拳王｜黎耀祥豪贈愛子300萬跑車！北上默默賺揸多部千萬名車買餸、家住上水3千多呎獨立屋
黎耀祥早前被傳北上發展坎坷，但事實絕非如此，實際上黎耀祥吸金力驚人，更曾豪送兒子黎正橋300萬跑車！TVB台慶劇《拳王》由視帝黎耀祥主演，而57歲黎耀祥之所以成為視帝，全因背後有一位默默付出的「賢內助」好妻子梁耀蓮（Julia）為他打點生活一切及照顧兒子，讓他可以專心工作放心拼事業，成為吸金能力極強的視帝。
57歲黎耀祥吸金力強坐擁多部千萬名車 豪花300萬送愛子跑車！
黎耀祥主演的台慶劇《拳王》正在熱播。日前劇集中有一幕黎耀祥駕駛著林寶堅尼與另一輛法拉利跑車鬥車，場面十分有型。現實中，黎耀祥同樣是位愛車之人，私下坐擁多部千萬名車，他除了會駕名車出入，更曾豪花300萬買了一架麥拿倫給兒子，相當豪氣！
黎耀祥唯一愛好買車 揸黑色寶馬跑車買生果
私下不喜歡應酬的黎耀祥慳了一大筆社交費，唯一最大興趣是買靚車，近年除了經常被影到駕駛百七萬的Land Rover出入，他還擁有寶馬及積架多架跑車，而兩架價值共8百多萬的麥拿倫超跑更任23歲兒子黎正橋揸，祥仔單是座駕已花費過千萬。早前本刊記者撞到祥仔與老婆外出，一日揸車去九龍城買生果，一日去拎新車牌，兩日都揸住唔同靚車。
近年密密做密密賺不少的祥仔，更由深井搬到上水天巒獨立屋，即使吸金力強，祥仔開支一樣不少，特別是對寶貝仔黎正橋錫到燶，阿爸辛苦賺錢仔享福。三年前被送去美國讀書的正橋，已經愛揸辣車又愛戴名錶追求時尚，曾在社交網大晒祥仔的千萬戰車被指過分炫富，正橋在美國留學每月使費要二十萬，難怪祥仔近年做到沒有停手，四出登台唱夜場做商演，不放過任何一個賺錢機會。
阿爸早已預備 兒子未出身已經有千萬靚車任揸
早前因疫情關係，正橋上月已由美國返港並完成14天家居隔離，祥仔表示兒子會留港透過網上教學完成餘下一年的大學課程，至於畢業後的計劃，祥仔說 ︰「唔擔心得咁多，見步行步，（係咪已經幫佢鋪好路？）佢都要有自己人生，建立自己事業㗎！冇得為佢準備，佢都要靠自己。」雖然祥仔口口聲聲話冇得靠父幹，叫阿仔自食其力，但未出身已經有千萬靚車任揸，早前祥仔的公司仲加埋正橋個名擔任董事，阿爸就好似上帝咁早已預備，正橋仲使乜憂呢？
黎耀祥曾棄前妻 邂逅現任賢內助相愛24年
黎耀祥除了出名愛錫兒子外，他亦十分愛現任妻子梁耀蓮。在黎耀祥與現任57歲賢內梁耀蓮結婚前，其實還有過一段短短一年的婚姻，在80年代初還未入行的黎耀祥於夜校進修時邂逅前妻，當時兩人因時、地、人和由青梅竹馬變成了相愛十年的情侶，黎母亦對這位女生感到非常喜歡，不時催促兩人趕快成家立室，後其兩人便於1992年結成夫婦，不過他指這頭婚事多半是為了老人家安心。
黎耀祥：「對於前妻我十分愧疚」亦傷害了母親
在黎耀祥三式入行演藝圈後，於拍攝劇集《俠女遊龍》期間遇上了現任妻子梁耀蓮（Julia），才知真正嘗到愛情的滋味，更在過往的《志雲飯局》坦言當時對Julia感到「非常有趣」，其後女方（Julia）曾主動出擊向他表白，但那些他因有家室沒有答應，直至到一次聊天對話當中，一句「人應該懂得掌握自己的幸福。」令黎耀祥猶如如夢驚醒，決定跟前妻離婚，更遭母親趕出家門。
