193 193

193妹郭嘉盈入行參選《全民造星4》被迫拍片助攻:「我阿媽點解要生多個阿妹?」

娛樂資訊

193妹妹郭嘉盈參選ViuTV選秀節目《全民造星IV》,將爭取以女團出道,日前各參賽者都開始為自己「拉票」。當中ERROR成員193郭嘉駿的胞妹郭嘉盈(3妹)都不例外,她更找來哥哥為她坐陣。影片中可見戴了黑色口罩的193不情願地為3妹拉票打氣,其後3妹更表示:「我阿哥都係唔可靠」,場面相當搞笑。

編輯:Summer|原文刊於:東方新地|圖片來源:Instagram@michellekky、deniskwok193、ViuTV影片截圖

193被迫為妹妹打氣 質問:「點解要生多個阿妹?」

ERROR成員193郭嘉駿的胞妹郭嘉盈(3妹)將出演11月1日播出的《全民造星IV》,望成功出道加入偶像女團成為其中一員。節目播出前各參賽者已開始為自己「拉票」,郭嘉盈(3妹)都邀請了哥哥郭嘉駿(193)來助攻,片中戴了黑色口罩的193說:「唉!好煩呀!我阿媽點解要生多個阿妹?不過係意外嚟,唔怪佢。呢段片,阿妹叫我介紹吓佢,但真係冇乜嘢介紹,我連佢《全民造星IV》幾多號都唔知,我知佢26歲,叫郭嘉盈,Michelle Kwok,佢個朵叫做3妹,冇其他嘢介紹啦!係咁啦!」

圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky

3妹反擊:「我阿哥都係唔可靠」

之後,3妹在片中反擊說:「唉!我阿哥都係唔可靠,我哋去片吧⋯⋯大家記得支持我,我係96號3妹呀!」片中有約半分鐘是以193歌曲《睡到三點》作背景音樂,3妹寫下:「我第一次剪片,剪得唔好,但希望大家enjoy。好多朋友仔問:點解我唔叫番Michelle?要叫自己3妹。原因好簡單,因為唔想喺節目入面撞名⋯⋯完!大家叫我Michelle又好,3妹又好,我始終都係我。」

圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky

網民:「好彩媽咪有生多個妹出黎」

影片上傳後,有不少網民都留言支持3妹。另外有網民對於193被迫為妹妹助攻的表情及言語上,留言表示:「好彩媽咪有生多個妹出黎,平衡返個仔嘅頑皮」,相當搞笑。

圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
圖片來源:Instagram@michellekky
193胞妹入圍《全民造星4》被迫為妹妹助攻 妹妹:我阿哥都係唔可靠
(圖片來源:Instagram@michellekky)

193爆已有大品牌搵阿妹拍廣告

ViuTV《全民造星4》今年以「組女團」為目標,193(郭嘉駿)細妹郭嘉盈(Michelle)早前都有現身參加節目面試,當時她曾表示阿哥193都好支持她參選,但今日193出席ViuTV活動後接受傳媒訪問,竟然大唱反調,睇死個妹入唔到圍!他笑言是因為阿妹太渣,而其他人太勁,所以就算花姐肯幫拖,他也覺得阿妹應該入唔到圍。

193(圖片來源:ViuTV)
193話有求花姐畀阿妹入圍,但都打定輸數。(圖片來源:Facebook@ViuTV直播截圖)

193指阿妹原本做銀行有高薪厚職,現在卻辭工參賽,他笑言:「我都叫佢唔好搞咁多嘢,可能佢唔知阿哥咁垃圾,做193阿妹冇用,做魯庭暉(ViuTV高層)個妹先有用㗎!」193仲幫阿妹諗定後路,話希望佢落選之後,有Model公司可以簽佢,他透露現在已有大品牌搵阿妹拍廣告。

(圖片來源:ViuTV)
193話做佢個妹冇用,要做魯庭暉(右五)個妹先可以入到圍。(圖片來源:Facebook@ViuTV直播截圖)

阿Dee女友文芊澄亦有參選《全民造星4》,他指今年有成幾千人參選,因此亦睇死女友入不到圍,希望花姐可以組個「湊人數練習生」團給家屬參加,作為「家屬謝禮」,而193就笑指如果兩個家屬都未能入到99強,阿Dee就會辭職,然後由他接晒阿Dee嘅廣告來做。

ERROR四子將會每日輪流為奧運節目做評述。(圖片來源:ViuTV)
ERROR四子將會每日輪流為奧運節目做評述。(圖片來源:ViuTV)

193細妹郭嘉盈參選全因愛唱歌

ERROR成員193妹妹、原本返銀行工的郭嘉盈(Michelle)早前曾現身參加《全民造星4》面試,全因她一直都很喜歡唱歌,直至看到哥哥做到自己想做的事,所以今次就來參加。被問到哥哥193聽到她參賽時,Michelle就表示起初會感驚訝,但後來就講話:「好,參加!Nothing to lose!」Michelle指阿哥193同家人都好支持她參選,不過她卻怕自己做得不好會影響哥哥。

193同細妹自細感情就好好。(圖片來源:Instagram@michellekky)
193同細妹自細感情就好好。(圖片來源:Instagram@michellekky)
原來Michelle為了參選《全民造星4》已辭去了原本在銀行的工作。(圖片來源:Instagram@michellekky)
原來Michelle為了參選《全民造星4》已辭去了原本在銀行的工作。(圖片來源:Instagram@michellekky)
Michelle平日熱愛行做運動,身形keep得勁fit。(圖片來源:Instagram@michellekky)
Michelle平日熱愛行做運動,身形keep得勁fit。(圖片來源:Instagram@michellekky)
圖片來源:Instagram@michellekky
Michelle現年26歲,同193相差5歲。(圖片來源:圖片來源:Instagram@michellekky)
圖片來源:Instagram@michellekky
Michelle指自己同阿哥一樣係比較直嘅人,講嘢唔會收收埋埋!(圖片來源:Instagram@michellekky)

《全民造星4》FAQ

Q: 《全民造星4》今屆賽制如何?

A: 《全民造星4》比賽由11月1日展開,第一輪前哨戰,由96人晉級至60強,參賽者採取「二人一組」淘汰制,先作1分30秒的表演,並透過抽籤決定出場次序;每位獲選晉級的女生,將分別隸屬導師梁祖堯或許廷鏗組別,30人一組。

Q: 《全民造星4》評判是誰?

首輪評判是鄭融、當奴及朱栢康,其中朱柏康曾參演《金都》,首次擔綱電影男主角即獲得「第39屆香港電影金像獎最佳男主角」。不過第一輪三位評判被網民狠批「唔夠專業,更揶揄當奴朱栢康「呃Show錢!」

Q: 《全民造星4》今屆賽制如何?

A: 《全民造星4》比賽由11月1日展開,第一輪前哨戰,由96人晉級至60強,參賽者採取「二人一組」淘汰制,先作1分30秒的表演,並透過抽籤決定出場次序;每位獲選晉級的女生,將分別隸屬導師梁祖堯或許廷鏗組別,30人一組。

Q: 《全民造星4》評判是誰?

首輪評判是鄭融、當奴及朱栢康,其中朱柏康曾參演《金都》,首次擔綱電影男主角即獲得「第39屆香港電影金像獎最佳男主角」。不過第一輪三位評判被網民狠批「唔夠專業,更揶揄當奴朱栢康「呃Show錢!」

你可能也喜歡

Recommended