陳欣妍變樣解釋因家族病跌磅變靚 舊相揭五官宇宙大進化！

陳欣妍變樣解釋因家族病跌磅變靚

陳欣妍因為著bra top主持ViuTV行山節目《美女郊遊遊》，成功谷胸上位，成為新一代啤妹（拍生力啤廣告）﹗ 近日ViuTV播出《反起跑線聯盟》，陳欣妍與林家熙飾演劇中最年輕的夫妻，陳欣妍坦言第一次與小朋友對戲感到緊張，她表示：「邊諗到呢個年紀要演媽媽嘅角色？好在劇中都話明係年輕媽咪，擺明就係抵受唔住愛情嘅誘惑而生囡！導演都話叫我做番自己，即係唔識湊女就最啱﹗」

舊相揭五官宇宙大進化陳欣妍解釋因家族病

陳欣妍有個穩定男朋友沈震軒，事業愛情兩得意，不過人怕出名豬怕肥，被翻舊照被指面目全非，陳欣妍曾在訪問時表示自己經歷過重磅的日子，當時體重曾高達62kg，因為她天生非常為食，入行前亦唔貪靚，覺得自己開心就夠，後來發現甲狀腺有問題，是家族遺傳，其母亦有甲狀腺病，陳欣妍突然暴瘦20kg，面頰都瘦到凹曬，她自覺好恐怖！

陳欣妍遺傳甲狀腺病

身材出眾的陳欣妍（Shirley），接受訪問時表示自己經歷過重磅的日子，當時體重曾高達62kg，因為她天生非常為食，入行前亦唔貪靚，覺得自己開心就夠，後來發現甲狀腺有問題，是家族遺傳，其母亦有甲狀腺病，心跳變得不規律，經常出現心悸徵狀，加上情緒受到影響，令她明白健康比一切重要，不過她為人樂觀，明白這個是遺傳病，見過母親最差的情況，知道食藥就可以控制病情，所以她不太擔心，至今仍定時定候食藥，同時亦會每日keep住做運動保持健康。

陳欣妍男友斥資數十萬採購全套重型健身器

欣妍平時都孖住同居男友沈震軒日操夜操，仲愈操愈pro！拍拖三年、家陣二人喺加州花園同居試婚。獨立屋地方多，呢對健身男女直情喺家中後園自設私家健身室，各類重型健身器材應有盡有。唔止靠機械，仲加埋科技做輔助，陳欣妍近日就頻頻出片教用App激勵鬥志同完成目標，仲話如果想做運動，識玩可以做雙人運動又可以download運動app喎……話咁易咩！叫人邊度去搵個fit爆肌肉男友同私家健身室喎？

陳欣妍愈操愈pro公開操身大法

陳欣妍同大家分享運動模式，身形咁fit，大家學嘢啦，陳欣妍話自己無一個特定嘅運動schedule，放假會做一個長programme，大概2小時，開工的日子，會趁出發前，在家做半個小時或15分鐘的programme 提提神消消腫。陳欣妍有時會用運動器材，但好多時會用NTC app，她解釋因為肌肉會有記憶，長期做相同的動作，效果沒有一開始那麼明顯，該app裡面有很多針對不同部位和功能的programme 任君選擇，能夠幫助有效達成長期鍛鍊。

原名陳曼姿暴瘦後豬膽鼻亦消失

陳欣妍九年前以真名陳曼姿，參加了一個商場代言人比賽，19歲的她與現在相比完全是經歷過宇宙大進化，五官、身形甚至膚色都不一樣，最離奇是當年的闊大豬膽鼻，現在已變得鼻翼收窄鼻樑高挺。陳欣妍的社交網一張早年舊相都沒有，不過百密一疏，當年參加比賽的舊照依然在該商場的fb網頁內，無花無假，可幸是當年仍未遇上沈震軒，讓她做足準備入行，進化成魔鬼天使混合體，最緊要男友覺得嗒得杯落，觀眾又覺得受落。

陳欣妍剝衫行山彈起

陳欣妍與沈殷怡去年一齊為ViuTV主持行山節目《美女郊遊遊》，兩女英文名同叫Shirley，故以「 Double S」組合打響名堂，行山剝淨bra top，性感程度爆曬燈，節目火速受到觀眾關注。