隱形戰隊｜郭子豪喊戲自然演技爆燈 揭富二代背景！

郭子豪演技大躍進喊戲自然 網民：郭子豪今次型番次

昨晚（5 日）一集，自本周一出場後一直備受關注的個案角色馬詩婷 Pink 婷（林凱恩飾），最終因為勇救周大力（郭子豪飾）慘遭古天祥飾演的大 Dee 以刀刺死。昨晚除了 Pink 婷的死令網民大感不捨，詩婷與大力之間願意為對方犠牲的「純愛」亦備受關注，大力的暖男角色及子豪的演技更是贏盡好評：「兩個都做得幾好」、「大力 pink 婷好出色」、「太狠了，入戲入肉，有 CP 感，支持兩位，值得畀多些機會佢哋」、「子豪今次型番次」、「子豪做得唔差，喊戲幾自然」、「郭子豪死女友呢場戲做得幾好，大有進步，喊得自然唔誇張」、「睇得出係用心做戲」、「大力好型好 Man，兩位都演得好好」。

為擦「愛火」事前與林凱恩做足溝通

劇中帶點戀愛腦的大力，之前追求邢風（劉穎鏇飾）時雖略嫌令人煩厭兼嚴重表錯情，但他對邢風的關懷及傻氣大方的性格，已為他贏得不少民心；這次大力愛上 Pink 婷，不但盡力令女方覺得幸福，更對對方過去所有包括黑歷史等全盤欣然接受，並竭盡所能予以安慰及支持，確是「暖」到入心。昨晚二人在祖屋內共度的甜蜜時光，更是充滿粉紅氣場，難怪成功突圍。

郭子豪受訪時透露與林凱恩為了相關場口，由接到分場開始已不斷連同導演溝通及研究，更曾 Site Visit 幫助投入情緒，郭子豪認真做足功課：「我有留意吓身邊朋友，同埋大眾對人生離死別嘅反應，主要透過睇新聞、劇集同電影去攞 Reference。我真係好多謝 Iris，我哋一睇完分場已經係咁傾個角色應該要點做，對緊戲時就已經開始諗行位、停頓位同眼淚位。」

郭子豪拍「劈槍」戲受傷見血夠敬業　

有一場在祖屋的打鬥戲，郭子豪透露當日甫開工已受傷：「嗰度嘅劇情雖然可能十秒就講完，但嗰日我哋都拍咗成日，至少六、七十個 Shot，頭一、兩個 Shot 我已經整親。主要係有個動作係對方想射我，咁我劈落把槍度再搶咗把槍指向對方，點知把槍一劈落去就爛咗，我就畀入面啲零件𠝹損手，個傷口都有三、四厘米長，止咗好耐血都仲有少少滲血，同監製商量過我都係決定頂硬上，因為仲有成日戲要拍同埋有成班 Crew 等緊我。」

郭子豪難忘「搞喊」監製

郭子豪續指最開心是搞喊監製：「我好記得我拍喊嗰場戲，我聽到 Jazz 都有喊，感動到 Jazz 我覺得係成就解鎖之一。」談到暖男角色入屋，郭子豪再次多謝監製給予機會發揮：「遇到好角色好團隊真係好幸運嘅事，依家出街多咗人叫我周大力，同埋會話：『原來佢真人咁 Cool，我以為佢傻更更嘅添』。」

郭子豪拍咀戲前要女友批准

林凱恩與郭子豪的苦戀將會以悲劇收場，有傳郭子豪曾禁止女友鄧卓殷拍咀戲，不過今次他在劇中就艷福不淺，與林凱恩有激吻，所以郭子豪在拍咀戲前有知會女友，而他在傳媒訪問中笑言若女友拍劇時角色需要亦會批准對方，明顯放寬「禁咀令」。

去年郭子豪演奸夫：「我又諗起你老婆喇！」

去年在劇集《超能使者》中，郭子豪飾演與劉佩玥出軌的奸夫，「綠帽男」陳展鵬在一條後巷對郭子豪大打出手，但被壓在地上打的郭子豪未驚過，更炫耀地對陳展鵬說： 「我又諗起你老婆喇！你老婆就係咁樣擒住我你知唔知呀？」被網民大讚他奸到出汁，演得好精彩。

劉佩玥激讚郭子豪 投訴葉念琛累自己肥十磅

陳展鵬與劉佩玥接受傳媒訪問時，都大讚劇集《超能使者》郭子豪演得好，因為他並未有落荒而逃，反而是向陳展鵬宣示主權，演出了「不一樣的」感覺。此外兩人都激讚郭子豪身材好，胸肌仲勁過劉佩玥，她笑指那場戲她也要微露，所以曾努力keep fit，不過到拍《美麗戰場》時，因為導演日日萬歲，搞到她相比拍《超能使者》時，已肥了十磅。

