婚禮司儀 婚禮司儀

婚禮司儀「金句」實錄 新人惡夢畢生難忘 「炒車」情景尷尬得不敢重想

網絡熱話

結婚是人生大事,婚禮當然不能馬虎!大家以往都會找一兩位口才了得的朋友幫忙做司儀,熟人帶動氣份都較為容易,近年「專業司儀」亦大興其道,預算充足的新人甚至會請「星級婚禮司儀」。不過,若司儀「唔生性」、「講錯嘢」,分分鐘真的讓你婚禮終身難忘!一起看看以下幾個另類尷尬又難忘婚禮吧!

原文刊於:SundayKiss|圖片:SHUTTERSTOCK、新傳媒資料室、《抱抱俏佳人》劇照、《必娶女人》劇照、林盛斌FB專頁、IG|編輯:Ellie

婚禮司儀尷尬「炒車」實錄

「司儀」絕對是一個專業!最近就有網民喺討論區發起「一人一個婚禮司儀黐咗線嘅一刻」,將自己在婚禮上遇過最尷尬的情況羅列出來,有的都真是頗「大吉利是」呢!

(圖片來源:Photo-Ac)
婚禮司儀(圖片來源:Photo-Ac)

自high系列

1. 「司儀係一男一女外面請,冇人識,無啦啦去到中間,男司儀話個女司儀今日生日,要全世界陪佢唱生日歌 + 畀驚喜個女司儀!」

2. 「司儀講講吓嘢講到喊晒,然後話原來個新娘係佢鍾意咗好多年嘅女神,然後無啦啦大叫咩『哈利路亞 CHANCE』!」

在婚禮中司儀是非常重要的角色,但如果遇著個靠不住嘅司儀,真係新人的一場惡夢!(圖片來源:Photo-Ac)
婚禮司儀是非常重要的角色,但如果遇著個靠不住嘅司儀,真係新人的一場惡夢!(圖片來源:Photo-Ac)

3. MC:「我叫 Martin 佢叫 Candy,所以我哋係MC!」

4. 「新人同家人親戚朋友影相,影影吓,個MC嗌:『而家有請MC上台影相!』,然後自己衝上台」

5. 「個司儀玩到無嘢好玩,無啦啦叫我老豆咀我老婆個老母,下面班XX仲大大聲叫咀佢!咀佢!搞到我外父同我老母黑曬面 !!!」

就連旁觀者都替新人捏一把冷汗(圖片來源:《抱抱俏佳人》劇照)
就連旁觀者都替新人捏一把冷汗(圖片來源:《抱抱俏佳人》劇照)

開口夾着脷系列

6. 「切蛋糕既時候,MC:『我地祝對新人由頭切到尾』,婚宴完嘅時候,MC:『我哋下次再見』」

7. MC:「新郎都無得食新娘隻豬,大家就有得食乳豬」

8. MC:「新郎依家可以揭起新娘嘅婚紗」

下次!?真係「啋」過你吧口啊! (圖片來源:Photo-Ac)
婚禮司儀 – 下次!?真係「啋」過你吧口啊! (圖片來源:Photo-Ac)

9. 「親戚係茶樓擺左十零圍,有個駐場大嬸司儀:『雖然今晚圍數唔多,但我地都用最熱烈既掌聲歡迎一對新人』」

10. MC:「恭喜一對新人走上呢條不歸路………er……..幸福之路!!」

大吉利是系列

11. MC:「我哋一齊睇番一對新人生前嘅片段」

12. 「試過個 MC 叫: 『有請女家外母慈雲閣嘅鄰居』,外母住慈雲山啲屋村,但係慈雲閣係放骨灰果啲寺」

作為來賓聽到呢啲說話,頓時覺得空氣都要尷尬了…(圖片來源:《必娶女人》劇照)
作為來賓聽到呢啲說話,頓時覺得空氣都要尷尬了…(圖片來源:《必娶女人》劇照)

13. 「試過去飲,新郎新娘多謝完四大長老之後,MC話: 『多謝完就要有啲表示啦,我地而家請新郎新娘向父母三鞠躬致謝』,新郎新娘又真係照做,四大長老塊面黑到!」

若果不想在大日子「中伏」,選定司儀前記得約見一下司儀,減低中招風險。(圖片來源:《抱抱俏佳人》劇照)
若果不想在大日子「中伏」,選定司儀前記得約見一下司儀,減低中招風險。(圖片來源:《抱抱俏佳人》劇照)

看完以上的炒車經歷,讓人更明白請個可靠婚禮司儀是多麼重要!大家將來結婚的時候,記得「帶眼」尋得司儀!祝大家有個浪漫又美好的婚禮。

原文刊於:SundayKiss|圖片:SHUTTERSTOCK、新傳媒資料室、《抱抱俏佳人》劇照、《必娶女人》劇照、林盛斌FB專頁、Instagram

延伸閱讀:15個男性討厭女性時尚妝容打扮 Smoky Eyes、阿婆內衣、日曬妝通通NG!

婚禮司儀「金句」實錄 新人惡夢畢生難忘 「炒車」情景尷尬得不敢再重想

情侶相處之道是甚麼呢?

想維持長久關係的妳都會問過!過了熱戀期的甜蜜的階段,情侶相處之道技巧就十分重要,而擁抱姿勢也有不同的意思,想了解你的另一半更多請看

我如何得知心儀對象是否喜歡我?

心儀對象的一舉一動總會牽動著自己的心,只要留意這些男人喜歡你的徵兆,就能看出他到底喜歡或不喜歡你。而尋找靈魂伴侶也是十分重要,想知道你和另一半是否為靈魂伴侶嗎?就從幾個特點開始看吧!

你可能也喜歡

Recommended