鍾嘉欣 雙面人 鍾嘉欣 雙面人

N個藝人被爆根本是「偽人」金城武、木偶怡、「越難越愛」都有份!

娛樂資訊

較早前鍾嘉欣在外國被野生捕獲拒合照一事被分享後於網上惹來熱討。網民紛紛留言分享自己偶遇明星的經歷,更指好多明星在電視上的人設和真人有落差。不少人更揭穿「偽人」真面目。原來黑面藝人非鍾嘉欣一個,讓有好多人都榜上有名!

N個藝人被爆「雙面人」根本是「偽人」

鍾嘉欣早前被網民狠批人前人後兩個樣,私底下經常對人黑口黑面,近日再有網民在社交網專頁開post,並列出他所接觸過的親身經歷,揭穿藝人私底下的真面目!

鍾嘉欣 雙面人 鍾嘉欣 有網民在社交網專頁開post,大談「人前人後兩個人」的藝人。
有網民在社交網專頁開post,大談「人前人後兩個人」的藝人。(圖片來源:FB@文人多說話)
鍾嘉欣 雙面人 鍾嘉欣 鍾嘉欣早前被網民狠批「人前人後兩個樣」。
鍾嘉欣早前被網民狠批「人前人後兩個樣」。(圖片來源:IG@chungkayanlinda)
鍾嘉欣 雙面人 鍾嘉欣 被指「乜咁大個鼻」藝人有超過20名。
被指「乜咁大個鼻」藝人有超過20名。(圖片來源:FB@文人多說話)

鍾嘉欣以外 「烈女」被列為「大鼻藝人」No.1

該名在社交網專頁開post的網民,以不開名的方式,列出了超過20名他接觸過的「乜咁大個鼻」藝人,包括「烈女」、「亞視副總裁」、「命硬」、「游水New」、「勁舞Dancing Queen」、「男人最痛」、「痰+E」、「越難越愛」等等,不過就無講到話對方「大鼻」的原因,其中他將「烈女」列為「大鼻藝人」No.1,有網民就認同指:「10幾年前同太太去四川影婚照,回港時當地候機室見到裂女,佢本身已經西口西面,之後有粉絲想同佢合照,佢話ok,但我之後聽到佢X助手:『有烏蠅嚟就幫我撥走佢啦』,正pk。」

亦有多個網民憶述:「N年前同烈女做個一次訪問咁大把,當時book咗間靚餐廳喺落場時間做訪問,結果佢遲咗到仲一嚟到就傾咗半個鐘頭電話先埋位,當然佢同經理人公司同事係當無事發生過一樣。」、「烈女早就臭名遠播,劇本又唔熟,埋位前就乜X都話得,一埋位就噏唔出,累全世界冇得收工,佢係正宗冚家X。」、「裂女好X巴閉咖,晚上龍崗道泊求其低架車就走入老麥買包,然後叫人快啲俾佢,十足啲廢老咁巴閉囉。」

鍾嘉欣 雙面人 鍾嘉欣
(圖片來源:FB@文人多說話)
鍾嘉欣 雙面人 鍾嘉欣
(圖片來源:FB@文人多說話)
鍾嘉欣 雙面人 鍾嘉欣 唱《烈女》的楊千嬅,疑似被網民列為「大鼻藝人」No.1
唱《烈女》的楊千嬅,疑似被網民列為「大鼻藝人」No.1(圖片來源:IG@yeungchinwah)

「E神」被指與粉絲合照後打去學校投訴

這個post又引來不少網民大講自己的親身經歷,其中有網民表示:「我小學個陣E嚟我哋學校附近拍電影。有幾個同學好中意佢,所以佢哋去問E可唔可以影相。E話可以,仲企到好埋笑面迎人咁同佢哋合照。結果轉個頭就打左去我學校度X校長老師唔識教學生 (真係爆晒粗個種) ,然後要求學校記佢哋「大過」。第二日校長特登在早會講,同我哋學生講個社會就係咁,最後學校當然采佢老X,而本身忠粉嘅同學都即刻脫飯。」

