李嘉終成家 靚女老婆正面曝光!「功夫狂人」鐵漢柔情 前女友曾患大病不離不棄

娛樂資訊

廣告

《鐵拳英雄》飾演彭拜的李嘉在戲中是萬惡人,現實中卻是鐵漢柔情,早前正式在內地領證結婚,升呢人夫的李嘉留言:「2021年最有意義的事情﹗」而39歲李嘉曾戀俄羅斯女子,拍拖時女方發現腦部有腫瘤,李嘉不離不棄,可惜因長期分隔兩地最後分手收場﹗

《鐵拳英雄》李嘉造型抄《城市獵人》孟波?

《鐵拳英雄》第二集登場的李嘉,在劇中飾演四大殺手彭拜,白色西裝外套內襯紅色衫西褲,加埋個假髮,竟與經典動漫《城市獵人》(City Hunter)主角孟波激似﹗李嘉本人都忍唔住要開心些牙並留言「我只能說這是個巧合﹗」

(圖片來源:微博@拳匠李嘉)
(圖片來源:微博@拳匠李嘉)
(圖片來源:微博@拳匠李嘉)

功夫狂人李嘉除夕升呢人夫

李嘉和太太戴住口罩拿住結婚證合照,素顏太太有一雙大眼睛,二人穿上牛仔便服往領證,在李嘉社交網時有分享拍拖甜蜜時刻,李嘉未有透露太太背景﹗宣布喜訊後獲不少網民送上祝福﹗

 李嘉 功夫狂人 內地娶妻
李嘉忽然升呢人夫﹗(圖片來源:微博@拳匠李嘉)

現年39歲李嘉,六歲開始習武,99年加入無綫動作特技演員訓練班,畢業後擔任龍虎武師,拍過不少劇集包括《城寨英雄》、《大帥哥》、《飛虎》、《包青天再起風雲》、《失億廿四小時》等,被封為「功夫狂人」之稱。

 李嘉 功夫狂人 內地娶妻
李嘉未有透露太太背景﹗(圖片來源:微博@拳匠李嘉)
 李嘉 功夫狂人 內地娶妻
李嘉不時在社交網晒恩愛﹗(圖片來源:微博@拳匠李嘉)
 李嘉 功夫狂人 內地娶妻
李嘉清空了之前的微博帳「武者李嘉」,重新開設帳號為「拳匠李嘉」。(圖片來源:微博@拳匠李嘉)

李嘉多戀事 前度是俄妹

李嘉前度是俄妹,於18年在內地火車上邂逅,一拍即合發展異地戀,女方其後發現腦部有腫瘤要做手術,有指李嘉不但孭起醫藥費,又承諾女方手術成功後娶人過門﹗不過翌年李嘉被影到在東京與另一女子旅行,被傳媒查詢後原來與俄妹女友已分手﹗

TVB人工低兼職做保鑣!李嘉為崔始源護駕10分鐘袋$x,xxx

李嘉自細開始習武,佢喺台慶劇《大帥哥》飾演張衛健好兄弟「冬來」一角成功入屋,之不過眾所周知大台人工低藝人收入有限,為咗生活好多時都要兼職或自己開舖增加收入。李嘉都唔例外,佢除咗開店、拳館,原來仲兼職做埋保鑣,年前被發現喺機場為韓星崔始源護駕開路,不過李嘉直言做保鑣時非必要唔會用武力!

 李嘉 功夫狂人 內地娶妻
16年台慶的壓軸環節「台慶送大禮」中,李嘉奪得100萬獎金獎品。(圖片來源:微博@拳匠李嘉)

李嘉為崔始源做「明星保鑣」

唔講唔知,原來李嘉一直有做藝人以外的工作,包括保鑣及曾做過輔警,而佢亦曾經為荷里活巨星做保鑣。雖然功夫了得,但李嘉就表示:「盡可能不使用武力去解決問題,懂得臨場應對較為重要。」而早前崔始源來港,大會安排保鑣開路,李嘉被發現係保鑣之一!佢事後接受訪問表示早在十多年前做輔警時已跟這間保鑣公司合作,後來成為藝人也有客串做保鑣,只是大家不察覺而已。

 李嘉
早年有不少韓星來港出席活動,品牌都會安排保鑣護駕,李嘉曾為崔始源護駕的保鑣,同場有多名外藉保鏢。(圖片來源:新傳媒照片庫)
 功夫狂人李嘉內地娶妻 曾戀俄妹陪度患難
(圖片來源:新傳媒照片庫)

崔始源在機場現身前後不過15分鐘,到底做保鑣薪酬有幾多?李嘉拒絕透露,但直言隨時好搵過做藝員。據知,做明星保鑣的酬勞以時薪計算,但時薪最少也有一千元,而每次出動的最底要求為4小時,即係話李嘉當日為崔始源做保鑣約賺4千元,又真係好吸引。

 功夫狂人李嘉內地娶妻 曾戀俄妹陪度患難
(圖片來源:新傳媒照片庫)
 李嘉
李嘉又表示做保鑣時他的身分就是保鑣,而當日護送始源後有粉絲追住同佢合照,而李嘉也有叫fans待他完成工作後才合照。(圖片來源:新傳媒照片庫)

抵港臨上車前,崔始源同fans自拍,保鑣李嘉也被攝入鏡!

