郭奕芯入行13年捱出頭 成七師父徒弟「八鮮乳」後人氣急升！26歲年紀輕輕已做業主 擁800多萬單位

26歲郭奕芯入行13年 七仙羽師傅賜名「八鮮乳」人氣急升

郭奕芯自出演七仙羽師傅節目《七救星》後人氣急升，在出演節目前星途一直平平。其實郭奕芯早在小時候已擔任《Yes!》雜誌模特兒，在13歲時更代表匯知中學參加「Yes!! 全港校花選舉」，直至2015年時以第一女主角身份出演電影《同班同學》，但其後擔正演出的機會並不多，星途平平。

亮相節目被七仙羽師傅狠批狐狸精上身 3大特徵全中

郭奕芯在2021年為七仙羽師傅節目《七救星》作為其中一集嘉賓，出名樣靚身材正的郭奕芯在節目中自爆自己經常招惹爛桃花，在過往拍拖經驗中曾遇被男友出軌、拍拖倒貼錢、對方講大話、被男友酒後毆打的慘況，希望七仙羽師傅可以幫助她遠離爛桃花。

而七仙羽師傅聽聞郭奕芯遭遇後就認為她很可能被狐狸精附體，七仙羽師傅指被狐狸精附體一共有三大特徵，分別是胸懷小紅痣、腋下有小肉粒及私處有痣，而郭奕芯亦驚訝地表示自己三項全中。節目後段，七仙羽師傅更破天荒在節目中收郭奕芯為徒弟，並賜法名「八鮮乳」，而郭奕芯自從聽從師傅指示食齋後，身心都變得更健康，人氣亦大大提升。

郭奕芯自爆17歲曾遇恐怖情人 被男友捏頸毆打

在七仙羽師傅節目作嘉賓後，郭奕芯亦在同年與193主持ViuTV節目《晚吹-戀講嘢》，在節目中她就大爆其恐怖戀愛經歷，當時只有17歲的郭奕芯與28歲前男友分手數月後應約前男友飲酒聚會，在回家途中，飲醉酒的他突然捏頸問她最近與誰曖昧，郭奕芯隨即嚇得逃走，不過前男友推跌她，並捉著她的手袋不放及按她到地上繼續捏頸，最後更打她至其中一隻con飛出，十分恐怖。

郭奕芯26歲年紀輕輕經已成業主：入手800多萬單位

入行多年的郭奕芯相信都儲了不少錢，因此投資有道的郭奕芯亦入手一層價值800多萬元的單位作收租之用，而七仙羽師傅亦曾指她未來會再做業主，更會擁有多兩、三個物業，相信將來有望成為圈中小富婆。

18歲落蘭桂坊初嚐酒味

郭奕芯與好姊妹Helen(譚海倫)曾在ViuTV節目《有酒今晚吹》自爆自己最怕酒後亂講嘢、追酒飲同講粗口，而主持人強尼指二人酒量好ok，問及郭奕芯是否細細個就學人飲酒，郭奕芯表示：「啱啱夠秤(18歲)嘅時候，我係頭半年成日去蘭桂坊，以前未夠秤成日好想有日終於夠秤，可以去玩、去蒲喇！好想好似啲大人咁去蘭桂坊，嘩！好勁呀！試吓係咩感覺，所以18歲嗰排係玩得多嘅！覺得自己長大可以嘗試飲酒，酒量係可以鍛鍊嘅！」

郭奕芯自爆疑似被落藥恐佈經歷

郭奕芯自認飲酒時非常進取，一係唔飲，試過在慶功宴一飲就撻著，追住人玩遊戲飲酒，講到其中一次最深刻的醉酒經歷，Helen試過飲到覺得自己會死在床上，郭奕芯的經歷就相當驚險，她說：「記得18歲時有一次去蘭桂坊玩，點解覺得嗰次咁大鑊，因我平時酒量係飲一、兩杯都唔會醉，但嗰次只係飲咗一杯紅酒，忽然有人生未試過嘅麻木感，即刻篤電話想發短訊，但篤極都篤唔到嗰個字，我知我開始醉喇！連打個字都要諗好耐，遲鈍咗好多好多，比我平日嘅醉係醉10倍。」

娟姐(練美娟)即問︰「係咪畀人落咗藥？」郭奕芯答︰「我都懷疑係，飲咗一杯就全身謝晒皮，差啲俾人強姦……」郭奕芯直言好彩被相識的男友人救走，她才避過一劫，之後夜蒲飲酒都提高驚覺。

被爆飲酒一定有仔陪

郭奕芯直指每次約Helen去飲酒消遣，她都經常找藉口推搪，Helen解釋自己不想在外飲酒亦不善交際，她較喜歡私人幽靜的環境，更大爆郭奕芯每次的酒局都有男士在場，所以她不想去。另外，郭奕芯亦大爆圈中有不少潛規則，有女星為上位參加K局陪飲酒，藉以換取演出機會，她說：「試過有內地導演話想一齊唱K，我發現有啲女仔好進取，亦有人提示只要飲多幾杯進取啲會有更多機會，我係絕對唔會咁做，呢個世界冇不勞而獲嘅事，再加上我覺得你喺邊度認識嗰個人，嗰個人就會覺得你係咩人，你咁隨便，人哋點解要畀啲咁專業嘅工作畀你呢！」

張敬軒點名大讚郭奕芯靚女

早前張敬軒更曾在節目中表示，近年的女星中最靚係郭奕芯。