該名網民續說:「嗰時係冇智能手機,同學係用即影即有。後來我哋估因為E同助手唔會認得套校服,所以要睇相去認校徽,先可以打去投訴,所以先應承合照。所以都好好奇點解佢咁有心機時間去投訴人。」又解釋:「即影即有影出嚟嘅就直接係一張相,當時話E有要求一張佢keep,所以班同學都勁開心,以為係重視fans嘅表現。係事件發生後先估係咪咁先搵到學校,因為校服上面係有校徽。校長嗰時都有同我哋全校講話:『唔可以着校服喺街度流連』呢條校規其實都係保障大家,換咗套衫係冇人搵到你學校。」

這位網民對「E神」的爆料引來眾多網民熱烈討論,有網民指:「小學生咋喎…佢都要咁?」、「真係好陰濕!」不過亦有不少網民力撐「E神」私下係好Nice同好「吹得」。

鍾嘉欣 雙面人 鍾嘉欣 有網民話「E神」好Nice,亦有網民爆料,指「E神」曾經同粉絲合照後,去對方學校投訴。
有網民話「E神」好Nice,亦有網民爆料,指「E神」曾經同粉絲合照後,去對方學校投訴。(圖片來源:FB@文人多說話)

「𡃁坤」被指脾氣古怪EQ低

亦有網民講話最難相處的藝人係「𡃁坤」:「唔係佢鐘意扮大牌攞架子,係佢本身個人脾氣真係好古怪好難埋到身,佢D思想行為其他人好難GET到,不過鏡頭前佢又真係一個好出色專業嘅演員。」獲得其他網民認同指:「曾經做過一間餐廳serve過佢,佢真係怪怪哋。」、「佢係有啲古怪,同埋你係估唔到佢原來幾天真!難聽啲講有少少X居」、「識得佢圈子嘅人,話佢其實係eq低,性格好傲嬌,似小學雞,係燥底d,但個人其實無咩機心,好真實」等等。

鍾嘉欣 雙面人 鍾嘉欣
(圖片來源:FB@文人多說話)

「男人最痛」見網民擰歪面

有網民就講到:「男人最痛我好多年前係機場同佢面對面行過,佢一見我望到佢即刻好快擰歪面,好似好驚我會同佢打招呼咁,當時我嗰一秒都未撈到佢係邊過,佢真係當左自己大明星,以為人地一見到佢就會拎簽名」引來網民認同話:「好多奀星都係咁情況!大佬我都噏唔出你個名係熟口面唔使即刻擰歪面嘛!反而真係大明星真係唔會咁做!」、「真係奀星專係咁,同一個情況我係筲箕灣見到曹永廉,佢又係擰歪面,真係吹脹!」

鍾嘉欣 雙面人 鍾嘉欣
(圖片來源:FB@文人多說話)

「木偶怡」被指好冇禮貌兼臭串

有網民就話:「以前做Sales遇過木偶怡,佢真係好冇禮貌同好臭串,嗰時佢仲要係二線姐仔,我到而家都好憎佢!重點佢個鼻堅大。」亦有網民指「周國腎」好飄忽:「一時好nice一時好難頂,仲有啲band同rapper都係」。

但亦有網民表示:「一個藝人沒可能24小時咁好精神狀態,將心比己,如果是私人時間面口不好,不一定是臭串,特別是在公眾場合,你一nice可滿足fans,但阻到別的人便不好,便是另一種乞人憎,千期唔好用個人對ariltist的期望去衡量藝人的品格,會過份不平。」

鍾嘉欣 雙面人 鍾嘉欣
(圖片來源:FB@文人多說話)
鍾嘉欣 雙面人 鍾嘉欣
(圖片來源:FB@文人多說話)

