《錦繡南歌》張兆輝送女留學嗌不捨 親自陪同囡囡飛英國做「陪讀爸爸」
張兆輝近日在《錦繡南歌》飾演主角父親，現實中張兆輝同太太郭碧妍結婚21年，育有一子一女，愛錫兒女的張兆輝試過就放下所有工作，親自陪囡囡飛到英國入學，佢仲喺Facebook大晒同囡囡嘅合照，留言話：「你要努力、努力讀書，希望你明白、我內心對你多麼的不捨⋯⋯」
撰文：東方新地｜圖片：新傳媒圖片庫｜編輯：Lie
《錦繡南歌》張兆輝 現實中做陪讀爸爸
張兆輝嘅大仔張卓鏗 (Edison) 早年已經去咗英國留學，之後就輪到張兆輝嘅14歲細女張卓姿 (Twiggy) 到英國開學，兩年前為了愛女適應當地生活，張兆輝更親自陪同囡囡飛英國做「陪讀爸爸」。
張兆輝一家四口當時全家出動，提早一個星期到英國約克旅行，只為幫囡囡早日適應英國嘅生活。
張兆輝仲留言︰「還有二天，你要努力、努力讀書，希望你明白、我內心對你多麼的不捨。」睇得出對囡囡非常不捨。
臨別依依，張兆輝孖囡囡拍下多張合照，仲不停揸機狂影囡囡靚相，相中見到14歲嘅Twiggy唔再係張太口中嘅「肥妹」，相反眼大大、面尖尖，仙氣十足。
網民都讚Twiggy遺傳咗爸爸媽媽嘅優點，好靚女！
拍埋張兆輝身邊，Twiggy更係亭亭玉立，高度同爸爸相差不遠。
Twiggy早前剛度過14歲生日，張太亦有大晒兩母女嘅合照。
張太又大po囡囡四年前10歲時同張兆輝嘅父女照，話囡囡係輝哥嘅前世情人，輝哥對住囡囡，心心眼出晒嚟！
仲有唔少囡囡細個時嘅靚相，可見Twiggy由細靚到大，自細就係美人胚子！
仲有一家大細嘅泳裝照，全家都好養眼！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
