64歲張國強昔日風采 入行45年零緋聞 育三子女做廿四孝爸爸

64歲張國強昔日風采 入行45年零緋聞 育三子女做廿四孝爸爸

張國強(KK)入行己有45年,是無綫《430穿梭機》的第一代主持人,陪伴不少70後成長,現年64歲的張國強依然活躍演藝圈,時不時就會出現觀眾眼前;而今年度的最佳劇集《反黑路人甲》張國強都有份參演,劇中他飾演潛伏警隊的黑警Big Boss,入型入格的演技個個都叫好!現就和大家一同細看張國強入行以來的轉變,重溫一下他當年的風采!

撰文:東方新地|圖片:新傳媒圖片庫、張國強微博

細味張國強的昔日風采

張國強 《反黑路人甲》飾黑警

張國強近年於多套劇集演出,經常飾演做反派,2020年《反黑路人甲》、《踩過界II》兩套劇集都有佢嘅演出,未播出的跑步主題劇《大步走》亦可以見到佢:

張國強 反黑路人甲
張國強飾演的副警務處長KT,存心要取代警務處長郭浩良,同司徒信勾結,一樣好多疑點,播到中段就有觀眾猜測,KT極大可能是 Final Boss。圖片來源:劇集截圖
反黑路人甲 張國強
「黑警」張國強自恃穩坐一哥寶座,勸同僚見死不救⋯⋯圖片來源:劇集截圖
張國強 反黑路人甲 一哥
張國強在自己的IG透露:「閒角演變成主角,登入龍門,成為霸主,非一般的付出!在修哥和John 哥前我肯定是路人甲,但爾虞我詐下到底最終誰是…..」真正買兇殺死蔣氏父子的,似乎就係黑警⋯⋯圖片來源:張國強IG

張國強 80年代靚仔體育老師

80年代24歲嘅張國強剪咗個冬姑頭喺《上海灘續集》演許文強表弟,髮型有啲土氣,但襯埋件三間牌運動衫,成個活力澎湃嘅小鮮肉體育老師。

張國強
圖片來源:東方新地

83年廿七歲孩子臉

張國強76年替無綫拍《無花果》後,足影視三線發展,相中廿七歲嘅KK一副孩子臉,接受TVB官方刊物訪問同影唔同造型寫真時,春風滿面對未來充滿信心。

張國強
圖片來源:東方新地

紳士愛足球

張國強雖先後効力過愉園、東方同海蜂,但後備居多,四年足球生涯發展唔理想下,81年選擇退役,呢次著踢死兔西裝喺龍門口踩波留影,盡顯不死足球心。

張國強
圖片來源:東方新地

精工衫踢波

已故球王胡國雄領導嘅精工足球隊雄霸香港七、八十年代球壇,張國強亦跟風著上精工V字款球衣大顯控球技術。

張國強
圖片來源:東方新地

82年同阿倫訪泰

張國強球員生涯時認識咗參與香港流浪預備組嘅譚詠麟,82年兩人加入精工八二職員隊,訪問泰國時哄動一時,兩位星級人物吸引到大批女球迷索取簽名。

張國強
圖片來源:東方新地

82年《430穿梭機》主持

張國強82年迎來新挑戰,擔任兒童節目《430穿梭機》第一代主持人,由佢任機長,方家瑩任副機長,著上太空制服喺穿梭機內執行任務,但KK做咗四年就離開TVB,簽約德寶重投影壇。

張國強
圖片來源:東方新地

星爺 KK 喜相逢

84年《430穿梭機》內由周星馳同龍炳基合演嘅趣劇《黑白殭屍》大受兒童歡迎,兩人同機長張國強、取代方家盈任副機長嘅譚玉瑛、曾華倩影大合照,如果加埋另一主持梁朝偉就更加無敵。

張國強
圖片來源:東方新地
張國強
圖片來源:東方新地

79年首拍電影孭飛

79年張國強處男電影《點指兵兵》就擔任男主角之一,演一個膽小新仔ClD,ending喺大廈長走廊同變態殺手對峙一幕夠經典,九年後再演導演章國明另一電影《點指賊賊》。

張國強
圖片來源:劇集截圖

83年《波牛》威盡日台

83年張國強同元彪合作拍電影《波牛》,影片搵咗名將何新華同球王胡國雄任技術指導同顧問,片中KK同元彪盡顯悅目花巧腳法,套戲喺日本同台灣大受歡迎,令KK多咗唔少日本fans。

張國強
圖片來源:電影海報

露半股被毆

因元彪扠禍狄威打假波而同對方反目,元彪同張國強改投另一球隊同狄威決戰,但狄威球隊茅招盡出,KK除被掹褲露半股外,更遭拳打腳踢。

張國強
圖片來源:電影截圖

97年代表作《天龍八部》

張國強97年喺《天龍八部》演偽君子慕容復,劇中心狠手辣,為復興大燕不擇手段,可出賣一切,演得淋漓盡致、絲絲入扣,係KK嘅電視劇代表作。

張國強
圖片來源:劇集截圖

06年出《足球教室》DVD

職業足球員出身嘅張國強,06年推出《足球教室》DVD,共分六個學習章節,KK親身示範各類型足球技巧並教授箇中竅門,而KK更同長子張寶軒父子檔上陣。

張國強
圖片來源:《足球教室》DVD

張國強與兒子張寶軒(Timothy)。

張國強
圖片來源:東方新地
張國強
圖片來源:東方新地
張國強
圖片來源:東方新地

講到星二代,育有三名子的KK對家事都好低調,他的細女張寶康(Holly)、大仔張寶軒都甚少出席公開場合,惟早年罕有地和子女接受本刊專訪。

張國強
圖片來源:張國強微博
張國強
圖片來源:東方新地

KK的二女張寶洋(Katy)有甜美的樣子,近年和朋友夾份在灣仔開餐廳,據KK所講,囡囡無意入娛樂圈。

張國強
圖片來源:東方新地

KK接受本刊專訪,提供早年一家五口全家福,睇真啲,張太也長得很甜美,難怪女兒也遺傳了她的優良DNA!

張國強近年出位演出角色多元化

張國強入行45年 結婚多年零緋聞 育有三子女廿四考爸爸
圖片來源:劇集截圖

早前重播劇集入面,張國強飾演美食家「唐公子」,其帶有白髮的造型,被認為是在模仿現實人物李純恩。

張國強在劇中飾演食家唐奧(暱稱唐公子),
張國強在劇中飾演食家唐奧(暱稱唐公子)圖片來源:劇集截圖

《天命》張國強化老妝飾乾隆

KK在前年熱播中嘅無綫劇《天命》中飾演太上皇乾隆,寵信於才智過人的和珅(陳展鵬飾)。

張國強
網民都大讚KK將晚年乾隆對和珅既愛且恨嘅情感表現得淋漓盡致,勁好戲!圖片來源:劇集截圖
張國強
但乾隆喺第4集就駕崩,令網民都太嘆唔夠喉!圖片來源:劇集截圖

身材勁Fit 力抗色誘

回帶睇翻2013年《情越海岸線》嘅張國強,面對朱璇色誘身材弗到漏,點估到佢今年已經64歲!

張國強
圖片來源:劇集截圖
張國強
圖片來源:劇集截圖

Tag
TVB

你可能也喜歡