黎耀祥提到「第一段婚姻是我人生中最錯的事，我一直希望自己做一個好人和孝順的人，但因為我不懂拒絕和選擇，最後我一個選擇錯的決定，不只傷害了前妻，更辜負了母親對自己的感情。」最於在1997年黎耀祥亦正式與現任結成夫妻，同年誕下兒子黎正橋。
多得梁耀蓮事業再創高峰
黎耀祥曾在訪問中提及到，現任妻子經常相伴工作，在不同的角色中提出不少善意的批評，讓他在演藝路上突破自我，有今日的功勞都是多得太太，更大晒恩愛說：「願往後每一天都可以互相守護到永遠，共度餘生。」
黎耀祥談夫妻相處之道：大原則要好相同
黎耀祥同老婆梁耀蓮(Julia)結婚近24年，一直都很恩愛，問黎耀祥夫妻相處之道是什麼？祥仔說 ︰「我同我老婆好夾，我喺圈內都係得幾個好朋友，佢都係冇乜朋友，亦唔會好social，佢同我一樣唔鍾意約人開party。性格啱唔啱係天生，我同老婆嘅生活習慣同要求都好一致，我哋可以喺屋企食個早餐用兩個鐘，飲吓咖啡好慢活，有啲人唔得，食完就要走，呢啲生活節奏配合好重要，如果一個趕一個唔趕，永遠唔會夾。」結婚廿四年，祥仔與Julia依然如膠似漆，老婆大人身兼埋經理人，日見夜見都的恩愛，祥仔表示老生常談，夫妻之道貴乎包容及遷就。
更提到：「我哋相處係OK嘅、舒服嘅。學習啦，我成日覺得做人都係不斷嘅學習，做老公、老婆、仔女都好，因為無經驗，大家都係嚟到呢一世先識嘅啫，上一世點做我又唔記得咗，所以教仔嘅方法、同老婆相處嘅方法，其實每日都學緊。最緊要大原則要好相同，譬如對錢銀、人生嘅步伐要同步或者近似。其實大家都知婚姻去到尾真係一個伴，個伴要啱，先至係一個伴，如果唔係盞搞，搵個人嚟喺身邊嗌交，咁不如自己一個好過啦！」
為人超顧家有時間便會回家吃飯
黎耀祥夫妻將親子關係做得好，跟兒子亦十分親密，黎耀祥直言：「OK㗎，其實我好著重，因為我成日覺得，好多人成日話為家庭做好多嘢，但到最尾忘記咗家庭，我分好多時間畀屋企，好彩我個人冇乜應酬，我唔係好鍾意應酬，又冇乜朋友，以前我收工就返屋企，有個break就返屋企食個飯，變咗我同個仔相處嘅時間好多，到佢大個，就會同我哋close好多。」
吸金力高住上水獨立屋
曾離巢北上搵銀的祥仔，近年回歸無綫繼續稱帝，雖然明顯減產，但所拍的每部劇是大製作而且角色一定有發揮，打開有條路的他，做完殺手再做拳手，在新劇《拳王》中飾演打泰拳的拳手，繼上次苦練腹肌反應熱烈，祥仔表示今次會再狂操，不會令粉絲失望，可惜因疫情關係拳館停業令訓練受阻，他惟有在家與老婆Julia一齊上網睇片做運動，至於飲食方面，祥仔話會減食，烚菜烚雞肉刻苦少少都要。（圖片來源：東方新地照片庫）
有愛妻陪住修身做運動，自然事半功倍。
原文刊於：東方新地
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
