（圖片來源：IG@laiyingdesu截圖）

網民撐麗英身材好：波大遮三醜

亦有網民幫手平反，話：「依家唔興主流靚女，睇吓阿正，勁多廣告」、「麗英唔係賣樣，賣身材架」、「麗英咁大波點會樣衰？」、「鬆身衫都睇到佢上圍勁」、「廣告成功咗啦，成功引起你地班人討論」、「話麗英樣衰嗰班，你同大陸人話眼細就係玉華有乜分別先？」、「麗英一向唔係sell靚女﹗」、「支持麗英，可愛有自信」、「豬肉威都有人搵啦，麗英起碼有才華」、「品牌好明顯目標係班年輕人唔係廢佬啦」、「波大就是美啦，麗美好好波架」、「佢同阿Day好似樣呀，都咁可愛」、「marketing贏晒！鬧佢嗰啲本身都唔會買，但睇開小薯茄嘅，會撐麗英去買，目標觀眾都唔同，今次肯定大賣」、「波大遮三醜」等。