失業  失業

《失業潮》訪問失業者的故事 由老闆變小販再變保安 大屋搬劏房

網絡熱話

《鏗鏘集》早前播出節目《失業潮》,其中一名失業者阿君,97年生意失敗,由老闆變小販,疫情下由導遊再變做保安,人生經歷兩度巨變,但他仍然能保持樂觀,非常勵志!

撰文:老梁|圖片:《鏗鏘集:失業潮》|原文刊於:新假期

曾做老闆變做導遊!疫情下失業成保安

港台節目《鏗鏘集》早前播出《失業潮》,節目探討多人在疫情下被炒轉行、搵工的難處,題材貼地,令節目成為YouTube熱門影片第一位。而在節目中,阿君的故事可以說是高潮起伏。

曾做老闆的阿君,97年因為生意失敗,轉行做無牌小販,由老闆變成小販拋頭露面,阿君當然不太習慣。一做小販就做了一年半有多,見旅遊業起步,阿君於是考了領隊排,負責內地線。但因疫情下,阿君的旅遊事業全部叫停,於是他惟有改變策略,轉做保安。

由老闆變做小販,再變導遊,到疫情下又再度失業。
由老闆變做小販,再變導遊,到疫情下又再度失業。

日做12小時 由新界西到港島東的日子

轉行做保安,返工地點絕不就腳。阿君每天都要4時30起身,5點準時出門口,搭上巴士,由天水圍出發到港島東。保安的工作長達12小時,朝8晚8的生活,阿君每天只睡得4個多小時。「以前保安大概都有$58時薪,不過疫情減薪減到$40,連最低工資都冇,不過依然大把人爭。」

每天只睡大概4個多小時,為了生計,大家可以去到幾盡?
每天只睡大概4個多小時,為了生計,大家可以去到幾盡?

曾創搵錢大計 第四波疫情令計劃暫停

導遊出身的阿君,曾於疫情期間想到搵錢大計,設定東壩一天團的計劃,計劃未落實,就已經有不少客人查詢,不過好景不常,第四波疫情突然殺到,令計劃暫停。「出外的旅行團,因為疫情的關係已經叫停,原本以為一天團都可以落實,怎料又爆發第四波,都是一個打擊,對旅遊業都是一大打擊。」

原本一天團可以為阿君帶來收入,不過卻因為疫情暫停。
原本一天團可以為阿君帶來收入,不過卻因為疫情暫停。

減省開支大屋搬劏房 只留下一部電視機

在一年冇工開的情況下,阿君為了減省開支,由兩房一廳的房子,搬到劏房,現在更要經常吃杯麵省錢。「以前我好鍾意係世界各地買醬料,返去可以煮好多野食,而家咩都冇,我只保存一部電視機,都50幾吋。我成日問自己幾時先可以再搬屋,有個廳有個廚房,用作警剔自己囉。」

想房子內有位置可以睇電視,對香港人來說都是一個願望。
想房子內有位置可以睇電視,對香港人來說都是一個願望。

低谷時裝備自己 阿君 :仲有咩好怕?

阿君現在都有報讀多個課程,例如金融班、電腦班,更學習西班牙文,為將來做好準備。「其實疫情下全世界都停擺,但對我來講冇所謂,連小販都做過啦,仲有咩好怕?」

阿君的阿Q精神,令人尊重。
阿君的阿Q精神,令人尊重。

撰文:老梁|圖片:《鏗鏘集:失業潮》|原文刊於:新假期

你可能也喜歡

Recommended