東張西望

東張西望|自稱員工疑大爆黑幕!矛頭直指節目組食人血饅頭 狠列20宗罪

網絡熱話

廣告

《東張西望》平日經常報道不公事件,但近日竟然疑似發生在他們身上?近日網上一名自稱為TVB《東張西望》節目組的員工爆料,提到《東張西望》以伸張正義的旗號報導社會不公事件,但其實內部充滿黑暗和包庇,食盡人血饅頭。矛頭直指幕後最大問題的便是攝影組,由於攝影組是外判公司的關係,指外判公司老闆尤如「吸血鬼」。縱使《東張西望》疑似知道內幕,但卻選擇包庇對方。

自稱《東張西望》員工大爆黑幕!列20宗罪震驚全網

近日有一名自稱為TVB《東張西望》節目組的員工於網上爆料節目組內幕,引起一時熱話。該「投訴」在網上引起廣泛討論,不少網民都認為該名員工十分可憐,更直指「一早就唔應該打TVB工」!立刻看看這位疑似《東張西望》員工的20大控訴!

東張西望
(圖片來源:TVB《東張西望》截圖)
東張西望
(圖片來源:TVB《東張西望》截圖)
東張西望
(圖片來源:Facebook《娛樂圈關注組》截圖)

以下為爆料者列舉的《東張西望》20大罪狀:

1.冇提供任何合約畀入職既僱員

入職時無提供任何合約,但上班、放假時間都由公司安排,所有修款在上班前隻字不提。

東張西望
(圖片來源:《非常律師禹英禑》劇照)

2.冇幫僱員供強積金

不論員工年資,公司並無幫僱員供強積金。

3.無幫僱員購買勞工保險

該員工指《東望》拍攝題材相對比較危險,除了要追擊一些有潛在危險人士之外,上山下海更不在話下,黑雨、天寒地凍、八號風球都要開工, 而且節目組安排的Crew車都會嚴重超載,攝製隊就毫無保障。

4.冇勞工假、冇紅假、冇補假、冇病假、

員工指,曾試過有同事染疫,公司會扣糧,指對方極度涼簿,員工只被安排每個月放八日假,當有同事在拍攝期間受傷,醫藥費要員工自己出, 工傷假亦無糧出,屬違反勞工法例。

5.放假要自己補錢請freelance

若員工想在指定日子放假,員工就需以自己的人工來出錢請freelance,變相要「倒貼番工」。

東張西望
(圖片來源:Facebook《娛樂圈關注組》截圖)

6.假公濟私

該員工指公司其中一位老闆會假公濟私,見同事靚女就會「跟拍」,又經常對同事、主持、被訪者評頭品足。

7.炒人毫無理由

正常一間公司炒人要先有一封warning letter,但該公司可以只因「唔順眼話炒就炒」。

東張西望
(圖片來源:TVN《Black Dog》劇照)

8.炒人時無代通知金

無補水、無補假,員工狠批:「真係唔好再呃人D血汗錢啦!」

9. 兩位老闆冇一日係準時開工

員工反問:「如果遲到就要畀人炒,佢哋呢兩位老闆就係遲到得最犀利嗰兩個,基本上冇一日係準時開工,其身不正有咩資格話人?」

10.嚴重拖糧

疑員工指拖糧情況非常嚴重, 每個月平均遲十多日。

東張西望
(圖片來源:Facebook《娛樂圈關注組》截圖)

11.每個月呃糧

公司上司總有方法、理由扣起同事人工,有時就會以「你放多咗假」 、「你返唔夠數」,很少情況會計算正確,要自己重覆查實。

12.強制員工為自僱人士

入職時稱以月薪計算,而且指明會在規定日子上班,但仍稱員工為自僱人士,但係佢就用呢個理由,因此可以把所有福利扣起,就連勞工保險都沒有,「走法律罅慳得就慳」。

13.無糧單

令員工沒有入息證明。

14.器材殘破不堪

要用就要員工出錢買,否則會以導演作籍口,指員工被導演投訴。

15.無OT錢

該員工指自己人工只得400-600/一日,但就算當日要半夜三更開工,都不會有車馬費,扣起的士錢,可能只淨二百幾蚊。

東張西望
(圖片來源:Facebook《娛樂圈關注組》截圖)

16.逃避責任,避得就避

網民指《東望》入面有「四大癲王」,態度極差, 尖酸刻薄,用足你12個鐘,有時連飯都唔會俾你食。而且好鍾意「虐待」外判工,每次開工佢都好鍾意不停鬧人!

17.涉嫌盜用他人文件

網民續指《東望》是甚麼都會報的媒體,拖糧又會報導,但其實內部「衰嘢」就樣樣都做齊,包括上司沒打針就用其他人針卡出入場所。

18.恰新人

事望認為上司「阿鵬」為人「老屎忽」, 恃住自己與無綫有合約在身,就會亂恰新人。

19.不接受意見

當有人善意提出意見時,上司就會以「傳統流落嚟」拒絕,令事主覺得節目組守舊。

東張西望
(圖片來源:tvN《我的大叔》劇照)

20.拍攝手法守舊

當有人提出新嘅拍攝手法嘅時候, 佢哋根本上唔會接受,唔容許創新。

東張西望
(圖片來源:Facebook《娛樂圈關注組》截圖)

網民嘲笑:「我建議上東張西望投訴」

控訴文一出隨即引起熱論,不少人都覺得不理員工是真是假,若果要貼錢番工就是不可能接受,更嘲笑節目組可「自創節目」:「咁味自己開一集比自己囉」、「我建議上東張西望投訴」,亦有人覺得事主不值得可憐:「咁都照返工其實都係自己攞黎」、「係奴性啊」。

東張西望
(圖片來源:《連登》討論區截圖)
東張西望
(圖片來源:《連登》討論區截圖)
東張西望
(圖片來源:《連登》討論區截圖)
東張西望
(圖片來源:《連登》討論區截圖)
東張西望
(圖片來源:《連登》討論區截圖)
東張西望
(圖片來源:《連登》討論區截圖)

常見問題

自稱《東張西望》員工有什麼控訴?

近日網上一名自稱為TVB《東張西望》節目組的員工爆料,列出《東張西望》20宗罪震驚全網,包括強制員工…詳情請看

網民對於此事有何控訴?

控訴文一出隨即引起熱論,不少人都覺得不理員工是真是假,若果要…詳情請看

圖片來源:TVB《東張西望》截圖、Facebook《娛樂圈關注組》截圖、《連登》討論區截圖、《非常律師禹英禑》劇照、TVN《Black Dog》劇照、tvN《我的大叔》劇照

你可能也喜歡