息影23年柏安妮成心理學家 17歲女兒許恩怡入行首登大銀幕

息影23年柏安妮成心理學家 17歲女兒許恩怡入行首登大銀幕

闊別銀幕23年的 柏安妮 (Ann Bridgewater),一身素服、手持iPad並面帶笑容前來接受訪問,正切合她在平凡中找到喜愛工作的形象。Ann於1985年出道,為青春組合「開心少女組」一員,一齣代表作《為你鍾情》飾演張國榮的妹妹,即登上女神之位,之後合作的粒粒皆星,有《咖哩辣椒》的周星馳、張學友、《俠盜高飛》的周潤發、《風塵三俠》的梁朝偉,正當事業最璀璨之時,Ann放棄短短八年的銀色旅途,投身專業行列,並與港大同學結婚誕下兩女,現分別15及12歲,專心做個平凡的職業女性。 一直對兒童教育有興趣的她,先後考取了職業治療師及臨床心理學家專業資格,令青春期的女兒不但無反叛,更感激媽咪的嚴厲。

撰文:Summer|圖片來源:新傳媒資料庫、電影《霸王花》

柏安妮17歲女兒許恩怡入行首登大銀幕

近日,柏安妮17歲的細女許恩怡(Natalie)正式出道,剛剛出道已擔正成女主角。許恩怡(Natalie)是出演內地導演張一白所執導的歌舞片《燃野少年的天空》,歌舞片中她所飾演的角色是一位追尋自己跳舞夢想的少女小黃。

圖片來源:官方Weibo
圖片來源:官方Weibo

由小至今都從未接觸過電影演出的Natalie,從小到大都因媽媽柏安妮的朋友Kim Chou帶領下終踏入娛樂圈,同時Kim Chou更成為Natalie的經理人。Natalie自3歲起就開始學習古典、芭蕾舞、現代舞等舞蹈訓練,可謂琴棋書畫樣樣精,她更完成所有皇家舞蹈學院的分級考試,除了舞蹈,Natalie都有接觸武術、長拳、太極等,2019年更獲得香港演藝學院年度傑出⻘年舞蹈家獎,表現優異。

圖片來源:官方Weibo
圖片來源:官方Weibo

柏安妮:「娛樂圈沒有安全感」

Ann是中、英、馬來西亞混血兒,美艷動人,更是一名叻女,入行前為香港花式溜冰冠軍,後獲英國牛津大學錄取,因獲黃百鳴賞識而放棄升學,一嘗做明星的滋味。在千變萬化的娛樂圈,際遇要講運氣,對性格踏實的Ann來說,沒有安全感,「喺娛樂圈除咗靠實力,好多嘢都要靠運,同埋睇你想唔想出去見人、交際、識到邊個,我覺得唔係好適合我。」 在尋找新出路之前,必須重拾書本,故90年代初她到香港大學進修生物系,邊拍戲邊讀書,更認識了港大同學,其後相戀結婚,育有兩名女兒,正式展開新生活。

圖片來源:電影《霸王花》
圖片來源:電影《霸王花》
圖片來源:新傳媒資料庫
圖片來源:新傳媒資料庫

曾做無印良品經理

畢業後她做過無印良品香港品牌經理,之後為興趣再進修職業治療。對Ann來說,每一個個案都難忘獨特,「做過咁多個家庭,我個個都鍾意,好願意為佢哋做嘢,無一個家庭我係唔想見,當深入認識每個家庭,就會睇到佢哋嘅好處同難處。難忘嘅都有,好似有小朋友嚟之前乜都唔肯食,嚟到做做吓佢食咗隻蕉,我已經開心到不得了!

圖片來源:新傳媒資料庫
圖片來源:新傳媒資料庫

早幾日又有個小朋友,家長教咗好耐佢都唔識自己去廁所,我同佢傾咗一陣,佢返屋企終於去到。好多嘢我哋平時覺得好容易,對某啲人係好難,而我幫佢哋做到少少嘢,已經可以改善佢哋生活。」 做了多年職業治療後,Ann近幾年轉做臨床心理學家,希望多從內心去幫助有困難的小朋友,「以前多做0至6歲,依家會做到10幾歲,好似小朋友喺讀書、專注力、社交或心理上有問題,我都會幫佢。」

息影23年柏安妮成心理學家 17歲女兒許恩怡入行首登大銀幕
圖片來源:新傳媒資料庫

轉行做臨床心理學家

職業治療與臨床心理學的最大分別,在於前者較重於教小朋友的日常生活,後者則關乎小朋友及家長的心理,比較全面具挑戰性。「職業治療師做多啲日常嘅嘢,小朋友嘅職業就係瞓覺、食嘢、返學、寫字,真係落手落腳教佢哋寫字、點樣換衫等等;臨床心理學固然之做心理嘢,如果小朋友唔開心,要同佢傾偈,睇吓佢家庭狀況,鼓勵家長點改善關係。」

圖片來源:新傳媒資料庫
圖片來源:新傳媒資料庫

其中一個最常見的學習問題「專注力不足」,是Ann的重點工作,主要做評估及幫家長正視問題。「好多專注力不足嘅小朋友好聰明,只係上堂遊魂,所以我就做好多評估,去證明個小朋友係聰明、智力冇問題,只係教佢嘅方式要多花心機,搵啲佢有興趣嘅嘢去教,咁對個小朋友轉變會好大,因為佢哋自細就俾人話懶同蠢,其實佢哋係聰明,所以佢哋好忟,做好多奇怪行為俾人鬧,形成惡性循環。」

圖片來源:新傳媒資料庫
圖片來源:新傳媒資料庫

你可能也喜歡