梁敏巧孖好友揭香港小姐+ViuTV選美內幕爭位實況：佳麗離地、真人騷做假

May 31 2022

梁敏巧爲2019年落選香港小姐，早前孖好友黃丹虹（Vickie）一齊揭開選美背後實況，分別在自己的YouTube頻道大爆參選香港小姐及ViuTV《廣告女皇》真人騷內幕，驚揭不少陰暗面及「堅離地」趣聞。

梁敏巧與好友爆選香港小姐批爭+ViuTV真人騷做假內幕

梁敏巧於2019年參加《香港小姐競選》，可惜未能躋身三甲，最後由黃嘉雯奪冠，亞、季軍分別為王菲及古佩玲。梁敏巧日前在個人YouTube頻道爆料指，當年原來曾經歷有人爭曝光率、爭鏡頭：「有啲女仔會同其他佳麗講『我呢邊面靚啲』，有啲就借啲意就攝過嚟。」另一方面，她又笑言在參選期間有聽聞過一些堅離地的佳麗：「我聽過有啲女仔同我講，佢嗰屆啲佳麗係唔識搭巴士啦，唔知八達通係啲咩啦，唔剝皮唔知提子係咩。」不過她解釋「那些」女仔天生出身與普通家庭不盡相同：「所以你要點樣去同啲咁唔同嘅人溝通，同埋有時啲人咁唔同，佢講啲嘢可能真係溝通唔到，因為佢哋唔明，所以你會覺得佢哋離地、扮嘢。」

梁敏巧香港小姐2019 — 梁敏巧當年被標籤為「陪跑佳麗」。（圖片來源：新傳媒照片庫）

梁敏巧不過佢話一啲都唔介意，見識先係最重要。 — 不過佢話一啲都唔介意，見識先係最重要。（圖片來源：IG@maggiemanhau）

梁敏巧為「香港小姐」辯護否認有內幕

雖然梁敏巧承認「香港小姐」鏡頭背後，有人爭曝光率、爭鏡頭，亦有不少「堅離地」佳麗，但她強調一班佳麗並非想像中咁進取，很多時只是一些無心舉動而被無限放大：「其實我哋呢幾個月入面，我哋係有唔同嘅program，可能係綜藝考你急才，可能係影相睇你甫士同埋鏡頭感，一路都喺度睇緊你有冇潛質去成為一個幕前嘅人，一路都考緊你智慧，同埋你本身有嘅技能。」同時，她亦否認有內定：「唔可以淨係睇樣，因為有啲女仔真係好靚嘅，大家都會話佢係大熱，可能喺鏡頭背後，佢有啲表現可能係未必咁好嘅時候，佢咪有機會俾人foul，foul咗啲人又話唔公平啊，又話內定，其實唔係！」

梁敏巧兩女講到繪聲繪形！ — 兩女講到繪聲繪形！（圖片來源：YouTube@梁敏巧Maggie Leung）

梁敏巧成東張新女神自爆遭變態漢尾隨！

梁敏巧上年加入《東張西望》做主持，現年26歲。近日梁敏巧遇上一件令她驚心動魄的事情，即在社交網的限時動態留言分享：「凌晨1點幾2點放工夜晚行返屋企樓下，行樓梯個陣無啦啦feel到右小腿比（畀）嘢射一射然後濕咗，個心離一離睇吓我係咪踩水tum(氹)中雀屎，但又無喎！之後後面有個男仔跑走咗啦！當刻覺得好嘔心到忍唔住流咗眼淚，即刻搵紙巾抹。」

梁敏巧雖然上年7月才加入《東張西望》，但已成為東張西望新女神。（圖片來源：IG@maggiemanhau）

梁敏巧事後猶有餘悸

梁敏巧接受訪問時表示因為收工已經好累，所以回家口路上並沒有留意有沒有人尾隨，警覺性較弱，並因為當時好驚，所以唔敢追對方，好驚對方會再做出其他變態行為，而當時梁敏巧亦唔知射在她小腿上的是甚麼，怕是污糟嘢或者化學液體，情急之下用濕紙巾及火酒清潔，因為又驚又擔心，喊咗出來。

梁敏巧深夜放工歸家竟被陌生漢尾隨更被射濕小腿。（圖片來源：IG@maggiemanhau）

梁敏巧自爆兒時也曾遇過變態佬偷拍她。（圖片來源：IG@maggiemanhau）

梁敏巧表示會報警處理

梁敏巧事隔一晚驚魂稍定後，她說兒時也曾遇過變態佬偷拍她，非常後悔沒有報警將對方繩之於法，今次的事件亦有好多朋友鼓勵她報警。梁敏巧亦打算報警，絕不可以讓狂徒無法無天，不過做藝人工作時間不定，經常夜歸，梁敏巧表示會有陰影，以後會打醒十二分精神，如果放工太夜就會搵人送返屋企，不少好友都話買防狼器同防狼噴霧給她傍身。