 功夫狂人李嘉內地娶妻 曾戀俄妹陪度患難
(圖片來源:新傳媒照片庫)
 功夫狂人李嘉內地娶妻 曾戀俄妹陪度患難
(圖片來源:新傳媒照片庫)

做足19年配角近年捱出頭

六歲開始習武的李嘉唔講唔知原來加入了無綫十九年,不過多年嚟都只係做唔起眼嘅閒角,如賓客、侍應、大隻男等角色。

(圖片來源:微博@武者李嘉)

直至2010年,李嘉喺《巾幗梟雄之義海豪情》飾演日本人黑木少佐,李嘉終於有屬於自己嘅角色名!由於李嘉飾演一個日本軍人,有日文對白,當時更獲網民讚佢發音標準,可惜該角色早死,未能令佢有所發揮!

(圖片來源:新傳媒照片庫)

而直至近年嘅《城寨英雄》,李嘉飾演一位城寨惡霸馮夏滿,成功令大家對佢嘅印象再次加深!皆因劇中佢侵犯林穎彤飾演嘅鑫鑫,將猥瑣賤格演得入木三分,網民除大讚演技了得之外,拳拳到肉嘅真功夫更係打得出色!

(圖片來源:新傳媒照片庫)

李嘉憑表情交到戲

在《大帥哥》除咗主角張衛健好搶鏡外,飾演冬來嘅李嘉雖然極少對白,但就有好多觀眾激讚佢單靠表情已交到戲!

 李嘉
(圖片來源:微博@武者李嘉)

身型粗獷嘅李嘉喺劇中不但扮演一個唔多出聲嘅營長,加上可能要扮一個為人內斂嘅人,所以佢喺劇集對白唔多,但勝在怕醜表情交足戲,表現出單純天真嘅性格,其演出再次令人眼前一亮!

 功夫狂人李嘉內地娶妻 曾戀俄妹陪度患難
(圖片來源:微博@武者李嘉)

感激張衞健一路扶持及鼓勵

李嘉曾在訪談節目中透露,是張衞健的忠實粉絲:「我見到佢(張衛健)第一刻係嗰種粉絲見到偶像嘅興奮,又唔敢過去,又好想過去攬住佢嘅感覺,最後我都錫咗佢個頭一啖!」完全係個小粉絲嘅行為,非常可愛!

 李嘉變做小粉絲,靦腆一笑!
李嘉變做小粉絲,靦腆一笑!(圖片來源:TVB《今日VIP》截圖)

雖然係個小粉絲,但提到張衛健,李嘉就以前輩及大哥尊稱,非常有禮。同時,佢表示自己好欣賞對方會用心思鑽研劇本及帶動對手,亦認為對方好專業及好照顧台前幕後工作人員嘅情緒,皆因張衛健會嘗試營造一個開心嘅工作環境俾大家,例如喺廠設小食部免費供應小食及生果!李嘉喺訪問中,亦不忙感謝張衛健喺拍劇嘅時間及於佛山時,大家互相扶持同鼓勵,令大家好似一家人!同時,李嘉更直呼有幸同張衛健合作拍劇:「我好幸福啊!」。

 功夫狂人李嘉內地娶妻 曾戀俄妹陪度患難
(圖片來源:微博@武者李嘉)
 功夫狂人李嘉內地娶妻 曾戀俄妹陪度患難
(圖片來源:微博@武者李嘉)

俄羅斯女友患腦瘤 「功夫狂人」李嘉接拍多部微電影為幫補醫藥費

「功夫狂人」李嘉18年返內地工作時,喺火車上邂逅俄羅斯前女友Yana Kobza,二人好快就發展異地戀,李嘉間唔中都會飛去當地搵前女友。拍拖半年嘅李嘉最近飛到去前女朋友家鄉見家長,一齊玩煮飯仔又玩射擊,睇落非常開心。

 功夫狂人李嘉內地娶妻 曾戀俄妹陪度患難
(圖片來源:微博@武者李嘉)
 功夫狂人李嘉內地娶妻 曾戀俄妹陪度患難
(圖片來源:微博@武者李嘉)

李嘉仲同前女友家人自拍,相信喺TVB劇都未見過佢溫柔一面,呢張真係顯得好融洽啊!

 功夫狂人李嘉內地娶妻 曾戀俄妹陪度患難
(圖片來源:微博@武者李嘉)

甜蜜背後,原來都有苦澀故事。女友不幸發現腦部有腫瘤,並要做手術。李嘉表示前女友接受緊治療,依家唔知腫瘤係良性定惡性。好可惜係劇集《大帥哥》就快出街,宣傳期同做手術嘅日子撞晒,李嘉話一有時間就會飛過去。

 功夫狂人李嘉內地娶妻 曾戀俄妹陪度患難
(圖片來源:微博@武者李嘉)
 功夫狂人李嘉內地娶妻 曾戀俄妹陪度患難
(圖片來源:微博@武者李嘉)

除左拍劇同教功夫,原來李嘉都有經營飲食生意。不過為咗可以有多啲時間陪前女友,李嘉已經辭去餐廳股東職務,再接拍幾部微電影希望可以幫補下醫藥費。

Tag
TVB
撰文:東方新地圖片來源:微博@拳匠李嘉、新傳媒照片庫

你可能也喜歡