沙灘玩具被搶兒子爆哭 對方家長反斥太緊張 港媽一招反擊護子

沙灘玩具被搶兒子爆哭 對方家長反斥太緊張 港媽一招反擊護子

沙灘 是爸爸、媽媽夏天帶小朋友玩樂、消暑的好去處,不過玩水同時,都要小心財物。近日有名網民於社交平台分享一事,她指自己目睹小朋友被另一名男童偷玩具,再據為己有的經過,男童媽媽要求小朋友禮讓「BB」,小朋友父母不從,即用一招反擊對方媽媽,成功護子。帖文超過千人讚好,好多網民話睇到大快人心,大讚小朋友父母在必要時候為兒子挺身而出,是個好榜樣。

撰文:Clara | 資料來源:「生仔要考牌系列」| 圖片授權:SHUTTERSTOCK|原文刊於:Sunday Kiss

沙灘玩具被據為己有

一名網民於Facebook群組「生仔要考牌系列」投稿,一開始已對小朋友的媽媽表示讚歎:「我真係不得不佩服依家啲媽媽。」事緣她前兩日同朋友去沙灘玩,當時天氣不太穩定,偶爾下微微雨,所以她走到遮蔭位避雨。有個男童不斷尖叫,跑來跑去,突然走到旁邊的家庭。未幾,他手上拿住多拉A夢圖案的掘泥工具,他媽媽見到就說:「好靚喎,喺邊度拎㗎,咁叻嘅?」

沙灘玩具被據為己有(圖片來源:SHUTTERSTOCK)
沙灘玩具被據為己有(圖片來源:SHUTTERSTOCK)

之後,被拿走玩具的小朋友走到男童身旁問:「個掘泥工具好似係我嘅。」男童媽媽反駁:「係我個仔嘅!」話畢,小朋友就喊住走去跟父母訴苦:「佢拎咗我啲嘢…」護子心切的爸爸立即走去找對方媽媽談判「個多拉A夢掘泥器係我個仔嘅,因為有個位做咗記號。」

男童(圖片來源:SHUTTERSTOCK)
男童(圖片來源:SHUTTERSTOCK)

媽媽為護子 教訓對方家長

男童媽媽沒有歸還玩具,她覺得她兒子沒有惡意,是小朋友的爸爸太敏感:「小朋友借嚟玩吓,唔使咁緊張。」小朋友媽媽聽到之後怒火中燒,斥罵男童媽媽:「『借』唔係咁㗎囉,你係『偷』喎,我仔啱啱喊住同我講,係你話個玩具屬於你個仔!」不甘示弱的男童媽媽毫無悔過之心,反而指責是小朋友太小器:「咁大個就讓吓BB啦!」

小朋友媽媽不輸蝕,一伸手就拿走對方媽媽的電話或銀包,提醒她「不問自取是為賊也」的道理:「我依家拎咗你啲嘢,可唔可以話係『借』呀?定係『偷』呀?你個仔細啫,你唔細吖嘛!咁簡單嘅道理都唔識教,正一無家教!」說罷就從男童手中取回原本屬於兒子的玩具,然後離開。

爸爸大鬧 全場鴉雀無聲

男童見到玩具被拿走後大喊,其母發狂爆粗鬧個小朋友的媽媽。小朋友爸爸見狀,即保護老婆,好有中氣地回罵:「收聲啦!死XX!教個仔做賊仲聲大大,再嘈報警!你個仔咁細唔使坐監,你代佢坐囉!」之後全場鴉雀無聲,男童不再敢哭。至於一直做旁觀者的網民本來想看後續,但都被嚇窒,轉身就收拾東西離開沙灘。

網民:大快人心

網民紛紛大讚故事精彩,大快人心,小朋友的爸爸、媽媽身教得好出色:「爸爸媽媽好波!!!」、「B爸媽做得好好,本來父母就應該是咁樣保護同教導自己孩子」、「好型啊B父母。尤其是見到老公老婆同一陣線 價值觀相近,真係好感動」。

你可能也喜歡