黃宗澤 吳卓羲 黃宗澤 吳卓羲

黃宗澤事隔11年終走出8年情 被好兄弟踢爆熱戀中!新女友必先過「這關」

娛樂資訊

黃宗澤自與胡杏兒在2012年宣佈結束8年情之後,便一直沒有公開新戀情。早前兩人在內地舉行的《無限超越群星演唱會》上互相爆料,吳卓羲在台上大爆黃宗澤的感情狀況,令黃宗澤嚇到哭笑不得。黃宗澤最近亦有在電台節目上分享自己的愛情觀,更大爆多年來曾被媽媽趕走多個女朋友!

黃宗澤被好兄弟吳卓羲踢爆熱戀中

日前,吳卓羲和黃宗澤在《無限超越群星演唱會》的互動環節上被主持人要求互相爆料,當主持人問到對方現在有否談戀愛時,吳卓羲馬上搶答:「有!」台下觀眾瞬間起哄,搞到黃宗澤哭笑不得,又扮咪收唔到音,到最後雖然沒有對新戀情作出正面回應,但亦沒有出聲否認!

黃宗澤 吳卓羲 黃宗澤 早前吳卓羲和黃宗澤出席於內地舉行的《無限超越群星演唱會》。當主持人問到兩人對方現在有否談戀愛時,吳卓羲馬上搶答:「有!」
早前吳卓羲和黃宗澤出席於內地舉行的《無限超越群星演唱會》。當主持人問到兩人對方現在有否談戀愛時,吳卓羲馬上搶答:「有!」(圖片來源:《無限超越群星演唱會》截圖)
黃宗澤 吳卓羲 黃宗澤 聽到吳卓羲爆料之後,黃宗澤不但冇出聲否認,仲嚇到唔識畀反應。
聽到吳卓羲爆料之後,黃宗澤不但冇出聲否認,仲嚇到唔識畀反應。(圖片來源:《無限超越群星演唱會》截圖)

不敢認識新朋友有原因!曾被對方出賣

自從黃宗澤和胡杏兒在2012年宣佈結束8年情之後,黃宗澤一直沒有公開新戀情。日前,黃宗澤接受了梁泰來主持的電台節目《星光背後》專訪,剖白自己單身多年,雖然曾經有嘗試交新女友,但因為曾經被朋友出賣,而不敢再認識新朋友,「唔敢主動,因為唔知對方係咩人。我唔係好鐘意識新嘅朋友,我亦都試過瀨嘢,有啲朋友帶新朋友嚟,咁我只係同枱食飯講句嘢,傾咗幾句計,跟住佢將我啲說話擺咗上網,跟住就發生咗啲誤會,變咗一單花邊新聞,真係有冇搞錯,咁都出事,所以我就有啲怕囉,我就會好小心囉!」

黃宗澤 吳卓羲 黃宗澤 黃宗澤早前接受梁泰來《星光背後》的訪問
黃宗澤早前接受梁泰來《星光背後》的訪問(圖片來源:IG@terryleungsc)
黃宗澤 吳卓羲 黃宗澤 黃宗澤表示曾經被朋友出賣,而不敢再認識新朋友,導致認識新朋友時都會變得額外小心
黃宗澤表示曾經被朋友出賣,而不敢再認識新朋友,導致認識新朋友時都會變得額外小心(圖片來源:Youtube@商業電台 Hong Kong Toolbar)

黃宗澤爆阿媽曾趕走多名女友

當被問到單身多年的黃宗澤,會否被母親要求盡早成家立室,黃宗澤就回應道,「都無!佢冇催過我呢樣嘢。」然後他就突然笑指:「同埋要做我女朋友?過左我阿媽那關先講啦。都唔知趕走了幾多個啦……哎呀!我講咗啲乜!哎呀,咩事啊!哈哈!」

黃宗澤 吳卓羲 黃宗澤 黃宗澤表情多多,仲自爆媽媽曾經趕走多個女朋友!
黃宗澤表情多多,仲自爆媽媽曾經趕走多個女朋友!(圖片來源:Youtube@商業電台 Hong Kong Toolbar)

大爆TVB逼自己唱歌

此外,黃宗澤也在節目中表示自己並非自願想當歌手,一切都是TVB高層安排,「其實我都唔知點解我自己做咗歌手㗎,我講真㗎,嗰時樂小姐就同我講話出歌,嗰時唔知點解個個都出歌。(其實你鍾唔鍾意呢?)你話鍾唔鍾意唱,其實普普通通啦,嗰陣都唔輪到我話事嘅,嗰時仲係小朋友嚟咋嘛,你叫我做乜咪做乜囉,邊有得話事。」

黃宗澤 吳卓羲 黃宗澤 黃宗澤表示當年要兼顧拍劇和唱歌,根本無時間準備,曾經更試過要在MV當日即場學即場拍。
黃宗澤表示當年要兼顧拍劇和唱歌,根本無時間準備,曾經更試過要在MV當日即場學即場拍。(圖片來源:Youtube@東亞唱片 East Asia Music Official Channel)
黃宗澤 吳卓羲 黃宗澤 黃宗澤當年又唱又跳,非常落力。
黃宗澤當年又唱又跳,非常落力。(圖片來源:Youtube@東亞唱片 East Asia Music Official Channel)

重提同陳奕迅同台唱《K歌之王》尷尬時刻

黃宗澤在訪問中重提與陳奕迅合唱《K歌之王》一事,黃宗澤笑言自己當時壓力超大,並曾經在上台前叫陳奕迅幫幫忙,「無端端live對住Eason唱喎,壓力大到黐線頂硬上,又未練過首歌,記得嗰日離台mon好遠,我聽唔到自己唱咩,根本靠估。我仲同Eason講:『幫幫忙,真係唔熟,可唔可以帶一帶。』Eason就話:『得!放心啦!』你哋唔覺、見唔到,但我手心濕晒、壓力大到出晒汗!」

黃宗澤 吳卓羲 黃宗澤 黃宗澤重提當年與Eason合唱一事,表示自己當年非常緊張,壓力大到出曬汗。
黃宗澤重提當年與Eason合唱一事,表示自己當年非常緊張,壓力大到出曬汗。(圖片來源:TVB截圖)

黃宗澤坦言不介意被網民嘲諷多年,反而覺得好開心,「大佬,我唔係靠唱歌搵食,咁有啲瑕疵好應該啫。我又唔覺得被bully,大家講咗咁多年仲記得,幾開心啊!之後仲錄多一首《發夢之王》廣告主題曲,佢地問我介唔介意?我話點會介意,好玩喎我覺得,我覺得真係唔需要唔開心。」

黃宗澤 吳卓羲 黃宗澤 之後黃宗澤更被邀請收錄二次創作歌《發夢之王》
之後黃宗澤更被邀請收錄二次創作歌《發夢之王》(圖片來源:Youtube@AllRightsReserved)
黃宗澤 吳卓羲 黃宗澤 於MV中不停自抽!
於MV中不停自抽!(圖片來源:Youtube@AllRightsReserved)

一齊收看Bosco的電台訪問:

Bosco大方分享愛情觀!

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

撰文:東方新地圖片來源:《無限超越群星演唱會》截圖、Youtube@商業電台 Hong Kong Toolbar、Youtube@東亞唱片 East Asia Music Official Channel、TVB截圖、Youtube@AllRightsReserved資料或影片來源:原文刊於東方新地

你可能也喜歡

Recommended