想認做港姐契女！邀冠軍謝嘉怡上節目 借機搵廣告 肥媽：「我好平㗎咋」
原文刊於：東方新地 丨 圖：IG、影片截圖
肥媽想認港姐冠軍做契女！邀謝嘉怡上節目「𢱑」廣告
肥媽指謝父Peter不像54歲
25歲的《香港小姐2020》冠軍謝嘉怡返完大埔認祖歸宗，之後便去提名她參選的肥媽主持的直播節目做嘉賓，更孖父親上節目，節目中親揭與肥媽的關係，原來肥媽兒子是謝父Peter的好友，肥媽重提當年時一度眼濕濕：「多謝Peter，嗰時我個仔係英國發生意外，多謝你日日煮嘢畀佢食照顧佢，嗰年係1994年，嗰時我個仔十幾歲，依家都四十幾﹗」道出兩家的淵源，肥媽又在節目中透露謝父Peter本身是廚師，笑稱呢集應該由謝父教煮餸，又問外貌年輕的謝父究竟今年貴庚？謝父Peter答：「我今年54歲，（點解咁後生，啲人話你係 Lisa個拖友？）生活簡單啲。」
肥媽賜謝嘉怡「排骨妹」封號
肥媽在節目為最愛食排骨的謝嘉怡煮糖醋排骨，之後坐低邊食邊傾，肥媽爆Lisa剛才在canteen指定食排骨飯，然後笑稱契仔6號（陸浩明）叫「鹹濕仔」，8號謝嘉怡叫「排骨妹」相當巧合，更明言跟Lisa有眼緣又投契，有意上契，跟契仔三人合作，被網民笑指母女合作，肥媽即打蛇隨棍上：「各大廣告商可以考慮我哋呀真係，係佢貴啲啫，我好cheap㗎咋，柴、米、油、鹽、醬、醋 茶、電器、凍肉、化妝品、護膚品、香水，乜都得㗎，呀，仲有《食平D》監製下一輯可以加埋Lisa一齊三個主持吖。」相當進取﹗
肥媽教睇無綫節目學演技及廣東話
25歲的謝嘉怡在蘇格蘭是手術室護士，奪得《香港小姐2020 》後明言想入行拍劇，當前急務時練好廣東話，而肥媽立即傳授秘笈：「我哋無綫有好多節目，你由朝開始睇睇到夜晚，乜類型節目都睇，劇集呀、綜藝節目呀，睇得多自然識做，演技同廣東話就係咁練番嚟﹗」Lisa受教認同：「喺蘇格蘭就算同屋企人都講英文，返嚟呢段時間多咗講，就有啲進步﹗」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
