麥明詩被方力申撩上一對一技術改進 心心眼2字回應！網民提議約陳瀅三人游

原文刊於：東方新地｜圖片來源：麥明詩IG圖片、方力申IG圖片、myTV super截圖、無綫影片截圖

麥明詩被方力申撩上一對一技術改進 心心眼2字回應！

29歲麥明詩淡出娛樂圈後重投律師界，早前她請假拍攝網劇《逐流時代》，為以最佳狀態演出她努力默默練。她曾透露keep fit方法，除了有清晰目標及恆心，一星期游水3次，隔日在家跟著app做運動， 再配合健康飲食，難怪麥明詩身材愈來愈好。

麥明詩練水後曬泳照

麥明詩在社交平台分享水著照，身穿黑色一件頭運動款泳衣，豪邁地張開雙腿，棟起一隻腳，另一隻腳屈起，坐姿帶點誘人，她以英文留言「I love swimming. The tranquillity, the solitude, the freedom. （Also swimming helps burn fat and good for joints）」細數游泳的好處。

方力申快速回應約麥明詩

麥明詩出貼不久後，曾屬港隊的游泳健將方力申很快便留言，問她：「要上技術改進課程嗎？」，麥明詩竟心心眼回覆：「好喔！」網民踴躍留言，表示「聽者有份」，希望可以上方力申的堂，又笑問能否學2003年無綫劇《戀愛自由式》內的招式「破冰轉身」，亦有網民提議方力申應該叫上之前力追的陳瀅一齊去游。

緋聞女友陳瀅曾指不介意主動追求方力申

方力申曾在節目《Tiger’s Talk》上直言分手後四年來一直單身，同場嘉賓陳瀅即踢爆方力申追求過她，曾約單獨食飯，令方力申相當尷尬，之後樂易玲更大爆方力申於情人節送花給陳瀅，而自己亦有收到方力申的花，但相信自己只是「煙幕」。陳瀅提及自己不介意主動追求，若自己遇上「好鍾意」的人會做主動，她笑指「知道小方條件很好，但只係好好，唔係鍾意」。

方力申約女次數：一隻手數到晒！

方力申呻爆無拖拍，阿Bob話方力申好少與異性單獨約會，所以錯失不少姻緣，方力申解釋：「因為喺我出道嗰個年代好多狗仔隊，慣咗收埋自己，所以我人生同單身而又有機會發展嘅女仔係好少，一隻手數得晒。」

陳瀅爆方力申屎橋媾女法

方力申指自己甚少約女單獨出街，陳瀅立即玩踢爆：「佢（指方力申）有約過我，有一日突然問我可唔可以同佢單獨食飯，但後來冇發生到嘅，事緣因為疫情我由溫哥華返嚟，佢怕我悶就叫我打電話畀個星座專家，個星座師傅話我2023、24年會同個點樣點樣嘅男仔結婚，個男仔係屬猴嘅，之後我打番畀小方，同佢講個師傅同我講咗啲乜，佢話個師傅又係咁同佢講，佢又咁啱係屬猴嘅，所以懷疑佢畀咗錢個師傅。」陳瀅踢爆方力申曾對她有意，更暗笑方力申的屎橋媾女法未能成事﹗

陳瀅評小方：除咗心地好我諗唔到啲咩！

陳瀅被伍姑娘大逼供是否專釣金龜？陳瀅直言過去拖友富貴與無錢都有，又豪言：「其實我自己搵到錢嘅﹗」方力申又笑指陳瀅一定飛人居多，陳瀅一臉認真話：「上一段感情我係被人飛嘅﹗」主持又問陳瀅喜歡甚麼類型的男生？陳瀅即指著方力申，大讚他心地好：「我成日都媾佢㗎，你哋唔信咩？我覺得佢真係好男仔，心地好，不過心地好之外諗唔到啲咩﹗」

陳瀅逼方力申當眾「求婚」

陳瀅爆曾被方力申追求，方力申已經相當尷尬，進擊的陳瀅情緒卻愈來愈高漲，表現勁high，話現在心態已經ready結婚，若遇到心儀對象會主動出擊，隨即將自己手上的戒指除下遞給方力申，阿Bob和伍姑娘起哄：「嚟啦，隻手伸咗出嚟，戒指呀，戴上去啦﹗」方力申呆坐不懂反應，陳瀅硬把戒指塞給方力申：「戒指畀埋你，唔使買呀﹗」方力申拍下陳瀅的手，並拿著戒指戴上尾指，不中陳瀅的圈套未有為她戴上戒指。

陳瀅主動與方力申「合巹交杯」

坐在方力申與陳瀅中間的唐詩詠聯同阿Bob、伍姑娘起身走人，笑言留給二人相處機會，方力申尷尬地飲紅酒遮醜，陳瀅便愈來愈興奮，不停拍打又捽方力申手臂，然後拎起紅酒，主動翹實方力申的手玩「合巹交杯」，方力申嚇到一動不動，最後又玩拋花球，陳瀅最為盡興﹗

方力申疑借糖妹做煙幕追求陳瀅

方力申與陳瀅三年前曾傳緋聞，被影到結伴到蘭桂坊，有指是糖妹做媒人，當時陳瀅疑似剛與賭王仔猷亨分手，而去年有傳陳瀅和賭王仔猷亨復合，更一連兩日現身賭王葬禮上，看來方力申又失敗了﹗

方力申爆用真相玩交友App只like靚女 感嘆「原來香港有咁多靚人」！曾兩度被封鎖原因是…