任達華獲封「冇架子藝人」No.1

而講到「冇架子」的藝人,大家都認同任達華一定係首選,有網民激動表示:「任達華超好呀真係!有次係免稅店見到,排隊比錢佢在我前面,我細細聲同老公講佢好型呀。咁佢比完錢我以為佢走左啦,咁我比完錢佢竟然仲係對面睇一陣野,見我地出黎佢就行過黎主動傾計一齊行!!!真係好難忘」、「任達華真係無得頂 親民到爆」、「我做sales時都serve過任達華,真心nice」等等。

鍾嘉欣 雙面人 鍾嘉欣
(圖片來源:FB@文人多說話)
鍾嘉欣 雙面人 鍾嘉欣 網民列出接觸過的多達40名「冇架子」藝人,仲話任達華一定係首選,獲得不少網民認同。
網民列出接觸過的多達40名「冇架子」藝人,仲話任達華一定係首選,獲得不少網民認同。(圖片來源:FB@文人多說話)
鍾嘉欣 雙面人 鍾嘉欣 任達華獲讚為「冇架子藝人」No.1
任達華獲讚為「冇架子藝人」No.1(圖片來源:IG@simonyamofficial)

繼網民爆料 前空姐彈出再爆 多名藝人係雙面人

一名自稱前空姐的內地網紅,拍片透露有兩名前空姐同事在工作時,曾遇到搭乘飛機的金城武,即興奮上前向對方要簽名,當時金城武非常客氣地簽了名,但在下機前,他卻用日文向乘務長投訴,指控該兩名空姐打擾到他休息。

鍾嘉欣 雙面人 金城武 現年48歲的金城武作風一向低調。
現年48歲的日台混血男神金城武作風一向低調。(圖片來源:新傳媒照片庫)
鍾嘉欣 雙面人 金城武 自稱目睹事情發生的前空姐,表示不解既然金城武願意給簽名,為何轉身卻馬上投訴。
自稱目睹事情發生的前空姐,拍片爆料指不解既然金城武願意給簽名,為何轉身卻馬上投訴。(圖片來源:抖音影片截圖)
鍾嘉欣 雙面人 金城武 前空姐指她當時的兩名同事原本是金城武的粉絲,事發後因為心寒決定脫粉。
前空姐指她當時的兩名同事原本是金城武的粉絲,事發後感到心寒決定脫粉。(圖片來源:抖音影片截圖)

空姐力數10大藝人機艙惡行

第10位:「大笑姑婆」

「大笑姑婆」形象見稱的女星,其實人前人後兩個樣。空姐阿Sa爆料指一位以「大笑姑婆」形象見稱女星,有空姐是她的小粉絲,但每次上機個女星都瞓咗覺,直到落機終於可以影番張合照,點知個女星就好晦氣話:「影喇影喇咁想影!」空姐小粉絲當堂嚇一嚇,自此割席不再喜歡個女星。

鍾嘉欣 雙面人 金城武 早年已被封為「大笑姑婆」的楊千嬅,成為被前空姐阿Sa指控為人前人後兩個樣的最大嫌疑女星。
楊千嬅早年已被封為「大笑姑婆」,因此成為嫌疑人之一。(圖片來源:IG@yeungchinwah)
鍾嘉欣 雙面人 金城武 薛凱琪亦形象健康,常常笑臉迎人。
薛凱琪亦形象健康,常常笑臉迎人。(圖片來源:新傳媒照片庫)
鍾嘉欣 雙面人 金城武 鄭融性格樂天經常笑容滿面。
鄭融性格樂天經常笑容滿面。(圖片來源:新傳媒照片庫)

第9位:「自私黑超大導演」

至於這位「自私導演」,在東京坐飛機香港時,阿Sa就見到「自私導演」攜帶超大型陶瓷藝術品上飛機,外面只拿薄身發泡膠包住。不過因為體積太大超出限制,被要求送去寄艙。最後到香港後缺乏保護的陶瓷藝術品破碎,倒轉頭反而要求航空公司賠償,更Call齊記者求關注。阿Sa就話:「既然你件物件咁貴重,係咪應該買保險呢?」

