Coffee林芊妤著瑜伽褲拜山被轟 不滿反擊發「30日挑戰」：我鍾意有咩問題

Coffee林芊妤著瑜珈褲拜山被網民批評：驚死人唔認得佢

Coffee林芊妤自離巢後便轉戰瑜珈界發展越做越紅，除了展開KOL事業外近年更專注打理自家瑜珈服飾品牌，Coffee周不時會穿上自家品牌的瑜珈服當作宣傳。不過日前重陽節，Coffee照平日穿著打扮以一身瑜珈服上山拜祭先人，但是隨即被一眾網友批評「拜山都著瑜珈衫（褲）」、「佢個個性就係咁，喜歡人睇，驚死人唔認得佢呀嘛」；亦有網民揶揄「仙人都會睇得好開心」、「死人要睇，生人都要睇」，暗串Coffee穿瑜珈褲太過招搖。

Coffee林芊妤隨即反擊：有乜嘢問題？

當事人Coffee見到批評後都忍不住反擊，更指：「睇到呢個comment真係眼都突」，同時間再解釋指自己當日由柴灣行到山頂凌霄閣，而且拜山後會到郊外風箏場野餐同放風箏，全日都係運動日所以不覺得著運動衫有什麼問題，加上當日看見有不少女生也穿瑜伽褲，自覺行到身水身汗穿運動服也很合理。Coffee更指：「我唔著瑜伽褲，唔通我著條裙去會合理啲？如果呢個世界可以少啲批評多啲接受會更加美好 #正所謂而家我又唔係逼你著」力證覺得自己沒有做錯。

Coffee林芊妤不明為何穿瑜珈褲＝被貼壞標籤

為了方便近年有不少女生都會穿著瑜珈褲外出，不過對於穿著瑜珈褲外出的輿論一直沒有減退，反而更被貼上壞標籤。身為穿著瑜珈褲愛好者的Coffee不明為何穿自己喜歡的衣著外出要遭他人評論，更指：「如果你覺得我地著得唔靚又貼身又肥又露，難道我地又一定覺得你嘅衣著好好睇？」認為自己穿什麼衣服是自己的事，不懂為何他人要作評論。

Coffee林芊妤發起30日leggings challenge向網民挑機

向來敢言的Coffee 林芊妤被網民批評後除了發文反擊外，更發起了30日leggings challenge，表示自己將會一連30日在Story貼出自己在日常生活中穿著瑜伽褲的實況，第一日就貼出自己著瑜伽褲接囝囝放學的影片，並表示只要是諗得出的場合都會穿瑜伽褲，希望身體力行告訴大家鍾意著咩衫係由自己話事，更指自己要為鍾意著瑜伽褲出街的女仔出一口氣，事後有不少粉絲和網友都十分支持Coffee所言，更留言貼上自己的瑜伽服穿搭以作支持。