KKBOX香港風雲榜

KKBOX香港風雲榜2022|陳蕾演繹〈到底發生過什麼事〉 IAN+AK合唱精彩回顧

娛樂資訊

廣告

《KKBOX香港風雲榜》第四屆頒獎典禮已於早前落幕。今屆KKBOX風雲榜以「TUNE IN HERE」為主題,集結不同音樂訊號及頻率,並以音樂為2022年作完美總結。每年的風雲歌手都是由樂迷點播次數而誕生。今年的十大風雲歌手中,張敬軒因工作、姜濤受傷以及 Dear Jane臨時抱恙未能出席,其餘八組風雲歌手均全數出席,包括MIRROR、林家謙、MC張天賦等;另亦邀請到古巨基、陳蕾、The Hertz、Novel Fergus等特別嘉賓表演!

Serrini以風雲大使身份擔任主持!化身樹仔散播energy

大會主持 Serrini 以風雲大使身份,換上靚衫連同舞蹈員喺延伸舞台上,將〈樹仔〉energy 散播到現場嘅每一個角落,Serrini 又帶觀眾一齊〈~旋轉with me*〉,集可愛活力於一身。最後以〈樹木真美〉華麗又強勢咁震撼全場。

MIRROR獻唱〈 We All Are〉 掀起高潮

首次踏上風雲榜舞台嘅MIRROR 為大家送上〈 Innerspace 〉同〈 Boss 〉,炸爆舞台,相信大家都好期待呢個久違嘅舞台。仲送上超感動嘅〈 We All Are〉,同大家一齊用心感受呢份兄弟情

Jer柳應廷閃耀全場全場大合唱〈狂人日記〉

除咗係「狂人」 ,Jer 柳應廷更加係我哋嘅「年度風雲歌手」。 今次佢為我哋帶嚟〈狂人日記〉,一齊陷入狂,仲有全場大合唱〈人類群星閃耀時〉,呢位發光發亮嘅星照亮全場歡眾,帶嚟滿滿感動。

陳蕾全新演繹Dear Jane〈到底發生過什麼事〉

陳蕾驚喜登場!仲為大家全新演繹〈到底發生過什麼事〉,希望咁多位樂迷都會鐘意呢一個版本,當然都要再為大家帶嚟佢個個人作品〈下流社會〉同〈熒光〉,一齊喺現今社會捉緊心裏嘅光,好遺憾 Dear Jane 因病未能出席今屆風雲榜,祝福 Dear Jane 早日康復。

「年度風雲歌手」 Anson Lo盧瀚霆打頭陣勁歌熱舞

第四屆KKBOX香港風雲榜打頭陣有「年度風雲歌手」 Anson Lo盧瀚霆以兩首快歌〈 King Kong 〉同〈 Mr. Stranger 〉為風雲榜揭起序幕, 全場觀眾一齊跟住「教主」 Get Ready 🕺🏻聽到大家嘅尖叫聲!大家又感唔感受到「教主」嘅熱情

「年度風雲歌手」兼主持林家謙做個傻更更的你!

家謙今年身兼「年度風雲歌手」同擔任「主持」呢個重任,再次喺風雲榜亮相👀聽咗全晚佢同 Serrini 嘅搞笑對話,音樂才子形象去咗邊?自彈自唱嘅家謙搖身一變,氣質滿滿🪄唔知大家聽完又做唔做到一個傻更更的你呢。

IAN與AK兄弟携手送上〈黑之呼吸〉

Ian 仲同好兄弟 AK 帶嚟〈黑之呼吸〉,唔知咁多觀眾有冇感受到佢哋嘅熱情呢,現場嘅歡呼聲同尖叫聲已經比咗答案你!

Edan 呂爵安係首位同時獲得「年度風雲歌手」同「年度新人」嘅歌手,呢位 E 先生為大家自彈自唱奪得年中榜冠軍同埋本地年度累積榜冠軍嘅〈 E先生 連環不幸事件〉,仲聯同四位小提琴及大提琴樂手同 Edan 一同演繹〈 小諧星〉,訴說出道至今自身嘅故事。

要數到風雲榜焦點之一,一定係古巨基嘅驚喜登場,兩人為大家帶嚟〈飄流教室〉嘅首次 LIVE 合唱,見到古 sir 久違嘅演出,相信各位樂迷都超興𡚒!

The Hertz 早前寫咗〈MM7〉呢首作品畀 Jer柳應廷,唔少樂迷都好期待佢哋幾時會合作演出。終於!喺風雲榜嘅舞台可以見到佢哋唱出串燒歌 〈 Now Here, Man!〉、〈阿喪〉、〈千世書〉,當然唔少得〈MM7〉,希望咁多位樂迷都享受呢個咁MM7嘅演出🪩

MC 張天賦出道首年已經奪得「年度風雲歌手」,踏上風雲榜嘅舞台為大家帶嚟一連串精彩演出,除咗帶嚟喺上年穩佔本地新歌週榜冠軍嘅〈反對無效〉之外,仲率先帶嚟新歌〈Overkill〉。展現全新形象,掀起全場氣氛。

MC 更加聯同本地獨立音樂 RapperNovel Fergus 唱出〈至尊寶〉,以及由 Novel Fergus 為大家帶嚟〈皮外傷〉,一齊感受唔同嘅香港音樂🎶

Ian 陳卓賢首度獻唱新歌〈地球上的最後一朵花〉

「年度風雲歌手」Ian 陳卓賢甜蜜獻唱〈 DWBF 〉,冧爆全場觀眾,Ian 早前推出新歌 〈地球上的最後一朵花〉,由自己一手包辦曲詞編曲監同主唱。今次於風雲榜首次演唱,希望各位都感受到呢首歌嘅訊息。

「年度編輯推薦歌手」 per se 為大家帶嚟兩首歌曲〈孤獨之塔〉以及〈在生〉,以最招牌嘅詩式搖滾感動全場樂迷,即使面對末日,我哋都繼續有 per se 嘅音樂陪伴。

關於KKBOX香港風雲榜

「KKBOX香港風雲榜」是本港首個百分百以樂迷點播次數產生得獎名單的頒獎典禮,真實反映一眾 KKBOX 樂迷的音樂喜好。 本屆成績單記錄了那些頻率對上樂迷的靈魂,引發共鳴,在歷經傳承後再次展現屬於香港音樂的嶄新景象。

常見問題

KKBOX香港風雲榜有哪些驚喜?

要數到風雲榜焦點之一,一定係古巨基嘅驚喜登場,他與…詳情請看

未來的月份有哪歌星將開演唱會?

12月將有C AllStarRubberBand和方皓玟陳蕾 x 岑寧兒演唱會黎明張敬軒許廷鏗ERROR;2023年將有MC張天賦鄭欣宜。韓國組合方面,BLACKPINKMAMAMOOAOMG旗下5大歌手將來香港開演唱會。而愛爾蘭男團Westlife亦會在香港開演唱會。

圖片來源:kkbox

你可能也喜歡