26歲余思霆落Club夜蒲片流出！與型男大跳貼身熱舞 男友朱敏瀚大方回應

原文刊登於：東方新地｜圖片來源：劉子碩IG、余思霆IG、朱敏瀚IG

余思霆背男友朱敏瀚孖黑衫男夜蒲跳貼身舞被劉子碩出賣？

余思霆：我去邊男朋友都知

17年華姐冠軍余思霆據悉因為台灣疫情穩定、余思霆又持有台灣護照出入方便，早前被無綫特派到台灣拍攝旅遊節目《台灣玩起來》。不過拍攝節目最多兩、三個月，余思霆就話未知回程、短則半年長則一年，機票都索性買單程，仲出埋 Po道別又係多謝香港朋友和貴人、話會掛住香港，其實呢個 job前，余思霆坐冷板凳超過半年，曾言對前景感迷惘。

本月初余思霆已被爆與同樣由香港返回台灣發展嘅歌手劉子碩到夜店夜蒲，日前劉子碩再在社交網上載影片，片中見到余思霆穿著一件白色低胸小背心，在夜店同一名黑衫男大跳貼身舞，跳舞期間余思霆不斷扭腰趷籮，而黑衫男則從後用左手攬實余思霆纖腰，右手更於余思霆臀部一帶游走。

對這段影片，余思霆解釋話：「我哋都係外國返嚟嘅一班朋友，所以玩得比較癲少少，其實嗰個場係基吧嚟嘅，哈哈！」她又指自己近期都是在台灣拍攝無綫新節目：「希望大家多啲關心我玩以外嘅嘢！」

而被問到會否擔心男友朱敏瀚呷醋？余思霆笑言：「我去邊男朋友都知，所以冇事嘅，我去到邊都會同佢講，返到屋企都會講，所以佢都好放心，佢知道我有比較多朋友喺台灣，之前我成日唔喺台灣，所以今次返到去就好多朋友約聚會。」

而朱敏瀚亦表示自己好相信女友余思霆，佢話：「（我哋）感情穩定，多謝關心！佢去邊都有同我講，我哋冇事呀！」

早前朱敏瀚獲無綫頒發「飛躍進步男藝員」獎，及以《反黑路人甲》陸秋一角與王浩信、張振朗齊獲「最受歡迎電視拍檔」獎，余思霆亦有隔空在社交網留言「One step closer」來鼓勵男友。

朱敏瀚余思霆低調拍拖2年 努力賺錢養起女友

朱敏瀚余思霆低調拍拖2年 努力賺錢養起女友 18年朱敏瀚與華姐余思霆拍《好日子》相識相愛，轉眼拍拖兩年，兩人愛得依然甜蜜，不過轉變的是捱出頭的朱敏瀚，終於事業超前女友，不用再被指女尊男卑。據知情者透露：「雖然依家感情穩定，仲一齊同居，但話晒事業啱啱上位，Brian唔想阻礙前途，同女友有共識將感情低調，而且 Brian好大男人，佢希望自己可以賺錢養起女友，所以都定咗呢兩年會努力做嘢，事業行先！」

朱敏瀚視余思霆為結婚對象：不想她太辛苦

朱敏瀚曾言每一次都以結婚為目標拍拖，因此他會努力進行目前的工作，盼能養到身邊人，也不想她（余思霆）過得太辛苦。拼搏事業的他常爭取時間約女友見面，在忙碌的同時也不會忽略女友。朱敏瀚近年事業穩步上升，戲份愈來愈重的同時，人氣收入當然也隨之上升，《萬千星輝頒獎典禮2020》更勇奪了飛躍進步男藝員，相信不久的將來養活一家人及女友余思霆也不難！

劉子碩 離開《#後生仔》回台發展

而爆出余思霆夜蒲影片的劉子碩（Zac）生於台灣、讀過上海戲劇學院、能演能唱最緊要高大靚仔形象陽光，18年來港發展，去年簽約星夢，早前劉子碩在個人IG宣布動向：「來香港兩年多，下禮拜要離開了！這兩年有多辛苦多幸福我都會收在心裡，希望大家可以祝福我的決定，不要覺得可惜或遺憾，因為未來發展成甚麼樣子我都會完全接受。香港的家人朋友要常常給我打電話喔，現在這一刻真的超級踏實，一切都很圓滿，感謝！」