23歲「A0女神」游嘉欣忽然富貴 疑似有米男終出pool

名牌裝身擺脫慳妹形象

游游一向以慳家形象示人，平常為了節省開支幾乎不會外出消費，而且工作時亦會自備午餐，實行「慳得一蚊得一蚊」。而游游最近時常被發現身上出現不同的名牌，生活突然變得富貴，亦令秘戀圈外有錢男的傳言更可信。

游嘉欣曾分享慳錢大法令人驚訝

游嘉欣慳錢大法1：拒社交、乘搭公共交通工具

游嘉欣曾於節目《代溝關注組》指自己有勤力上班，但同時間亦要從源頭開始慳錢。她認為只要外出的話，便需要花錢，所以第一件事是留在家中，足不出戶，拒絕任何社交活動：「要返工搵錢嗰啲唔計，平時完全拒絕社交，唔出門口，由主持《#後生仔傾吓偈》開始習慣帶飯返工」她補充就算趕時間都不會搭的士：「出入都係坐公共交通工具！」

游嘉欣慳錢大法2：不拍拖

游嘉欣話自己從沒拍過拖，隨即引來肥媽質疑：「你無可能未拍過拖啦，你咁開放！」肥媽質疑：「未拍過拖唔代表佢係處喎！」隨即引起全場起哄，肥媽再接：「我哋講嘅老處女係真係處喎，你係假。」嚇到游嘉欣呼冤尷尬大叫：「我係真㗎！」相當搞笑。

游嘉欣指至今零拍拖經驗，能省下不少拍拖使費，但當張秀文、肥媽都不認同，笑指有男朋友能慳到更多金錢，因為全部都是由他付錢。游嘉欣反駁難免要花錢買禮物給男朋友，但張秀文叫她向江嘉敏取經，因為江嘉敏是採用「別人出大份，她出小份」的送禮物方法。江嘉敏自爆自己一個月只會用150元，平時只帶10多元出街，眾人嘩然，蔡嘉欣說：「你好意思講出口！佢有男朋友呀嘛！」

游嘉欣慳錢大法3：只帶少量現金

游嘉欣被主持要求公開銀包有幾多現金，一打開見到有330元，原來比她平時多成倍。她解釋為了控制自己每日的開支，銀包只會放百多元現金，可以有效控制自己的每日使費，降低購物慾。

游嘉欣慳錢大法4：屋企不裝冷氣、不買名牌袋

游嘉欣拍攝TVB劇集《香港愛情故事》時曾透露自己家住公屋，但屋企沒有裝冷氣及Wi-Fi：「屋企冷氣機位係空嘅，所以打風落大雨，雨水會入屋。」游嘉欣更加表示自己從來不會買名牌袋：「用紙袋都幾方便，總之慳得就慳﹗」游嘉欣話中學開始儲蓄習慣，現已有六位數儲蓄，但問到她努力儲蓄目標是買樓還是用作將來嫁妝？游嘉欣就答：「無原因，淨係想儲﹗或者當姑婆本﹗」

勉強冇幸福 佛系等「出pool」

游游早前接受訪問時曾表示以前很渴望「出pool」，但是現在思想比以前成熟，明白了「勉強冇幸福」的道理，因此目前打算先充實自己，然後再去想談戀愛的問題。游游更透露自己在考到了車牌後打算再去考船牌，將心思先寄情於學習，只是越佛系卻越快「出pool」！

游嘉欣大騷逆天長腿

游嘉欣剪了一頭清爽短髮後，顯得更加young！再配上白色開衩長裙，大騷逆天長腿，非常白滑！游嘉欣仲好回味旅行的開心點滴，興奮表示：「希望有日真係去個被大海包圍嘅地方度假」，有網民大讚游游「笑容真靚又好睇」、連圈中人也留言，當中包括靚媽陳茵媺表示：「so chill!!!!!!!!」、江嘉敏都表示：「我都想去呢到」。

公開「崩壞照」勁搞笑

靚人加靚景，游嘉欣影咗咁多靚相，仲喺IG限時動態公開一張「崩壞照」，女神一秒變囧樣，搞笑指：「有鏡頭就可克服恐懼」。

游嘉欣勝在夠後生！

現年23歲的游嘉欣可謂夠曬青春，早前拍《肥媽李鼎》亦深受師奶支持，之前主持開飲食節目都係見到鼎爺同譚玉瑛做拍檔，或者肥媽配陸浩明（六號）老是常出現！不過今次換上「00後」游嘉欣，即使唔識煮，都起碼睇得先啦！總算有啲新鮮感！