噪音 噪音

鄰居晚晚剁肉餅、唱歌製造噪音?房署無法解決 住戶反被勸搬走!

網絡熱話

香港雖然小但有近700萬人,土地問題下當然會有神奇鄰居啦,最近有人喺社交平台出Post指自己鄰居晚晚都玩剁肉餅,仲要係剁足七、八年!向房署投訴,噪音問題無法解決不在話下,住戶更被勸搬走!

撰文:Andy|圖片:旺角卡門劇照、環境保護處、《東張西望》 截圖|編輯:海月、Bonita | 原文刊於:新Monday

剁肉餅剁足七、八年 深夜備受噪音滋擾

青衣長宏邨受影響住戶施小姐表示,從七、八年前開始,就聽到鄰居屋企傳來噪音。對面每日不停傳出敲打和剁嘢嘅聲音。施小姐估計對面係剁緊肉餅,近來仲越來越過分,連夜晚都剁肉。可能對面嘅刀功過人,施小姐形容對面剁肉剁到好似要拆樓咁。

(圖片來源:《東張西望》)
青衣長宏邨受影響住戶施小姐表示,從七、八年前開始,就聽到鄰居屋企傳來噪音。

隔離唔正常已經好難頂,最慘係施小姐半夜仲要面對另一種噪音攻擊。施小姐抱怨自己常常半夜會聽到樓上放聲高歌,可惜對方唱歌刺耳難聽,讓施小姐十分不舒服。佢直言自己懷疑都上單位嘅住戶精神有問題。佢曾試過搵管理員、區議員和警員,均未能解決噪音問題,樓上「歌神」充分展現對音樂嘅熱愛。

(圖片來源:《愛回家之開心速遞》)
施小姐抱怨自己常常半夜會聽到樓上放聲高歌,可惜對方唱歌刺耳難聽,讓施小姐十分不舒服。

 

記者上樓訪問反被兇 推卸責任到其他單位

早前TVB《東張西望》記者就為民請命,上去樓上睇睇「歌神」到底咩料,點知俾人兇翻轉頭,面面相覷。

剁肉餅剁足七、八年 深夜備受噪音滋擾
記者上樓訪問反被兇,更推卸責任到其他單位

施小姐指嘅涉事單位住戶否認噪音來源自己,佢指噪音係自己樓上。仲「好心」咁向記者爆料,聲稱自己樓上係加工場。不過記者追問加工場嘅具體位置時,該住戶即可就話係「我猜的」、「不知道」。

(圖片來源:《東張西望》)
施小姐指嘅涉事單位住戶否認噪音來源自己,佢指噪音係自己樓上。

噪音條例保護不足 不少情況無法保障

噪音管制條例至限制晚上11點後製造噪音嘅分貝,白天則完全冇足夠嘅保障。所以,施小姐面對日頭鄰居剁肉餅呢嘅行為亦無可奈何。皆因,日頭煮菜並冇違反噪音管制條例。

(圖片來源 環境保護處 ped.gov.hk)
噪音管制條例至限制晚上11點後製造噪音嘅分貝,白天則完全冇足夠嘅保障。

房署無法解決鄰里紛爭 唯叫施小姐搬走

施小姐透露,自己呢幾年都有去信房署投訴噪音問題。不過,房署方面嘅回覆都係表示會跟進,而施小姐試過直接同房屋署主任商討如何解決相關問題,結果主任嘅建議係叫佢搬走。

(圖片來源:《東張西望》)
施小姐試過直接同房屋署主任商討如何解決相關問題,結果主任嘅建議係叫佢搬走。

施小姐憤怒地表示,點解房署唔係幫手勸喻樓上收聲,而係要無辜嘅自己搬走。佢直言呢嘅處理方式「唔合理」!

https://youtu.be/AdPw-tml_Ic

你可能也喜歡

Recommended