鍾嘉欣 雙面人 金城武 導演彭浩翔左)曾因心愛的陶瓷花盆寄艙後變成碎片,而在社交網發文怒轟國泰。
導演彭浩翔(左)曾因心愛的陶瓷花盆寄艙後變成碎片,而在社交網發文怒轟國泰。(圖片來源:IG@by_panghocheung)

第8位:「豪門千金」

豪門千金坐頭等,每5分鐘就按一次服務鈴,卻不是什麼緊要事情,通通都是雞毛蒜皮的小事;而且去廁所仲要求要空姐Block住廁所,空姐連休息時間都沒有!阿Sa就感嘆其實頭等艙仲有其他乘客,不可能全副心力招呼你一人,並笑言道:「平時冇乜人留意佢,想要attention seeking掛!」

第7位:「暴躁學者」

雖然不算娛樂圈中人,不過這名學者以鬧人見稱,引經據典見人就鬧。阿Sa話有次香港飛台北班機,「暴躁學者」見延遲起飛就開始瘋狂鬧人,阿Sa唯有拖得就拖,希望對方可以冷靜下來。不過都算神翻轉,「暴躁學者」火爆完之後,阿Sa禮貌講句對不起,對方都相當熱誠地握握手,連阿Sa都話「粗聲粗氣唔代表心地唔好。」

第5、6位:「踢波阿伯x2」

兩個踢波阿伯好朋友孖住上榜,因為有一次兩個阿伯同一班機,態度超惡頂,阿Sa在阿伯身邊經過,阿伯即刻好惡喝停:「喂,攞杯水畀我!」,打份工當然只能夠乖乖照做……

而另外一位阿伯都相當極品,阿Sa準備出發去馬爾代夫時見到阿伯與他老婆。阿Sa禮貌打招呼問是否乘搭國泰的航班,卻被對方惡言回應:「唔搭你哋仲有其他機咩?」不過他老婆就毫不給臉,直接一句「有啊」回應,認真落面!

第4位:「心急人上」

阿Sa表示「心急人上」有幾單八卦是非曾經見報,本身在航空界中相當出名。有次「心急人上」心急上機,空姐上前查看登機證帶位,卻不料「心急人上」疑似嫌空姐手腳慢,從空姐手中搶過登機證自己找位置,空姐感覺自然不會舒服。雖然阿Sa都話感覺麻麻,不過見到「心急人上」近年家庭美滿,都祝願對方更加穩重,行為變得更加好。

鍾嘉欣 雙面人 金城武 有網民就估計「心急人上」的真正身分應該就是主唱《心急人上》的COOKIES團員。不過足足有9個人,範圍都相當龐大。
有網民就估計「心急人上」的真正身分應該就是主唱《心急人上》的COOKIES團員。不過足足有9個人,範圍都相當龐大。(圖片來源:Facebook截圖)

第3位:「數字先生」

有次這位數字先生同老婆由香港去倫敦,因有位空姐撞到他手臂,期後火爆的數字先生大罵:「我屋企工人都無你咁蠢!」該名空姐難過得匿埋一邊狂喊,機艙長在該程航機將她調往另一個機艙位置。

第2位:「投胎餓鬼」

前空姐阿Sa憶述幾年前,曾serve過一位藝人,取名「投胎餓鬼」,指當時該名藝人與家人一齊坐商務,本身已經食咗好多嘢,之後佢再嗌嘢食,但所點的飛機餐已派完,結果即場「發爛渣」,更將餐牌拋上枱面,再呼喝空姐:「無嘢啦,走啦!」阿Sa指「餓鬼投胎」早前在澳門也曾發生令人側目的事件。

第1位:「Fashion西客」

前空姐阿Sa指航空界最討厭嘅人第1位,非潮流西客莫屬!阿Sa說:「所有空姐見到呢個人都頭痛,講粗口惡言侮辱乜都齊,掉嘢都好閒,試過有次call保安,機長行埋去,你估佢點講?『You are just my driver!』不過唔知點解,佢又冇畀呢間航空公司blacklist,佢而家生咗個女,或者可以對人nice啲啦。」但以往惡行絕對喺空姐眼中出晒名!