郭子豪高富帥內外兼備 曾歷負面新聞女友鄧卓殷不離棄

郭子豪女友鄧卓殷於郭子豪出現負面新聞時不離棄，郭子豪亦坦言已認定鄧卓殷。而其實，郭子豪絕對是內外兼備的高、富、帥，出身富裕，爸爸經營製衣廠，自小與家人居住在康樂園獨立屋。除了家境不俗外，郭子豪中、小學畢業於名牌喇沙書院，大有指未放榜已有數間英國學校向他招手， 最後入讀全球十大名牌學府倫敦帝國學院（Imperial College London），所修讀的機械工程系更是全球排名第三。

郭子豪畢業後未有承繼爸爸的家族生意，因畢業回港時突然被星探發掘做Model而入行，更打敗二百多人成為A&F亞洲區廣告Model，而爸爸亦十分開通，沒有強逼兒子打理生意，反而大力支持郭子豪入行。

在初入行期間，郭子豪已搬離康樂園，並一人租住大埔半山龍城堡獨立屋及以80萬Audi代步，看來家人給予不少支持，不過郭子豪入行後刻意密冚富貴背景從不晒家人合照。

郭子豪棄做工程師追夢 開製作公司做埋幕後

本來可以做工程師的郭子豪，不想安於在office工作，加上當模特兒後因而令更多人認識，決定給自己三年時間追夢。熱愛演藝工作的郭子豪更到演藝學院修讀導演課程，又開製作公司，並且凡事親力親為， 打燈揸機剪片乜都做，曾為馮允謙拍微電影 。因為唔甘於只做花瓶，14年由模特兒加入無綫訓練班決心要做演員，他指若三年不達標便返回去做工程師﹗

郭子豪靠肌肉彈起 成力捧新人

在2014年入讀TVB第28期訓練班成為學員並簽約成為親生仔，在入行初期就因健碩身型而被導演相中，周不時在綜藝節見中大show 肌肉，成功上位。17年因在劇集《親親我好嗎》中飾演籃球王子暗戀老師陳敏之而開始受人注目。

郭子豪酒駕被捕 事業插水

郭子豪加入無綫機會不少，卻因一事令事業插水，2019年3月，郭子豪涉嫌酒後駕駛被警方拘捕，當時他接受傳媒訪問並否認為當事人：「唔係我，我喺屋企，今晚無揸過車！」不過事隔半日他又發聲承認自己醉駕﹗被指觸怒無綫，郭子豪其後為案件上庭，離開法院時表示會以一個後悔、正面的心去面對判決，往後如常以謙卑和正面心態努力工作，讓大家看到自己有改進。

郭子豪曾被爆背圈外正印女友 暗撻港姐鄧卓殷

在2019年時 ，郭子豪曾被爆出背拍拖3年圈外正印女友Karen暗撻2018年港姐亞軍兼最上鏡小姐鄧卓殷，當時郭子豪與拍拖3年圈外Karen女友周不時被拍到十指緊扣行街，而郭子豪的車牌更用上二人英文名縮寫「AKY」，愛得甜蜜。直至2019年4月，就有網友發現郭子豪趁圈外女友Karen在美國公幹時，與一名個子矮小的女仔出埠遊玩，懷疑正是港姐鄧卓殷，事後郭子豪依然被影到拖住圈外女友Karen出街，因疑掀起偷食風波。

事隔不久，郭子豪又被影到孖鄧卓殷秘密睇租盤，疑似發展同居關係。而郭子豪當時則澄清已與Karen分手，當中並不涉及第三者，但當時 未有回應分手時間點。

事後Karen就疑回應郭子豪，在IG表示：「總是自私 口說很愛你，下一秒為了自保 用成千上萬的謊言掩飾自己的過錯。盲目信任最終只換來更多傷害。寬恕是為了放過自己，別使自己那心累，不再心軟。」疑似踢爆郭子豪講大話。

郭子豪鄧卓殷拍拖2年有意今年內求婚

雖然郭子豪與鄧卓殷在戀情開始時被冠上「偷食」疑雲，但仍然無阻二人發展戀情，而郭子豪與鄧卓殷拍拖2年一直愛得甜蜜，雖然在年頭曾傳分手，但是郭子豪很快澄清沒有此時。直到最近，郭子豪更大爆已買定求婚戒指準備今年向鄧卓殷求婚，相信很快會傳出好消息。