再爆「張生」人品差 茅頭直指張振朗

去年看完《萬千星輝頒獎典禮2020》後,阿sa又有料爆,爆當屆有獎攞的「張生」、「龔小姐」鮮為人知的秘聞,疑似指張振朗及龔嘉欣。

鍾嘉欣 雙面人 金城武 張振朗在《萬千星輝頒奬典禮2020》憑《反黑路人甲》奪得「最受歡迎電視男角色」,而龔嘉欣則憑《殺手》奪大馬視后及「最愛歡迎電視女角色」。
張振朗在《萬千星輝頒奬典禮2020》憑《反黑路人甲》奪得「最受歡迎電視男角色」,而龔嘉欣則憑《殺手》奪大馬視后及「最愛歡迎電視女角色」。(圖片來源:《萬千星輝頒奬典禮2020》截圖)

「張生」見高拜見低踩

前國泰空姐阿Sa開咪分享對《萬千星輝頒獎典禮2020》觀後感,奪得「最受歡迎電視男角色」的張振朗,台上發表感言時一度眼濕濕仲話:「我家人教導我一定要識尊重別人,別人先識尊重你」得到不少掌聲,不過前國泰空姐阿Sa就坦言對「張生」冇乜好感,原因是有一臨記朋友,電視城接觸不少藝員,阿Sa問呢位朋友全行邊個最乞人憎,得到答案是「張生」,因為「張生」在片場愛扮大哥,而且見高拜見低踩,並不是電視機前所見的謙虛有禮,並指一早上位的前輩級黎耀祥人前人後一樣有禮,對上下一視同仁,當年得視帝連不同廠的清潔姐姐都過廠恭喜祥哥,阿Sa直指:「張生應該學吓嘢,要喺公司上下都對你尊重,你對人要一視同仁。」

鍾嘉欣 雙面人 金城武 張振朗上台發表感言時表現激動。
張振朗上台發表感言時表現激動。(圖片來源:《萬千星輝頒奬典禮2020》截圖)

爆龔嘉欣為事業放棄愛情

阿Sa又指有一位大馬空姐好友認識當地豪門auntie,爆料指龔嘉欣本來有位富二代男友,更已談婚論嫁,更收到她嫁入豪門的喜訊,但最後龔嘉欣為事業棄愛情,阿Sa話:「龔嘉欣原本可以嫁入豪門,不過對自己嘅職業好執著。」阿Sa又讚龔嘉欣上台的得獎感言夠真摯,比攞大獎的「哨牙妹」感人得多。

鍾嘉欣 雙面人 金城武 龔嘉欣雖失意無綫視后,但兩次上台發表感言時,依然激動,感言令人動容。
龔嘉欣雖失意無綫視后,但兩次上台發表感言時,依然激動,感言令人動容。(圖片來源:《萬千星輝頒奬典禮2020》截圖)

鍾嘉欣為何被網民批雙臉人?

有網民分享,在加拿大行街時遇見鍾嘉欣,終於鼓起勇氣上前要求合照,不過對方卻…詳情請看

鍾嘉欣第一首自創廣告歌是緣於女兒?

鍾嘉欣一直有個心願,就是為自己作一首廣告歌,可是心願尚未達成,鍾嘉欣就已經結婚生子,淡出幕前。幸好…詳情請看

撰文:東方新地圖片來源:FB@文人多說話、IG@chungkayanlinda、IG@yeungchinwah、IG@simonyamofficial資料或影片來源:原文刊於東方新地

你可能也喜歡

Recommended